ಬೆಂಗಳೂರು: ಇಂದು ವಿಶ್ವದ ಅಪ್ಪಂದಿರ ದಿನ. ಈ ವಿಶೇಷ ದಿನದಂದು ರಾಕಿಂಗ್ ಸ್ಟಾರ್ ಯಶ್ಗೆ ತಮ್ಮ ಮುದ್ದಾದ ಮಕ್ಕಳಾದ ಐರಾ ಹಾಗೂ ಯಥರ್ವ ವಿಶ್ ಮಾಡಿದ್ದಾರೆ.
- Advertisement 2
ಸದಾ ಸಿನಿಮಾ ಶೂಟಿಂಗ್ ಅಂತ ಬ್ಯೂಸಿಯಾಗಿರುವ ಯಶ್, ಬಿಡುವು ಸಿಕ್ಕಗಲೆಲ್ಲಾ ತಮ್ಮ ಪ್ರೀತಿಯ ಮಕ್ಕಳ ಜೊತೆ ಕಾಲ ಕಳೆಯುತ್ತಾರೆ. ಎಷ್ಟೇ ದೊಡ್ಡವರಾಗಿದ್ದರು, ತಮ್ಮ ಮಕ್ಕಳ ಜೊತೆ ಮಕ್ಕಳಂತೆ ಆಟವಾಡುವ ಯಶ್ ಫೋಟೋ, ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಆಗಾಗ ವೈರಲ್ ಆಗುತ್ತಲೇ ಇರುತ್ತದೆ.
- Advertisement 3
- Advertisement 4
ಸದ್ಯ ರಾಧಿಕಾ ಪಂಡಿತ್ರವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಮಕ್ಕಳ ಜೊತೆ ಯಶ್ ಇರುವ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಒಂದು ಫೋಟೋದಲ್ಲಿ ಕೃಷ್ಣ ವೇಶ ಧರಿಸಿ ಐರಾ ಪ್ರೀತಿಯ ಅಪ್ಪನ ಕೆನ್ನೆಗೆ ಚುಂಬಿಸುತ್ತಿದ್ದರೆ, ಮತ್ತೊಂದು ಫೋಟೋದಲ್ಲಿ ಯಥರ್ವ ಅಪ್ಪನನ್ನು ದಿಟ್ಟಿಸಿ ನೋಡುತ್ತಾ, ಅಪ್ಪನ ಮುಖವನ್ನು ಸವರುತ್ತಿರುವುದನ್ನು ಕಾಣಬಹುದಾಗಿದೆ. ಮತ್ತೊಂದರಲ್ಲಿ ಫೋಟೋದಲ್ಲಿ ಯಶ್ ತಮ್ಮ ಮುದ್ದಾದ ಇಬ್ಬರು ಮಕ್ಕಳನ್ನು ಎರಡು ಕೈಗಳ ಮೇಲೆ ಎತ್ತಿಕೊಂಡಿರುವುದನ್ನು ನೋಡಬಹುದಾಗಿದೆ.
ಈ ಫೋಟೋಗಳ ಜೊತೆಗೆ ರಾಧಿಕಾ ಪಂಡಿತ್, ಯಶ್ ಒಬ್ಬರು ಅದ್ಭುತ ಬಾಯ್ಫ್ರೆಂಡ್ ಹಾಗೂ ಉತ್ತಮ ಪತಿ ಕೂಡ. ಆದರೆ ಅವರಲ್ಲಿರುವ ಒಬ್ಬ ಒಳ್ಳೆಯ ತಂದೆಯನ್ನು ಕೂಡ ನೋಡಿದೆ. ಐರಾ, ಯಥರ್ವ್ ಲವ್ ಯೂ ಡಾಡಾ, ವಿಶ್ವದ ಎಲ್ಲ ಅದ್ಭುತ ತಂದೆಯಂದಿರಿಗೂ ಹ್ಯಾಪಿ ಫಾದರ್ಸ್ ಡೇ ಎಂದು ಕ್ಯಾಪ್ಷನ್ನಲ್ಲಿ ಬರೆದುಕೊಂಡಿದ್ದಾರೆ.
ಒಟ್ಟಾರೆ ಯಶ್ ಒಬ್ಬ ಉತ್ತಮ ಫ್ಯಾಮಿಲಿ ಮ್ಯಾನ್ ಹಾಗೂ ಬೆಸ್ಟ್ ತಂದೆ ಎಂಬುವುದಕ್ಕೆ ವೈರಲ್ ಆಗುತ್ತಿರುವ ಈ ಫೋಟೋಗಳೇ ಸಾಕ್ಷಿ ಎಂದರೆ ತಪ್ಪಾಗಲಾರದು.
View this post on Instagram