ಮಂಗಳೂರು: ಇಲ್ಲಿನ ಮೀನುಗಾರಿಕಾ ಬಂದರಿನಲ್ಲಿ ದೈತ್ಯ ಮೀನೊಂದು ಮೀನುಗಾರರ ಬಲೆಗೆ ಬಿದ್ದಿದ್ದು ಇದನ್ನು ಹೊತ್ತೊಯ್ಯುವ ದೃಶ್ಯ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಒಂದು ವಾರದ ಹಿಂದೆ ಮಂಗಳೂರಿನ ಸಲೀಂ ಎಂಬವರ ಬೋಟ್ಗೆ 98 ಕೆಜಿ ತೂಕದ ಮುರುಮೀನು ಎನ್ನುವ ದೈತ್ಯ ಮೀನು ಸಿಕ್ಕಿತ್ತು. ಇದನ್ನು ಬೋಟಿನಿಂದ ಕೆಳಗಿಳಿಸಲು ಇಬ್ಬರು ಮೀನುಗಾರರು ಕಬ್ಬಿಣದ ರಾಡ್ ಮೂಲಕ ಎಳೆದುಕೊಂಡು ಬಂದಿದ್ದರು. ಈ ಅಪರೂಪದ ದೃಶ್ಯವನ್ನು ಮೀನುಗಾರರೋರ್ವರು ಚಿತ್ರೀಕರಿಸಿದ್ದು, ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಸುಮಾರು 25 ಸಾವಿರ ರೂ. ಬೆಲೆ ಬಾಳುವ ಈ ಮೀನು ಸಿಕ್ಕಿದ ಬೋಟ್ನವರಂತೂ ಖುಷಿಯಿಂದಲೇ ಈ ಬೃಹತ್ ಮೀನನ್ನು ಮಾರಾಟ ಮಾಡಿದ್ದಾರೆ. ಸಣ್ಣ ಗಾತ್ರದಲ್ಲಿ ಸಿಗುವ ಈ ಮುರುಮೀನನ್ನು ಒಂದೆರಡು ತಿನ್ನಬಹುದಾಗಿದ್ದು, ಈ ದೊಡ್ಡ ಗಾತ್ರದ ಮೀನಿನ ಮಾಂಸವನ್ನು ಕೆಜಿ ಲೆಕ್ಕದಲ್ಲಿ ಮಾರಾಟ ಮಾಡಲಾಗುತ್ತದೆ.
https://www.youtube.com/watch?v=FWY7ckDv-TY&feature=youtu.be
