– ಎಮ್ಮೆಯ ಡ್ಯಾನ್ಸ್ ಗೆ ನೆಟ್ಟಿಗರು ಫಿದಾ
ಶಿಮ್ಲಾ: ಕೋಣದ ಮುಂದೆ ಕಿನ್ನರಿ ಬಾರಿಸಿದರೆ ಪ್ರಯೋಜನವಿಲ್ಲ ಎಂಬ ಗಾದೆ ಮಾತೊಂದಿದೆ. ಆದರೆ ಈ ವೀಡಿಯೋ ಗಾದೆಯನ್ನು ಸುಳ್ಳಾಗಿಸಿದೆ.
ಹೌದು. ಮನೆಯೊಡತಿಯ ಜೊತೆಗೆ ಎಮ್ಮೆಯೊಂದು ತಾನು ಕುಣಿದು ಕುಪ್ಪಳಿಸುವ ಮೂಲಕ ನೆಟ್ಟಿಗರ ಮನಸೆಳೆದಿದೆ. ಹಿಮಾಚಲಪ್ರದೇಶದ ಗ್ರಾಮವೊಂದರಲ್ಲಿ ನಡೆದ ಈ ಘಟನೆಯ ವೀಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ವೀಡಿಯೋದಲ್ಲಿ ಎಮ್ಮೆ ಬಹಳ ಜೋಶ್ ನಿಂದಲೇ ಕುಣಿಯುವುದನ್ನು ನಾವು ಕಾಣಬಹುದಾಗಿದೆ. ಮನೆಯ ಒಡತಿ ಎಮ್ಮೆಯ ಮುಂದೆ ಹಾಡಿನೊಂದಿಗೆ ಡ್ಯಾನ್ಸ್ ಮಾಡಿದ್ದಾರೆ. ಅಲ್ಲದೆ ಎಮ್ಮೆಯನ್ನು ಕೂಡ ಕುಣಿಯುವಂತೆ ಪ್ರೇರೇಪಿಸಿದ್ದಾರೆ.
ಹಟ್ಟಿಯಲ್ಲಿ ಎಮ್ಮೆಯನ್ನು ಕಟ್ಟಿ ಹಾಕಲಾಗಿದೆ. ಅಲ್ಲದೆ ಅದರ ಮೇಲೆ ಕಂಬಳಿ ಕೂಡ ಹೊದಿಸಲಾಗಿದೆ. ಮಹಿಳೆಯ ಹಾಡು ಹೇಳಿ, ಡ್ಯಾನ್ಸ್ ಮಾಡುತ್ತಿದ್ದಂತೆಯೇ ಎಮ್ಮೆ ಕೂಡ ಕುಣಿಯಲು ಆರಂಭಿಸಿದೆ. ಈ ವೇಳೆ ಅಲ್ಲೆ ಇದ್ದ ಪುಟ್ಟ ಮಕ್ಕಳು ಜೋರಾಗಿ ನಗುತ್ತಿರುವುದು ಕೇಳುತ್ತಿದೆ. ಡ್ಯಾನ್ಸ ಮಾಡುವ ರಭಸದಲ್ಲಿ ಎಮ್ಮೆ ಮೇಲಿದ್ದ ಕಂಬಳಿ ಕೂಡ ಕೆಳಗೆ ಬಿದ್ದಿದೆ.
ಸದ್ಯ ಈ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗುತ್ತಿದ್ದು, ಎಮ್ಮೆಯ ಡ್ಯಾನ್ಸ್ ಗೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಅಲ್ಲದೆ ಮೆಚ್ಚುಗೆಯ ಕಾಮೆಂಟ್ ಗಳನ್ನು ಮಾಡುತ್ತಿದ್ದಾರೆ.
Watch a Buffalo dancing with its owner in a viral video! This undated viral video is believed to be shot in a one of the villages in #HimachalPradesh.#UserGeneratedContent | @manjeet_sehgal pic.twitter.com/DW9n4vTy9X
— IndiaToday (@IndiaToday) December 30, 2020
