ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಬೀದಿ ನಾಯಿಗಳ ಹಾವಳಿ ಹೆಚ್ಚುತ್ತಿದ್ದು ಇಂದು ಶಾಲೆಯ ಮುಂದೆಯೇ ಮಹಿಳೆ ಮೇಲೆ 5 ನಾಯಿಗಳು ದಾಳಿ ಮಾಡಿ ಗಾಯಗೊಳಿಸಿದ ಘಟನೆ ನಡೆದಿದೆ.
ಕುರುಬರ ಹಳ್ಳಿಯ ಕಾವೇರಿನಗರದ ಸೇಂಟ್ ಮೇರಿಸ್ ಪ್ರೌಢಶಾಲೆ ಬಳಿ ಈ ಘಟನೆ ನಡೆದಿದೆ. ಕುರುಬರ ಹಳ್ಳಿಯ ನಿವಾಸಿ ಪದ್ಮಾ ಎಂಬವರು ಇಂದು ಬೆಳಗ್ಗೆ ಮಗುವನ್ನು ಶಾಲೆಗೆ ಬಿಟ್ಟು ಮನೆಗೆ ವಾಪಾಸ್ಸಾಗುತ್ತಿದ್ದ ವೇಳೆ ನಾಯಿಗಳು ದಾಳಿ ನಡೆಸಿವೆ. ಪರಿಣಾಮ ಪದ್ಮಾ ಕಾಲಿಗೆ ಗಾಯಗಳಾಗಿವೆ.
ಸೇಂಟ್ ಮೇರಿಸ್ ಪ್ರೌಡಶಾಲೆಯ ಮುಂದೆ ಸದಾ ನಾಯಿಗಳ ಹಾವಳಿ ಹೆಚ್ಚಿದ್ದು, ಶಾಲೆ ಮಕ್ಕಳು ಭಯ, ಭೀತಿಯಿಂದ ಓಡಾಡ್ತಾರೆ. ನಾಯಿಗಳ ಹಾವಳಿ ಹಿನ್ನೆಲೆ ಬಿಬಿಎಂಪಿಗೆ ದೂರು ನೀಡಿದ್ದರೂ, ಅಧಿಕಾರಿಗಳು ಯಾವುದೇ ಕ್ರಮ ಕೈಗೊಳ್ಳುತ್ತಿಲ್ಲ ಅಂತ ಸಾರ್ವಜನಿಕರು ಕಿಡಿಕಾರಿದ್ದಾರೆ.
