ರುಚಿಯಾದ, ಆರೋಗ್ಯಕರ ಕುಂಬಳಕಾಯಿ ದೋಸೆ ಮಾಡುವ ವಿಧಾನ

Public TV
1 Min Read
Pumpkin Dosa

ಖಾಲಿ, ಮಸಾಲೆ, ಸೆಟ್ ದೋಸೆ ತಿಂದು ಬೇಸರವಾಗಿದ್ರೆ ಒಮ್ಮೆ ಕುಂಬಳಕಾಯಿ ದೋಸೆ ಟ್ರೈ ಮಾಡಿ ನೋಡಿ. ನಾಲಿಗೆಗೆ ರುಚಿ ನೀಡುವದರ ಜೊತೆ ಆರೋಗ್ಯಕ್ಕೂ ಕುಂಬಳಕಾಯಿ ದೋಸೆ ಒಳ್ಳೆಯದು. ಭಾನುವಾರ ಮನೆಯಲ್ಲಿ ಎಲ್ಲರೂ ಇರ್ತಾರೆ. ರಜಾ ದಿನಗಳಲ್ಲಿ ದೋಸೆ ಮಾಡೋದು ಕಾಮನ್. ಆದ್ರೆ ಕುಂಬಳಕಾಯಿ ದೋಸೆಯ ರುಚಿಯೇ ವಿಭಿನ್ನ.

Pumpkin Dosa 1.jpg

ಬೇಕಾಗುವ ಸಾಮಾಗ್ರಿಗಳು
* ದೋಸೆ ಅಕ್ಕಿ – 1 ಕಪ್
* ಕಡಲೆಬೇಳೆ – 2 ಸ್ಪೂನ್
* ಕುಂಬಳಕಾಯಿ – ಸಣ್ಣಗೆ ಹೆಚ್ಚಿದ್ದು 1 ಕಪ್
* ಕಾಯಿ ತುರಿ – ಅರ್ಧ ಕಪ್
* ಶುಂಠಿ – ಸ್ವಲ್ಪ
* ಕೆಂಪು ಮೆಣಸಿನಕಾಯಿ – ಖಾರಕ್ಕೆ ತಕ್ಕಷ್ಟು
* ಜೀರಿಗೆ – ಸ್ವಲ್ಪ
* ಕರಿಬೇವು – ಸ್ವಲ್ಪ
* ಉಪ್ಪು – ರುಚಿಗೆ ತಕ್ಕಷ್ಟು
* ಎಣ್ಣೆ – ಸ್ವಲ್ಪ

Pumpkin Dosa 2.jpg

ಮಾಡುವ ವಿಧಾನ
* ದೋಸೆ ಅಕ್ಕಿ ಮತ್ತು ಕಡ್ಲೆಬೇಳೆಯನ್ನು 2 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿ, ಸೋಸಿಕೊಳ್ಳಿ.
* ಈಗ ಸೋಸಿದ ಅಕ್ಕಿಯನ್ನು ಚೆನ್ನಾಗಿ ನುಣ್ಣಗೆ ರುಬ್ಬಿ ಒಂದು ಮಿಕ್ಸಿಂಗ್ ಬೌಲ್‍ಗೆ ಹಾಕಿ.
* ಈಗ ಅದೇ ಜಾರ್ ಗೆ ಸಿಪ್ಪೆ ತೆಗೆದು ಸಣ್ಣಗೆ ಹೆಚ್ಚಿದ ಕುಂಬಳಕಾಯಿಯನ್ನು ಹಾಕಿ ಪೇಸ್ಟ್ ಮಾಡಿಕೊಳ್ಳಿ.
* ಅದೇ ಜಾರ್ ಗೆ ಕಾಯಿ ತುರಿ, ಶುಂಠಿ, ಕೆಂಪು ಮೆಣಸಿನಕಾಯಿ, ಕರಿಬೇವು ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಿ.
* ಈಗ ಎಲ್ಲವನ್ನು ಹಾಕಿ ಮಿಕ್ಸಿಂಗ್ ಬೌಲ್‍ಗೆ ಹಾಕಿ ರುಚಿಗೆ ತಕ್ಕಷ್ಟು ಉಪ್ಪು, ಜೀರಿಗೆ ಸೇರಿಸಿ.
* 5-10 ನಿಮಿಷ ನೆನೆಯಲು ಬಿಡಿ.
* ಈಗ ದೋಸೆ ತವ ಕಾದ ಬಳಿಕ ದೋಸೆ ರೀತಿಯೇ ಮಾಡಿ. ಎಣ್ಣೆ ಹಾಕಿ ಎರಡೂ ಕಡೆ ಬೇಯಿಸಿ. ರುಚಿಯಾದ ಪಮ್ಕಿನ್ ದೋಸೆ ರೆಡಿ.

Share This Article
Leave a Comment

Leave a Reply

Your email address will not be published. Required fields are marked *