– ನಿಧಿ ಸುಬ್ಬಯ್ಯ ಲಿಪ್‍ಸ್ಟಿಕ್ ಹಾಕ್ತಾರಂತೆ ರಾಜೀವ್
ಸಾಮಾನ್ಯವಾಗಿ ಹುಡುಗಿಯರು ಮೇಕಪ್ ಮಾಡಿಕೊಳ್ಳುವುದು ಹೊಸ ವಿಷಯವೇನೆಲ್ಲಾ. ದೊಡ್ಮನೆಯಲ್ಲಿ ಪ್ರತಿನಿತ್ಯ ಹುಡುಗಿಯರು ಮೇಕಪ್ ಮಾಡಿಕೊಳ್ಳುತ್ತಾರೆ. ಆದರೆ ವಿಶೇಷ ಅಂದರೆ ಬಿಗ್‍ಬಾಸ್ ಮನೆಯಲ್ಲಿ ಪ್ರತಿದಿನ ರಾಜೀವ್ ಮೇಕಪ್ ಮಾಡಿಕೊಳ್ಳುತ್ತಾರೆ ಎಂದು ಮನೆಯ ಸದಸ್ಯರು ಹೇಳಿದ್ದಾರೆ.
ಹೌದು, ಪ್ರತಿವಾರ ಮನೆಮಂದಿಯ ಚಲನ-ವಲನಗಳನ್ನು ಗಮನಿಸಿ ವಾರಾಂತ್ಯದಲ್ಲಿ ಕಿಚ್ಚ ಸುದೀಪ್ ಯೆಸ್ ಆರ್ ನೋ ಆಟ ಆಡಿಸುತ್ತಾರೆ. ಸದ್ಯ ನಿನ್ನೆ ಬಿಗ್‍ಬಾಸ್ ಮನೆಯಲ್ಲಿ ಪ್ರತಿದಿನ ಮೇಕಪ್ ಮಾಡಿಕೊಳ್ಳುವ ಸ್ಪರ್ಧಿ ಎಂದರೆ ರಾಜೀವ್ ಎಂದು ಹೇಳಿದ್ದಾರೆ.
ಈ ವೇಳೆ ಮನೆಯ ಎಲ್ಲಾ ಸದಸ್ಯರು ಯೆಸ್ ಎಂದಿದ್ದಾರೆ. ನಂತರ ಯಾಕೆ ಎಂದು ಸುದೀಪ್ ಕೇಳಿದಾಗ, ನಿಧಿ ಸುಬ್ಬಯ್ಯ, ಬರೀ ಅವರ ಪ್ರೊಡಕ್ಟ್, ಅವರ ಮೇಕಪ್ ಅಷ್ಟೇ ಅಲ್ಲದೇ ನನ್ನ ಪ್ರೊಡಕ್ಟ್ಸ್ ಮತ್ತೆ ಫೇಸ್ ಪ್ಯಾಕ್, ಹೇರ್ ಸ್ಪ್ರೇ, ಇವತ್ತು ನನ್ನ ಲಿಪ್‍ಸ್ಟಿಕ್ ಎರಡು ಮೂರು ಕಲರ್ ತಗೊಂಡು ಹಾಕಿಕೊಂಡಿದ್ದಾರೆ ಎಂದು ಆರೋಪಿಸುತ್ತಾರೆ.
ನಂತರ ವೈಷ್ಣವಿ, ಅವರು ಬಳಸುವಷ್ಟು ಕ್ರೀಮ್ಸ್ ನಾವು ಕೂಡ ಯೂಸ್ ಮಾಡುವುದಿಲ್ಲ. ಹಾಗೇ ಅದಕ್ಕೆಂದೇ ಒಂದು ಬಾಕ್ಸ್ ಇಟ್ಟು ಒಂದು ಕಡೆ ಡೇ ಕ್ರೀಮ್, ನೈಟ್ ಕ್ರೀಮ್, ಮೋಸ್ಚರೈಸಿಂಗ್ ಕ್ರೀಮ್, ಫೇಸ್ ವಾಶ್ ಹೀಗೆ ಹಲವು ಕ್ರೀಮ್‍ಗಳನ್ನು ಯೂಸ್ ಮಾಡುತ್ತಾರೆ. ಜೊತೆಗೆ ಮೇಕಪ್ ಕೂಡ ಹಾಕಿಕೊಳ್ಳುತ್ತಾರೆ ಎನ್ನುತ್ತಾರೆ.
ಚಕ್ರವರ್ತಿಯವರು ಕೂಡ ರಾಜೀವ್ ಅವರು ಕನ್ನಡಿಯನ್ನು ಪ್ರೀತಿಸುವಷ್ಟು ಬೇರೆ ಯಾರೂ ಪ್ರೀತಿಸುವುದನ್ನು ನೋಡಿಲ್ಲ ಎಂದಾಗ, ನಂತರ ನಿಧಿ ಕೂಡ ಹೌದು ಸರ್,
ಆಗ ರಾಜೀವ್ ಶೂಟಿಂಗ್ ಇರಲಿ, ಹೊರಗಿರಲಿ ನಾನು ಮೇಕಪ್ ಮಾಡಿಕೊಂಡಾಗ, ಲೈಟ್ ಆಗಿ ಲಿಪ್‍ಸ್ಟಿಕ್ ಯೂಸ್ ಮಾಡುತ್ತೇನೆ. ಆದರೆ ಇಲ್ಲಿ ನನ್ನ ಮೇಕಪ್ ಕಿಟ್‍ನಲ್ಲಿ ಲಿಪ್‍ಸ್ಟಿಕ್ ಮಿಸ್ ಆಗಿದೆ ಎಂದು ಹೇಳಿದ್ದಾರೆ.
