ಕೋಲಾರ: ಹಸು ಮೂರು ಕರುಗಳಿಗೆ ಜನ್ಮ ನೀಡಿರುವ ಘಟನೆ ಕೋಲಾರ ಜಿಲ್ಲೆಯ ಶ್ರೀನಿವಾಸಪುರ ತಾಲ್ಲೂಕಿನ ಆವಲಕುಪ್ಪ ಗ್ರಾಮದಲ್ಲಿ ನಡೆದಿದೆ.
ಹಸುವೊಂದು ಮೂರು ಕರುಗಳಿಗೆ ಜನ್ಮ ನೀಡಿ ಸುದ್ದಿಯಾಗಿದೆ. ಈ ಹಿಂದೆ ಹಸು ಮೂರು ಬಾರಿ ಒಂದೊಂದು ಕರುವಿಗೆ ಜನ್ಮ ನೀಡಿತ್ತು. ಆದರೆ ಈ ಬಾರಿಗೆ ಮೂರು ಕರುಗಳಿಗೆ ಜನ್ಮ ನೀಡಿದೆ. ಮೂರು ಕರುವನ್ನು ನೋಡಿ ಸ್ಥಳಿಯರು ಸಂತೋಷ ಪಟ್ಟಿದ್ದಾರೆ.
ರೈತ ನಾರಾಯಣಸ್ವಾಮಿ ಹಾಗು ಭಾಗ್ಯಮ್ಮ ದಂಪತಿಗಳಿಗೆ ಸೇರಿದ ಹಸು ಇದಾಗಿದೆ. 2 ಹೆಣ್ಣು ಹಾಗೂ 1 ಗಂಡು ಕರುವಿಗೆ ಹಸು ಜನ್ಮ ನೀಡಿದೆ. ಪಶು ವೈದ್ಯ ವೆಂಕಟೇಶ್ ಅವರು ಭೇಟಿ ನೀಡಿ ತಪಾಸಣೆ ಮಾಡಿದ್ದಾರೆ. ಕರು ಮತ್ತು ಹಸು ಆರೋಗ್ಯವಾಗಿದೆ ಎಂದು ಹೇಳಿದ್ದಾರೆ.
