ಧರ್ಮಶಾಲಾ: ಸ್ಪಿನ್ನರ್ಗಳ ನೆರವಿನಿಂದ ಇಂಗ್ಲೆಂಡ್ (England) ವಿರುದ್ಧ ಐದನೇ ಟೆಸ್ಟ್ ಪಂದ್ಯವನ್ನು(Test Match) ಭಾರತ (Team India) ಒಂದು ಇನ್ನಿಂಗ್ಸ್ ಮತ್ತು 64 ರನ್ಗಳಿಂದ ಜಯಗಳಿಸಿದೆ. ಈ ಮೂಲಕ ಐದು ಪಂದ್ಯಗಳ ಟೆಸ್ಟ್ ಸರಣಿಯನ್ನು 4-1 ಅಂತರದಿಂದ ಗೆದ್ದುಕೊಂಡಿದೆ.
259 ರನ್ಗಳ ಹಿನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಇಂಗ್ಲೆಂಡ್ 195 ರನ್ಗಳಿಗೆ ಆಲೌಟ್ ಆಯ್ತು. ಸ್ಪಿನ್ನರ್ ಅಶ್ವಿನ್ 5 ವಿಕೆಟ್ ಪಡೆದರೆ ಬುಮ್ರಾ ಮತ್ತು ಕುಲದೀಪ್ ಯಾದವ್ ತಲಾ 2 ವಿಕೆಟ್ ಪಡೆದರು. ರವೀಂದ್ರ ಜಡೇಜಾ 1 ವಿಕೆಟ್ ಕಿತ್ತರು.
In the air and taken by Jasprit Bumrah! 💪
Kuldeep Yadav with the final wicket 😃
End of the match and series in Dharamsala ⛰️
Scorecard ▶️ https://t.co/OwZ4YNua1o#TeamIndia | #INDvENG | @IDFCFIRSTBankpic.twitter.com/wlOYofabuC
— BCCI (@BCCI) March 9, 2024
ಇಂಗ್ಲೆಂಡ್ ಪರ ಜೋ ರೂಟ್ 84 ರನ್(128 ಎಸೆತ, 12 ಬೌಂಡರಿ), ಜಾನಿ ಬೈರ್ಸ್ಟೋವ್ 39 ರನ್, ಟಾಮ್ ಹಾರ್ಟ್ಲಿ 20 ರನ್ ಹೊಡೆದು ಸ್ವಲ್ಪ ಪ್ರತಿರೋಧ ತೋರಿದರು.
ಅತ್ಯುತ್ತಮ ಸಾಧನೆ:
ಈ ಸರಣಿಯಲ್ಲಿ ಭಾರತ ಅತ್ಯತ್ತಮ ಸಾಧನೆ ಮಾಡಿದೆ. ಕೊಹ್ಲಿ (Virat kohli) ಮತ್ತು ಶಮಿ (Mohammed Shami) ಪಂದ್ಯವಾಡಲೇ ಇಲ್ಲ. ಕೆಎಲ್ ರಾಹುಲ್ ಮೊದಲ 4 ಟೆಸ್ಟ್ ಪಂದ್ಯಗಳಿಂದ ಹೊರಗುಳಿದಿದ್ದರು. ಜಡೇಜಾ 2ನೇ ಟೆಸ್ಟ್ ಆಡದೇ ಇದ್ದರೆ 4ನೇ ಟೆಸ್ಟ್ನಲ್ಲಿ ಬುಮ್ರಾಗೆ ವಿಶ್ರಾಂತಿ ನೀಡಲಾಗಿತ್ತು.
ಮೂರರಿಂದ ಐದನೇ ಕ್ರಮಾಂಕದವರೆಗೆ ಅನುನುಭವಿ ಆಟಗಾರರು ಇದ್ದರೂ ಭಾರತ 4 ಪಂದ್ಯಗಳನ್ನು ಗೆದ್ದುಕೊಂಡಿದೆ. ರೋಹಿತ್ ಶರ್ಮಾ (Rohit Sharma) ನಾಯಕತ್ವದಲ್ಲಿ ತಂಡ ಉತ್ತಮ ಸಾಧನೆ ಮಾಡಿದೆ.
ಸಂಕ್ಷಿಪ್ತ ಸ್ಕೋರ್
ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್ 218/10
ಭಾರತ ಮೊದಲ ಇನ್ನಿಂಗ್ಸ್ 477/10
ಇಂಗ್ಲೆಂಡ್ ಎರಡನೇ ಇನ್ನಿಂಗ್ಸ್ 195/10
