ಮನೆ ದರೋಡೆಗೆ ಬಂದವನಿಗೆ ಬೀದಿನಾಯಿಗಳು ಟಕ್ಕರ್- ಎದ್ನೊ ಬಿದ್ನೊ ಅಂತಾ ಓಡಿದ ಕಳ್ಳ

ಬೆಂಗಳೂರು: ಬೆಳ್ಳಂದೂರು (Bellandur) ಪೊಲೀಸ್ ಠಾಣಾ ವ್ಯಾಪ್ತಿಯ ಕೊಡತಿ ಎಂಬ ಗ್ರಾಮದಲ್ಲಿ ಹೊಂಚು ಹಾಕಿ ಸಂಚು ರೂಪಿಸಿದ್ದ ಕಳ್ಳನಿಗೆ ಬೀದಿನಾಯಿಗಳು ಟಕ್ಕರ್ ಕೊಟ್ಟಿವೆ. ನಾಯಿಗಳ ಅಬ್ಬರ ಕಂಡು ಕಾಲಿಗೆ ಬುದ್ಧಿ ಹೇಳಿದ ಕಳ್ಳ ಬೈಕ್, ಡ್ರಿಲ್ಲಿಂಗ್ ಮೆಷಿನ್ ಬಿಟ್ಟು ಪರಾರಿಯಾಗಿದ್ದಾನೆ. ಕಳ್ಳನ ಕರಾಮತ್ತು ಹಾಗೂ ನಾಯಿಗಳ ಅಬ್ಬರ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

MAN THEFT 1

ಫೆಬ್ರವರಿ 2ರ ರಾತ್ರಿ ಸರ್ಜಾಪುರ ರಸ್ತೆಯ ಕೊಡತಿಯಲ್ಲಿ ಡ್ರಿಲ್ಲಿಂಗ್ ಮೆಷಿನ್ ಸಮೇತ ಮನೆಯೊಳಗೆ ಎಂಟ್ರಿ ಕೊಟ್ಟಿದ್ದ ಕಳ್ಳ. ಮನೆ ಗೋಡೆ ಕೊರೆದು ಒಳ ಹೋಗಲು ತಯಾರಿ ನಡೆಸುತ್ತಿದ್ದ. ಆದರೆ ಈ ವೇಳೆ ಕಳ್ಳನ ಚಲನವಲನ ಕಂಡ ಬೀದಿನಾಯಿಗಳು (Street Dogs) ಜೋರಾಗಿ ಬೋಗಳಲು ಶುರುಮಾಡಿವೆ. ಇದನ್ನೂ ಓದಿ: ಟ್ರ್ಯಾಕ್ಟರ್‌ಗೆ ಬೈಕ್ ಡಿಕ್ಕಿ- ಸವಾರ ಸ್ಥಳದಲ್ಲೇ ಸಾವು

MAN THEFT

ನಾಯಿಗಳ ಶಬ್ದ ಕೇಳಿ ನಿವಾಸಿಗಳು, ಮನೆಯವರು ಹೊರ ಬರುತ್ತಿದ್ದಂತೆ ಕಳ್ಳ ಕಾಲ್ಕಿತ್ತಿದ್ದ. ಮೊದಲಿಗೆ ಸಿಸಿಟಿವಿಗಳನ್ನ ಡ್ಯಾಮೇಜ್ ಮಾಡಿ ಕಳ್ಳತನಕ್ಕೆ ಯತ್ನಿಸಿದ್ದ. ಅಲ್ಲದೆ ಕಳ್ಳತನಕ್ಕೂ ಮುನ್ನ ಮನೆ ಬಳಿ ಎರಡು ದಿನ ಸುತ್ತಾಡಿದ್ದ. ನಂತರ ಶನಿವಾರ ಒಂದೇ ದಿನ ಎರಡು ಬಾರಿ ಕಳ್ಳತನಕ್ಕೆ ಯತ್ನಿಸಿದ್ದಾನೆ.

ನಾಯಿಗಳ ಸಮಯಪ್ರಜ್ಞೆಯಿಂದ ಮನೆ ಕಳ್ಳತನ ತಪ್ಪಿದೆ. ಡ್ರಿಲ್ಲಿಂಗ್ ಮೆಷಿನ್ ಸಮೇತ ಸ್ಥಳೀಯರು ದೂರು ನೀಡಿದ್ದು, ಕಳ್ಳ ಆರೋಪಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ.