ದಿಸ್ಪುರ್: ಸಾಮಾನ್ಯವಾಗಿ ಬಾಳೆಹಣ್ಣು, ಸೊಪ್ಪು- ತರಕಾರಿಗಳನ್ನು ಆನೆ ತಿನ್ನುವುದನ್ನು ಕೇಳಿದ್ದೇವೆ. ಆದರೆ ಇಲ್ಲೊಂದು ಆನೆ ರಸ್ತೆ ಬದಿಯಲ್ಲಿ ನಿಲ್ಲಿಸಿದ್ದ ಬೈಕ್ ಮೇಲಿದ್ದ ಹೆಲ್ಮೆಟ್ ನುಂಗಿ ಅಚ್ಚರಿಪಡಿಸಿದ ಘಟನೆ ನಡೆದಿದೆ.
ಅಸ್ಸಾಂನ ಗುವಾಹಟಿಯ ಸತ್ ಗಾಂವ್ ಸೇನಾ ಶಿಬಿರದ ಬಳಿ ನಡೆದ ಈ ಘಟನೆಯ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ. ಆನೆಯ ಈ ವರ್ತನೆಗೆ ನೆಟ್ಟಿಗರು ಸಾಕಷ್ಟು ಕಾಮೆಂಟ್ ಮಾಡುತ್ತಿದ್ದಾರೆ.
Digest this: #Elephant from adjoining Amchang forest gobbles up a helmet in #Guwahati's Satgaon area. Wonder how it tasted! pic.twitter.com/VLQOzgzoLJ
— Rahul Karmakar (@rahconteur) June 10, 2021
ವೀಡಿಯೋದಲ್ಲೇನಿದೆ..?
ವ್ಯಕ್ತಿಯೊಬ್ಬರು ರಸ್ತೆಯಲ್ಲಿ ಹಾಕಿರುವ ಬ್ಯಾರಿಕೇಡ್ ಪಕ್ಕ ಬೈಕ್ ನಿಲ್ಲಿಸಿದ್ದಾರೆ. ಅಲ್ಲದೆ ಬೈಕ್ ನ ಮಿರರ್ ನಲ್ಲಿ ಹೆಲ್ಮೆಟ್ ಇಟ್ಟು ಹೋಗಿದ್ದಾರೆ. ಇದೇ ದಾರಿಯಲ್ಲಿ ಬಂದ ಆನೆ ಕೆಲ ಕಾಲ ಬೈಕ್ ಮುಂದೆ ನಿಂತಿದೆ. ನಂತರ ನಿಧಾನವಾಗಿ ಬೈಕ್ ಮೇಲಿದ್ದ ಹೆಲ್ಮೆಟ್ ಕಸಿದು ಅದನ್ನು ತನ್ನ ಸೊಂಡಿಲಿನ ಮುಖಾಂತರ ಬಾಯಿಗೆ ಇಟ್ಟಿದೆ. ಬಳಿಕ ಅಲ್ಲಿಂದ ತನಗೇನೂ ಗೊತ್ತೇ ಇಲ್ಲ ಎಂಬಂತೆ ಮುಂದೆ ಚಲಿಸಿದೆ. ಈ ಎಲ್ಲಾ ದೃಶ್ಯಗಳನ್ನು ನಾವು ವೀಡಿಯೋದಲ್ಲಿ ಕಾಣಬಹುದಾಗಿದೆ.
Someone please tell this hungry gentle giant that helmet is a life saver only by wearing it & not by eating it 😁 pic.twitter.com/rgA3bjoJgy
— Praveen Angusamy IFS 🐾 (@JungleWalaIFS) June 10, 2021
ಆನೆ ಬರುತ್ತಿರುವುದನ್ನು ಅಲ್ಲೇ ಇದ್ದವರು ತಮ್ಮ ಮೊಬೈಲ್ ನಲ್ಲಿ ವೀಡಿಯೋ ಮಾಡಿಕೊಳ್ಳುತ್ತಿದ್ದರು. ಆನೆ ಬೈಕ್ ಪಕ್ಕ ಬರುತ್ತಿದ್ದಂತೆಯೇ ಬೈಕ್ ಬೀಳಿಸಿ ತುಳಿದು ಹಾಕುತ್ತೆ ಅಂತ ಅಂದುಕೊಂಡರು. ಆದರೆ ಅಲ್ಲಿ ಆಗಿದ್ದೇ ಬೇರೆ ಅಂತ ತಿಳಿದು ಅಚ್ಚರಿಪಟ್ಟರು. ಸದ್ಯ ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಜನ ವಿವಿಧ ರೀತಿಯಲ್ಲಿ ಕಾಮೆಂಟ್ ಗಳನ್ನು ಮಾಡುತ್ತಿದ್ದಾರೆ. ಕೆಲವರು ಆನೆಗೆ ಹಸಿವಾಗಿರಬೇಕು ಅದಕ್ಕೆ ಹೆಲ್ಮೆಟ್ ನುಂಗಿದೆ ಅಂತ ಹೇಳಿದ್ದಾರೆ.
Must have playfully taken possession, since it resembles a ball.
Would have been interesting to see the full video what it eventually does with the same 😊
— Azam Siddiqui (@azam24x7) June 10, 2021
ಈ ಬಗ್ಗೆ ಅರಣ್ಯಾಧಿಕಾರಿಗಳು ಪ್ರತಿಕ್ರಿಯಿಸಿದ್ದು, ಆನೆ ಸೇಫಾಗಿದ್ದು, ಹೆಲ್ಮೆಟ್ ನುಂಗಿಲ್ಲ. ಬೈಕ್ ಮೇಲಿಂದ ಹೆಲ್ಮೆಟ್ ಕಸಿದುಕೊಂಡಿರುವ ಆನೆ ಕೆಲಕಾಲ ತನ್ನ ಬಾಯಿಯಲ್ಲೇ ಇಟ್ಟುಕೊಂಡಿದೆ. ಹೀಗೆ ಬಾಯಲ್ಲಿಟ್ಟುಕೊಂಡು ಕೆಲ ದೂರ ಹೋಗಿ ಉಗುಳಿದೆ. ಅಲ್ಲದೆ ಕಾಡಿನತ್ತ ತೆರಳುವ ಮುನ್ನ ಅದನ್ನು ತನ್ನ ಕಾಲಿನಿಂದ ತುಳಿದು ಪುಡಿ ಮಾಡಲು ಮುಂದಾಗಿತ್ತು ಎಂದು ತಿಳಿಸಿದ್ದಾರೆ.
So. Did the elephant gobble out that helmet after realising it is not an edible thing?
— Nivedita Khandekar (@nivedita_Him) June 10, 2021
