ಹಬ್ಬಕ್ಕೆ ಸಿಹಿ ಅಡುಗೆಗಳನ್ನು ಮಾಡಿ ತಿಂದಿದ್ದಿರಾ. ಅದೇ ಹಬ್ಬ ಮಗಿದ ವಾರಾಂತ್ಯದಲ್ಲಿ ರುಚಿ ರುಚಿಯಾಗಿ ಮಾಂಸಹಾರದ ಅಡುಗೆ ತಿನ್ನಬೇಕು ಎಂದು ಬಯಸುವುದು ಸಹಜ. ಹೀಗಿರುವಾಗ ಮನೆಯಲ್ಲಿ ಸರಳವಾಗಿ ಮಾಡುವ ಬೊಂಬಾಟ್ ಆಗಿರವ ಲೆಮನ್ ಚಿಕನ್ ಮಾಡುವ ವಿಧಾನ ಇಲ್ಲಿದೆ.
ಬೇಕಾಗುವ ಸಾಮಗ್ರಿಗಳು:
* ಬೋನ್‍ಲೆಸ್ ಚಿಕನ್- ಅರ್ಧ ಕೆಜಿ
* ಒಂದು ಮೊಟ್ಟೆ
* ನಿಂಬೆಹಣ್ಣು – 2 ದೊಡ್ಡ ಗಾತ್ರದ್ದು
* ಡಾರ್ಕ ಸೋಯಾ ಸಾಸ್ -2 ಟೇಬಲ್ ಸ್ಪೂನ್
* ಗ್ರೀನ್ ಚಿಲ್ಲಿ ಸಾಸ್- 2 ಟೇಬಲ್ ಸ್ಪೂನ್
* ಪೆಪ್ಪರ್ ಪೌಡರ್- 2 ಟೀ ಸ್ಪೂನ್
* ಬಿಳಿಎಳ್ಳು- 2 ಟೀ ಸ್ಪೂನ್
* ಹಸಿಮೆಣಸು- 4 ರಿಂದ 5
* ಬಳ್ಳುಳ್ಳಿ ಒಂದು ದೊಡ್ಡ ಗಾತ್ರದ್ದು
* ಶುಂಠಿ- ಅರ್ಧ ಇಂಚು
* ಅರಿಶಿನ ಪುಡಿ- 2 ಟೀ ಸ್ಪೂನ್
* ಮೈದಾಹಿಟ್ಟು- 2 ಟೀ ಸ್ಪೂನ್
* ಕಾನ್ಪ್ಲೋರ್- 4 ಟೇಬಲ್ ಸ್ಪೂನ್
* ಜೇನುತುಪ್ಪ- 1 ಟೇಬಲ್ ಸ್ಪೂನ್
* ಶುಂಟಿ ಮತ್ತು ಬೆಳುಳ್ಳಿ ಪೆಸ್ಟ್- 2 ಟೇಬಲ್ ಸ್ಪೂನ್
* ಕೊತ್ತಂಬರಿ- ಸ್ವಲ್ಪ
* ಅಡುಗೆ ಎಣ್ಣೆ 1 ಕಫ್
* ರುಚುಗೆ ತಕ್ಕಷ್ಟು ಉಪ್ಪು
ಮಾಡುವ ವಿಧಾನ:
* ಚೆನ್ನಾಗಿ ತೊಳೆದಿರುವ ಬೋನ್ ಲೆಸ್ ಚಿಕನ್ ಒಂದು ಪಾತ್ರೆಯಲ್ಲಿ ಹಾಕಿಕೊಳ್ಳಬೇಕು.
* ಒಂದು ಮೊಟ್ಟೆಯನ್ನು ಈ ಬೋನ್ ಲೆಸ್ ಚಿಕನ್ ಇರುವ ಪಾತ್ರೆಗೆ ಹಾಕಿ ಚಿಕನ್‍ನೊಂದಿಗೆ ಚೆನ್ನಾಗಿ ಮಿಶ್ರಣ ಮಾಡಬೇಕು.
* ಈ ಮಿಶ್ರಣಕ್ಕೆ ಪೆಪ್ಪರ್ ಪೌಡರ್, ಡಾರ್ಕ ಸೋಯಾ ಸಾಸ್ ಹಾಗೂ ನಿಂಬೆಹಣ್ಣಿನ ರಸವನ್ನು ಹಾಕಿ ಚೆನ್ನಾಗಿ ಚಿಕನ್‍ನೊಂದಿಗೆ ಮಸಾಲೆ ಹೊಂದಿಕೊಳ್ಳುವಂತೆ ಮಿಶ್ರಣ ಮಾಡುತ್ತಿರಬೇಕು.
* ಇದೇ ಪಾತ್ರೆಗೆ ಕಾನ್ಪ್ಲೋರ್, ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್, ಮೈದಾ ಹಿಟ್ಟು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು. ಈಗ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಮಿಶ್ರಣ ಮಾಡುತ್ತಿರಬೇಕು.
* ಈ ಮಿಶ್ರಣ ಚೆನ್ನಾಗಿ ಮಸಾಲೆಗೆ ಹೊಂದಿಕೊಳ್ಳುವವರೆಗೆ ಅರ್ಧಗಂಟೆಗಳ ಕಾಲ ಒಂದುಕಡೆ ಇಟ್ಟಿರಬೇಕು.
* ಒಂದು ಪಾತ್ರೆಯಲ್ಲಿ ಎಣ್ಣೆಹಾಕಿ ಎಣ್ಣೆ ಬಿಸಿಯಾದ ನಂತರ ಮಸಾಲೆಯೊಂದಿಗೆ ಮಿಶ್ರಣವಾಗಿರುವ ಚಿಕನ್ ಸಣ್ಣ ಉರಿ ಬೆಂಕಿಯಲ್ಲಿ ಫ್ರೈ ಮಾಡಿ ತೆಗೆದಿಟ್ಟುಕೊಳ್ಳಬೇಕು.
* ಒಂದು ಕಪ್‍ಗೆ ಕಾನ್ಪ್ಲೋರ್, ಲಿಂಬ ರಸ ಹಾಗೂ ಜೇನು ತುಪ್ಪವನ್ನು ಒಂದೊಂದು ಟೀ ಸ್ಪೂನ್ ಹಾಕಿ ಮಿಶ್ರಣ ಮಾಡಿಕೊಳ್ಳಬೇಕು. ಈ ಮಿಶ್ರಣಕ್ಕೆ ಒಂದು ಗ್ಲಾಸ್ ನೀರು ಹಾಕಿ ಸಾಸ್ ತಯಾರಿಸಿ ಒಂದು ಕಡೆ ತೆಗೆದಿಟ್ಟುಕೊಳ್ಳಬೇಕು.
* ಮತ್ತೊಂದು ಬಾಣಲೆಯಲ್ಲಿ ಎಣ್ಣೆಹಾಕಿ ಬಿಸಿಯಾದ ಮೇಲೆ ಮೆಣಸು, ಶುಂಠಿ, ಬಳ್ಳುಳ್ಳಿ, ಅರಿಶಿಣ ಹಾಗೂ ಈ ಮೊದಲು ತಯಾರಿಸಿದ ಸಾಸ್ ಹಾಕಿ ಚೆನ್ನಾಗಿ ಫ್ರೈ ಮಾಡಬೇಕು.
* ನಂತರ ಈ ಮಿಶ್ರಣಕ್ಕೆ ಫ್ರೈ ಮಾಡಿ ತೆಗೆದಿಟ್ಟಿರುವ ಚಿಕನ್ ಹಾಕಿ ಫ್ರೈ ಮಾಡಬೇಕು.
* ಕೊತ್ತಂಬರಿ, ಬಿಳಿಎಳ್ಳು, ಹಸಿಮೆಣಸು ಹಾಕಿ ಚೆನ್ನಾಗಿ 5 ನಿಮಿಷಗಳಕಾಲ ಫ್ರೈ ಮಾಡಿದರೆ ಲೆಮನ್ ಚಿಕನ್ ಸವಿಯಲು ಸಿದ್ಧವಾಗುತ್ತದೆ.
