ಹುಬ್ಬಳ್ಳಿ: ಕೊರೊನಾ ಕರಿಛಾಯೆ ಎಲ್ಲೆಡೆಯೂ ಹಬ್ಬಿದ ಬೆನ್ನಲ್ಲೇ ಸ್ಥಗಿತಗೊಂಡ ವಿಮಾನ ಹಾರಾಟ ಒಂದೊಂದಾಗಿ ಪುನರಾರಂಭಗೊಂಡಿದ್ದು, ಈಗ ಇಂಡಿಗೋ ವಿಮಾನ ಸೆಪ್ಟಂಬರ್ 19ರಿಂದ ಮುಂಬೈಗೆ ಪ್ರಯಾಣ ಪ್ರಾರಂಭಿಸುವುದಾಗಿ ಸೂಚನೆ ನೀಡಿದೆ.
ಇಂಡಿಗೊ ಸಂಸ್ಥೆ ಮೊದಲ ಬಾರಿಗೆ ಸೆಪ್ಟೆಂಬರ್ 19ರಿಂದ ವಾರದಲ್ಲಿ ಮೂರು ದಿನ ಹುಬ್ಬಳ್ಳಿಯಿಂದ ಮುಂಬೈಗೆ ವಿಮಾನ ಸೌಲಭ್ಯ ಆರಂಭಿಸಲಿದೆ. ಪ್ರತಿ ಮಂಗಳವಾರ, ಗುರುವಾರ ಮತ್ತು ಶನಿವಾರ ಬೆಳಿಗ್ಗೆ 6.35ಕ್ಕೆ ಮುಂಬೈನಿಂದ ಹೊರಡುವ ವಿಮಾನ 8 ಗಂಟೆಗೆ ಹುಬ್ಬಳ್ಳಿ ತಲುಪಲಿದ್ದು, ಇಲ್ಲಿಂದ 8.40ಕ್ಕೆ ಹೊರಟು 10.05ಕ್ಕೆ ಮುಂಬೈ ತಲುಪಲಿದೆ.
ಇಂಡಿಗೊ ಈಗಾಗಲೇ ಅಹಮದಾಬಾದ್, ಕಣ್ಣೂರು, ಚೆನ್ನೈ, ಕೊಚ್ಚಿ ಮತ್ತು ಬೆಂಗಳೂರು ನಗರಗಳಿಗೆ ವಿಮಾನ ಸೌಲಭ್ಯ ಹೊಂದಿದ್ದು, ಮುಂಬೈಗೆ ಮೊದಲ ಬಾರಿಗೆ ನೇರ ವಿಮಾನ ಆರಂಭಿಸಿದೆ. ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಈ ವಿಷಯ ಖಚಿತಪಡಿಸಿದ್ದಾರೆ.
