9 ದಿನದ ಹಿಂದೆ ನಾಪತ್ತೆ – ಉಜಿರೆ ಯುವತಿಯ ಶವ ಕಾಡಿನಲ್ಲಿ ಪತ್ತೆ

ಮಂಗಳೂರು: ಕಳೆದ ಒಂಬತ್ತು ದಿನದ ಹಿಂದೆ ನಾಪತ್ತೆಯಾಗಿದ್ದ ಬೆಳ್ತಂಗಡಿ ತಾಲೂಕಿನ ಉಜಿರೆ ಯುವತಿಯ ಮೃತದೇಹ ಇಂದು ಕಾಡಿನಲ್ಲಿ‌ ಪತ್ತೆಯಾಗಿದೆ.

ಉಜಿರೆ‌ ಮನೆಯೊಂದರಲ್ಲಿ ಕೆಲಸ‌ ಮಾಡಿಕೊಂಡು ಕಂಪ್ಯೂಟರ್‌ ಶಿಕ್ಷಣ ಪಡೆಯುತ್ತಿದ್ದ 23 ವರ್ಷದ ತೇಜಸ್ವಿನಿ ಕಳೆದ ಒಂಬತ್ತು ದಿನದಿಂದ ನಾಪತ್ತೆಯಾಗಿದ್ದಳು. ತಾಯಿ‌ ಮನೆಗೆ ಹೋಗಿ ಬರುವುದಾಗಿ  ಹೇಳಿದ್ದ ತೇಜಸ್ವಿನಿ ಆ ಬಳಿಕ ನಾಪತ್ತೆಯಾಗಿದ್ದಳು.

ಇಂದು ಬೆಳ್ತಂಗಡಿಯ ಕೊಲೋಡಿ ಕಾಡಿನಲ್ಲಿ ತೇಜಸ್ವಿನಿಯ ಮೃತದೇಹ ಪತ್ತೆಯಾಗಿದ್ದು,ಈಕೆ ರಾಸಾಯನಿಕ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವ ಶಂಕೆ ವ್ಯಕ್ತವಾಗಿದೆ. ಧರ್ಮಸ್ಥಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.