ನ್ಯೂಯಾರ್ಕ್: ʼಫಾಕ್ಸ್‌ʼ (Fox) ಸುದ್ದಿ ವಾಹಿನಿ ನಿರೂಪಕಿ (ಆ್ಯಂಕರ್‌) ಜೂಲಿ ಬಾಂಡೆರಾನ್‌ (Julie Banderas) ಅವರು ಟಿವಿ ಲೈವ್‌ನಲ್ಲೇ ತನ್ನ ಪತಿಗೆ ವಿಚ್ಛೇದನ ಘೋಷಿಸಿ ಪ್ರೇಕ್ಷಕರಲ್ಲಿ ಅಚ್ಚರಿ ಮೂಡಿಸಿದ್ದಾರೆ.

ವ್ಯಾಲೆಂಟೈನ್ಸ್‌ ಡೇ ಕುರಿತು ಟಿವಿ ವಾಹಿನಿಯೊಂದು ಕಾರ್ಯಕ್ರಮ ನಡೆಸುತ್ತಿತ್ತು. ಇದರಲ್ಲಿ ಪಾಲ್ಗೊಂಡಿದ್ದ ಜೂಲಿ ಬಾಂಡೆರಾನ್‌, ಲೈವ್‌ನಲ್ಲೇ ವಿಚ್ಛೇದನ ಘೋಷಿಸಿದ್ದಾರೆ. ಇವರು 2009ರಲ್ಲಿ ಆಂಡ್ರ್ಯೂ ಸ್ಯಾನ್ಸೋನ್‌ ಅವರನ್ನು ವಿವಾಹವಾಗಿದ್ದರು. ಇದನ್ನೂ ಓದಿ: ಧರ್ಮನಿಂದನೆ ಆರೋಪ – ಪಾಕ್ ವ್ಯಕ್ತಿಯನ್ನು ಜೈಲಿನಿಂದ ಎಳೆದೊಯ್ದು ಹತೈಗೈದ ಜನ

Tune into @Gutfeldfox tonight at 11pm ET. I have a little announcement at the end of the show. (During the Valentines Day segment ironically) pic.twitter.com/XVqLzfClUr

— Julie Banderas (@JulieBanderas) February 10, 2023

ಕಾರ್ಯಕ್ರಮದ ವೇಳೆ ವ್ಯಾಲೆಂಟೈನ್ಸ್‌ ಡೇ ಕುರಿತು ಕೀಳು ಪದವನ್ನು ನಿರೂಪಕಿ ಜೂಲಿ ಬಳಸಿದ್ದಾರೆ. ಇದು ಮೂರ್ಖತನ ಎಂದು ಸಹ ಜರಿದಿದ್ದಾರೆ. ನಾನು ವಿಚ್ಛೇದನವನ್ನು ಪಡೆಯುತ್ತಿದ್ದೇನೆ. ಆ ಬಗ್ಗೆ ಇಲ್ಲಿಯೇ ಮೊದಲ ಬಾರಿಗೆ ಹೇಳುತ್ತಿದ್ದೇನೆ ಎಂದು ಜೂಲಿ ಅವರು ತಿಳಿಸಿದ್ದಾರೆ.

ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವ ಮುನ್ನಾ ದಿನವೇ ಜೂಲಿ ಅವರು ವಿಚ್ಛೇದನ ಪಡೆಯುವ ಬಗ್ಗೆ ಘೋಷಣೆ ಮಾಡುವುದಾಗಿ ಟ್ವೀಟ್‌ ಮಾಡಿದ್ದರು. ಜೊತೆ ಸೆಲ್ಫಿ ಫೋಟೋವನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದರು. ಇದನ್ನೂ ಓದಿ: ನಾನು ಚಾಕೊಲೇಟ್‌ ಖರೀದಿಸದಿದ್ದರೂ ಪರ್ವಾಗಿಲ್ಲ..: ಕೂಡಿಟ್ಟಿದ್ದ ಹಣವನ್ನು ಟರ್ಕಿ ಭೂಕಂಪ ಸಂತ್ರಸ್ತರಿಗೆ ನೀಡಿದ 9ರ ಬಾಲಕ

ನಿರೂಪಕಿ ಜೂಲಿ ಅವರು 2009ರಲ್ಲಿ ಆಂಡ್ರ್ಯೂ ಸ್ಯಾನ್ಸೋನ್ ಅವರನ್ನು ಮದುವೆಯಾಗಿದ್ದರು. ಈ ದಂಪತಿಗೆ ಮೂರು ಮಕ್ಕಳಿದ್ದಾರೆ. ಕಳೆದ ವರ್ಷ ಡಿಸೆಂಬರ್‌ನಲ್ಲೇ ಸ್ಯಾನ್ಸೋನ್‌ಗೆ ವಿಚ್ಛೇದನ ನೀಡುವ ಬಗ್ಗೆ ಜೂಲಿ ಸುಳಿವು ನೀಡಿದ್ದರು.