ಬೆಳಗಾವಿ: ಕೃಷ್ಣಾ ನದಿ ದಡದಲ್ಲಿ 22 ಮೊಸಳೆ ಮರಿಗಳು ಸೇರಿದಂತೆ 6 ಮೊಟ್ಟೆಗಳು ಪತ್ತೆಯಾಗಿ ನದಿ ತೀರದ ಜನರಲ್ಲಿ ಆತಂಕ ಮೂಡಿಸಿದ ಘಟನೆ ಬೆಳಗಾವಿ ಜಿಲ್ಲೆ ಅಥಣಿ ತಾಲೂಕಿನ ಹಲ್ಯಾಳ ಗ್ರಾಮದಲ್ಲಿ ನಡೆದಿದೆ.
ಇಂದು ಬೆಳಗ್ಗೆ ಎಂದಿನಂತೆ ಮೀನುಗಾರರು ಮೀನು ಹಿಡಿಯಲು ಕೃಷ್ಣಾ ನದಿ ತೀರದಲ್ಲಿ ಬಲೆಯನ್ನು ಹಾಕಿದ್ದರು. ಆದರೆ ಆ ಬಲೆಗೆ ಮೀನುಗಳ ಬದಲಾಗಿ ಮೊಸಳೆ ಮರಿಗಳು ಬಿದ್ದಿವೆ. ಇದರಿಂದ ಆತಂಕಗೊಂಡ ಮೀನುಗಾರರು ಕೆಲ ಹೊತ್ತು ಆ ಮರಿಗಳನ್ನು ಏನು ಮಾಡಬೇಕು ಎಂದು ತೊಚದಂತಾಗಿದ್ದರು.
ನಂತರ ಹಿರಿಯರ ಸಲಹೆ ಮೇರೆಗೆ ಅವುಗಳನ್ನ ಸುರಕ್ಷಿತವಾಗಿ ಹೊರಗಡೆ ತಂದು ಅರಣ್ಯ ಇಲಾಖೆಯವರಿಗೆ ಕರೆ ಮಾಡಿ, ಮೊಸಳೆಗಳನ್ನ ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ಒಪ್ಪಿಸಿ ಮಾನವೀಯತೆ ಮೆರೆದಿದ್ದಾರೆ.
