ಮನೆಯಲ್ಲಿ ಮಾಡಿ ಹಲಸಿನ ಹಣ್ಣಿನ ಇಡ್ಲಿ

ರುಚಿಕರವಾದ ಅಡುಗೆಯನ್ನು ಮಾಡುವುದರ ಜೊತೆಗೆ ಹೊಸತೆನೋ ಒಂದನ್ನು ಪ್ರತಿದಿನವು ಪ್ರಯೋಗ ಮಾಡುವುದು ಭೋಜನ ಪ್ರೀಯರಿಗೆ ಹೆಚ್ಚು ಖುಷಿಯನ್ನು ಕೊಡುವ ವಿಚಾರ. ಹಲಸಿನ ಹಣ್ಣುಗಳ ಸಿಗುವ ಸಮಯ ಇದು. ಈ ಹಣ್ಣಿನಿಂದ ಬೇರೆ ಬೇರೆ ರೀತಿಯ ಅಡುಗೆಯನ್ನು ಮಾಡಬಹುದು. ಆದರೆ ಇಂದು ಹಲಸಿನ ಹಣ್ಣಿನ ಇಡ್ಲಿ ಮಾಡುವುದು ಹೇಗೆ ಎಂದು ತಿಳಿದುಕೊಂಡು ನೀವು ಮನೆಯಲ್ಲಿಯೇ ರುಚಿಯಾಗಿ ಹಲಸಿನ ಹಣ್ಣಿನ ಇಡ್ಲಿ ಮಾಡಿ ಸಿವಿಯಿರಿ..

ಬೇಕಾಗುವ ಸಾಮಗ್ರಿಗಳು:

* ಏಲಕ್ಕಿ – 4-5
* ಅಕ್ಕಿ ರವೆ – 1 ಕಪ್
* ಹಲಸಿನ ಹಣ್ಣು- 2ಕಪ್
* ರಚಿಗೆ ತಕ್ಕಷ್ಟು ಉಪ್ಪು
* ಕೊಬ್ಬರಿ ತುರಿ- ಅರ್ಧ ಕಪ್
* ಬಾಳೆ ಎಲೆ- 4
* ತುಪ್ಪ- ಅರ್ಧ ಕಪ್

* ಬೆಲ್ಲ-  1 ಕಪ್

ಮಾಡುವ ವಿಧಾನ:
* ಹಲಸಿನ ಹಣ್ಣನ್ನು ಚೆನ್ನಾಗಿ ಕಿವುಚಿ ರಸ ತೆಗೆದುಕೊಳ್ಳಬೇಕು. ನಂತರ ಅದಕ್ಕೆ ಸಕ್ಕರೆ ಹಾಕಿ ಕಲಸಿಕೊಳ್ಳಬೇಕು.

* ಬಳಿಕ ಅದಕ್ಕೆ ಉಪ್ಪು, ಏಲಕ್ಕಿ ಪುಡಿ, ತೆಂಗಿನಕಾಯಿ ತುರಿ, ಅಕ್ಕಿರವೆ ಹಾಕಿ ಕಲಸಬೇಕು. ಒಂದು ಗಂಟೆ ಅದನ್ನು ಹಾಗೆ ಇಡಬೇಕು.

* ನಂತರ ಇಡ್ಲಿ ಪಾತ್ರೆಗೆ ಸ್ವಲ್ಪ ನೀರು ಹಾಕಿ ಅದರ ಮೇಲೆ ಒಂದು ತಟ್ಟೆ ಇಟ್ಟು, ಬಾಳೆ ಎಲೆಗೆ ತುಪ್ಪವನ್ನು ಸವರಿ ಸಿದ್ಧಪಡಿಸಿಕೊಂಡ ಹಲಸಿನಕಾಯಿ ಹಿಟ್ಟನ್ನು ಅದರೊಳಗೆ ಹಾಕಿ ಮಡಚಿ ಇಡ್ಲಿ ಪಾತ್ರೆಯಲ್ಲಿ ಹಾಕಿ.

* ಬಳಿಕ ಮುಚ್ಚಳವನ್ನು ಮುಚ್ಚಿ. 25 ನಿಮಿಷ ಬೇಯಿಸಬೇಕು. ನಂತರ ರುಚಿಕರವಾದ ಹಲಸಿನ ಹಣ್ಣಿನ ಇಡ್ಲಿ ಸವಿಯಲು ಸಿದ್ಧವಾಗುತ್ತದೆ.