ವಿಶ್ವನಾಥ್ ಬೀನ್ ಬ್ಯಾಗ್ ಎಳೆದು ಅರವಿಂದ್‍ಗೆ ಜಾಗ ಕೊಟ್ಟ ದಿವ್ಯಾ!

– ದಿವ್ಯ ಉರುಡುಗ ಕಾಲೆಳೆದ ಕಿಚ್ಚ

ಬಿಗ್‍ಬಾಸ್ ಮನೆಯಲ್ಲಿ ಜೋಡಿ ಟಾಸ್ಕ್ ನಂತರ ಎಲ್ಲರ ಗಮನ ಸೆಳೆಯುತ್ತಿರುವ ಜೋಡಿ ಎಂದರೆ ಅರವಿಂದ್ ಹಾಗೂ ದಿವ್ಯಾ ಉರುಡುಗ. ಕಳೆದ ಒಂದು ವಾರದಿಂದ ಬಿಗ್ ಮನೆಯಲ್ಲಿ ಎಲ್ಲೆ ನೋಡಿದ್ರೂ ಈ ಜೋಡಿ ಒಟ್ಟಾಗಿಯೇ ಕಾಣಿಸಿಕೊಳ್ಳುತ್ತಿದೆ. ಸೂಪರ್ ಸಂಡೇ ವಿತ್ ಕಿಚ್ಚ ಸುದೀಪ್ ಸಂಚಿಕೆಯಲ್ಲಿ ಬೀನ್ ಬ್ಯಾಗ್ ಬಗ್ಗೆಯೇ ಒಂದು ದೊಡ್ಡ ಚರ್ಚೆ ನಡೆದಿದೆ.

ಹೌದು. ನಾನು ದಿವ್ಯಾ ಉರುಡುಗ ಜೊತೆ ಗಾರ್ಡನ್ ಏರಿಯಾದಲ್ಲಿ ಬೀನ್ ಬ್ಯಾಗ್ ಮೇಲೆ ಕುಳಿತುಕೊಂಡು ಮಾತನಾಡುತ್ತಿದ್ದೆ. ಈ ವೇಳೆ ನಾನು ಕೊಂಚ ರಿಲಾಕ್ಸ್ ಮಾಡಲೆಂದು ಮುಂದಕ್ಕೆ ಬಂದೆ. ಆದರೆ ಮತ್ತೆ ಹಿಂದೆ ತಿರುಗಿ ನೋಡಿದಾಗ ಬೀನ್ ಬ್ಯಾಗ್‍ಗೆ ಇರುವುದಿಲ್ಲ. ಬೀನ್ ಬ್ಯಾಗ್ ಎಲ್ಲಿ ಅಂತ ಹುಡುಕುತ್ತಿದ್ದಾಗ ಅರವಿಂದ್ ಅವರು ಬರುತ್ತಿರುವುದನ್ನು ಕಂಡು ದಿವ್ಯಾ ಉರುಡುಗ ಬೀನ್ ಬ್ಯಾಗ್ ಎಳೆದುಕೊಂಡು ಜಾಗ ಮಾಡಿ ಕೊಟ್ಟಿದ್ದಾರೆ ಎಂದು ತಿಳಿಯಿತು ಅಂತ ವಿಶ್ವನಾಥ್ ಹೇಳಿದ್ದಾರೆ.

ಈ ವೇಳೆ ದಿವ್ಯಾ ಉರುಡುಗ ಆ ರೀತಿ ಏನೂ ಇಲ್ಲ ಸರ್ ಎಂದು ಸುದೀಪ್‍ಗೆ ಹೇಳುತ್ತಾರೆ. ನಂತರ ಸುದೀಪ್ ಹೌದು ಆ ತರ ಏನೂ ಇಲ್ಲ. ನಮ್ಮ ಕ್ಯಾಮೆರಾ ಮ್ಯಾನ್‍ಗಳಿಗೆ ತಲೆನೇ ಇಲ್ಲ. ಸುಮ್ಮನೆ ಇಲ್ಲದೇ ಇರುವುದನ್ನೆಲ್ಲಾ ತೋರಿಸುತ್ತಿದ್ದಾರೆ. ಮೊದಲ ಬಾರಿ ಬಿಗ್‍ಬಾಸ್‍ನಲ್ಲಿ ಸಿಜಿ(ಗ್ರಾಫಿಕ್ಸ್) ಎಲ್ಲ ನಡೆಯುತ್ತಿದೆ. ಪಾಪ ಅಲ್ಲಿ ಅರವಿಂದ್‍ರವರೇ ಇಲ್ಲ ಕರೆಕ್ಟ್ ಅಲ್ವಾ? ಎಂದು ದಿವ್ಯಾ ಉರುಡುಗ ಕಾಲೆಳೆದರು.

ಬಳಿಕ ದಿವ್ಯಾ, ಜೋಡಿ ಟಾಸ್ಕ್ ಬಳಿಕ ಅರವಿಂದ್ ಜೊತೆ ವಿಷಯಗಳನ್ನು ಹಂಚಿಕೊಳ್ಳಲು ಹಾಗೂ ಅವರೊಂದಿಗೆ ಕಂಫರ್ಟ್ ಫೀಲ್ ಹೊಂದಿದ್ದೇನೆ. ಅಷ್ಟೇ ಸರ್ ಅದಕ್ಕಿಂತ ಹೆಚ್ಚು ಬೇರೇನೂ ಇಲ್ಲ ಎಂದು ಹೇಳುತ್ತಾರೆ. ಇದಕ್ಕೆ ಸುದೀಪ್ ಕರೆಕ್ಟ್ ಆದರೆ ಬೀನ್ ಬ್ಯಾಗ್ ಏಕೆ ಎಳೆದ್ರಿ ಅಂತ ಪ್ರಶ್ನಿಸಿದ್ದಾರೆ. ಈ ವೇಳೆ ದಿವ್ಯಾ ನನಗೆ ಆ ಘಟನೆ ಬಗ್ಗೆ ನೆನಪೇ ಆಗುತ್ತಿಲ್ಲ ಎಂದು ಹೇಳುತ್ತಾರೆ. ಕೆಲವೊಂದು ವಿಷಯಗಳು ಗೊತ್ತಾಗುವುದೇ ಇಲ್ಲ ಬಿಡಿ. ಇದನ್ನು ಪ್ರತಿ ಮನೆಯಲ್ಲೂ ಮಹಿಳೆಯರು ಕಲಿಯಬೇಕು. ನಾವು ಬರುವುದಕ್ಕಿಂತ ಮುಂಚೆ ಚೇರ್ ರೆಡಿ ಮಾಡಿ ಇಡಿ. ದಿವ್ಯಾ ನೋಡಿ ಕಲಿಯಿರಿ ಎಂದು ವ್ಯಂಗ್ಯ ಮಾಡುತ್ತಾರೆ.

ಜೊತೆಗೆ ಮಂಜು ತುಲಾಭಾರ ಸಂದರ್ಭದಲ್ಲಿ ಶಮಂತ್ ಬೀನ್ ಬ್ಯಾಗ್ ಯಾಕೆ ಇಟ್ಟರು ಎಂಬ ವಿಚಾರ ನನಗೆ ಈಗ ತಿಳಿಯುತ್ತಿದೆ ಎಂದು ಕಿಚ್ಚ ಹಾಸ್ಯ ಮಾಡಿದರು. ಈ ವೇಳೆ ಮನೆ ಮಂದಿಯೆಲ್ಲಾ ಚಪ್ಪಾಳೆ ತಟ್ಟುತ್ತಾ, ಶಿಳ್ಳೆ ಹೊಡೆದು ಹಾಸ್ಯದ ಹೊನಲಿನಲ್ಲಿ ತೇಲಿದ್ರು.