ಚೆನ್ನೈ: ನಟಿ ಸಾಯಿ ಪಲ್ಲವಿ ನಿಸರ್ಗದೊಂದಿಗೆ ಹೆಚ್ಚು ಕಾಲ ಕಳೆಯುತ್ತಾರೆ. ಗುಡ್ಡ ಬೆಟ್ಟ ಅಲೆಯುತ್ತಾರೆ ಎಂಬುದು ತಿಳಿದಿರುವ ವಿಚಾರ. ಆದರೆ ಅವರು ಮಕ್ಕಳೊಂದಿಗೂ ಅಷ್ಟೇ ಚೆಂದ ಬೆರೆಯುತ್ತಾರೆ ಎಂಬುದಕ್ಕೆ ಅವರ ಇನ್‍ಸ್ಟಾಗ್ರಾಮ್ ಪೋಸ್ಟ್ ಸಾಕ್ಷಿಯಾಗಿದೆ.
ಲಾಕ್‍ಡೌನ್ ಬಳಿಕ ಸಾಯಿ ಪಲ್ಲವಿ ಯಾವುದೇ ಸಿನಿಮಾದ ಚಿತ್ರೀಕರಣಕ್ಕೆ ಹಾಜರಾಗಿಲ್ಲ. ಸಾಯಿ ಪಲ್ಲವಿ ಈಗಾಗಲೇ ಎರಡು ಸಿನಿಮಾಗಳಲ್ಲಿ ನಟಿಸುತ್ತಿದ್ದು. ಲಾಕ್‍ಡೌನ್ ಬಳಿಕ ಚಿತ್ರೀಕರಣ ಇನ್ನೂ ಆರಂಭವಾಗಿಲ್ಲ. ಹೀಗಾಗಿ ಮನೆಯಲ್ಲಿಯೇ ಕಾಲ ಕಳೆಯುತ್ತಿದ್ದಾರೆ. ಸಾಯಿ ಪಲ್ಲವಿ ರೌಡಿ ಬೇಬಿ ಎಂದೇ ಫೇಮಸ್, ಅವರ ವಿಭಿನ್ನ ಸಿನಿಮಾ ಹಾಗೂ ಡ್ಯಾನ್ಸ್ ಗಳಿಗಾಗಿಯೇ ಅಭಿಮಾನಿ ಬಳಗವಿದೆ.
ಫಿದಾ ಸಿನಿಮಾ ಮೂಲಕ ಹೆಚ್ಚು ಪ್ರಸಿದ್ಧಿ ಪಡೆದಿರುವ ಸಾಯಿ ಪಲ್ಲವಿ, ಮಲಯಾಳಂ, ತೆಲುಗು, ತಮಿಳು, ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಫಿದಾ ಬಳಿಕ ಮಿಡ್ಲ್ ಕ್ಲಾಸ್ ಅಬ್ಬಾಯ್, ದಿಯಾ, ಮಾರಿ-2 ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಅಲ್ಲದೆ ಲವ್ ಸ್ಟೋರಿ, ವಿರಾಟ ಪರ್ವಂ ಸಿನಿಮಾಗಳು ಇನ್ನೂ ಚಿತ್ರೀಕರಣ ಹಂತದಲ್ಲಿವೆ. ಲಾಕ್‍ಡೌನ್ ಬಳಿಕ ಮನೆಯಲ್ಲೇ ಕಾಲ ಕಳೆಯುತ್ತಿರುವ ಸಾಯಿ ಪಲ್ಲವಿ ಸಖತ್ ಎಂಜಾಯ್ ಮಾಡುತ್ತಿದ್ದಾರೆ. ಕಾಡು ಅಲೆಯುತ್ತಿದ್ದಾರೆ. ಅಲ್ಲದೆ ಮಕ್ಕಳೊಂದಿಗೆ ಸೇರುತ್ತಿದ್ದಾರೆ.
ಮಕ್ಕಳಿಗೆ ಮೆಹಂದಿ ಹಾಕುವ ಫೋಟೋ ಹಾಗೂ ವಿಡಿಯೋ ಇನ್‍ಸ್ಟಾಗ್ರಾಮ್‍ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಹ್ಯಾಪಿ ಕ್ಲೇಂಟ್ಸ್, ಪಿಪ್ರಿ ಪಿಲ್ಲಾಸ್ ಎಂದು ಬರೆದುಕೊಂಡಿದ್ದಾರೆ. ಮಕ್ಕಳೊಂದಿಗೆ ಬೆರೆತಿರುವ ಈ ವಿಡಿಯೋ ನೋಡಿದ ಸಮಂತಾ ದ್ಯಾಟ್ಸ್ ಸೋ ಕ್ಯೂಟ್ ಎಂದು ಕಮೆಂಟ್ ಮಾಡಿದ್ದಾರೆ. ಈ ಪೋಸ್ಟ್ ಗೆ ಹಲವು ಜನ ಪ್ರತಿಕ್ರಿಯಿಸುತ್ತಿದ್ದು, ಮೆಚ್ಚುಗೆಯ ಕಮೆಂಟ್ ಮಾಡುತ್ತಿದ್ದಾರೆ.
ಸಾಯಿ ಮಲ್ಲವಿ ಬಿಡುವಿದ್ದಾಗಲೆಲ್ಲ ಕಾಡು ಸುತ್ತುವುದು, ಇಲ್ಲವೇ ಮಕ್ಕಳೊಂದಿಗೆ ಕಾಲ ಕಳೆಯುವುದನ್ನು ಮಾಡುತ್ತಾರೆ. ನಿಸರ್ಗವನ್ನು ತುಂಬಾ ಪ್ರೀತಿಸುತ್ತಾರೆ. ಇತ್ತೀಚೆಗೆ ಮರದ ಕೊಂಬೆಯನ್ನು ಹಿಡಿದು ಝರಿಯ ಬಳಿ ನೇತಾಡುವ ಫೋಟೋ ಸಹ ಪೋಸ್ಟ್ ಮಾಡಿದ್ದರು. ಹೀಗೆ ಲಾಕ್‍ಡೌನ್ ದಿನಗಳನ್ನು ಸಖತ್ ಎಂಜಾಯ್ ಮಾಡುತ್ತಿದ್ದಾರೆ. ಅಭಿಮಾನಿಗಳು ಸಹ ಈ ಕುರಿತು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
ಇತ್ತೀಚಿನ ಮಾಹಿತಿ ಪ್ರಕಾರ ನಟಿ ಸೌಂದರ್ಯ ಜೀವನಾಧಾರಿತ ಚಿತ್ರದಲ್ಲಿ ಸಹ ಸಾಯಿ ಪಲ್ಲವಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಮಾಹಿತಿ ಸಹ ಲಭ್ಯವಾಗಿದೆ. ಆದರೆ ಈ ಕುರಿತು ಇನ್ನೂ ಅಂತಿಮವಾಗಿಲ್ಲ. ಅಂದಹಾಗೆ ಸೌಂದರ್ಯ ಜೀವನಾಧಾರಿತ ಸಿನಿಮಾವನ್ನು ತೆಲುಗಿನಲ್ಲಿ ಮಾಡಲು ನಿರ್ಧರಿಸಲಾಗಿದೆ. ಸೌಂದರ್ಯ ಕುಟುಂಬದ ಒಪ್ಪಿಗೆಯನ್ನು ಚಿತ್ರ ತಂಡ ಪಡೆಯುತ್ತಿದೆ. ಒಪ್ಪಿಗೆ ಸಿಕ್ಕ ಬಳಿಕ ಸಿನಿಮಾ ಸೆಟ್ಟೇರಲಿದೆ. ಈ ಪ್ರಕ್ರಿಯೆ ನಡೆಯುತ್ತಿರುವಾಗಲೇ ಈ ಸಿನಿಮಾದಲ್ಲಿ ಯಾರು ನಟಿಸಬೇಕು ಎಂಬ ಚರ್ಚೆ ನಡೆಯುತ್ತಿದ್ದು, ಸಾಯಿ ಪಲ್ಲವಿ ಸೂಕ್ತ ಎನ್ನಲಾಗಿದೆ. ಫಿದಾ ಸಿನಿಮಾ ಬಳಿಕ ಸಾಯಿ ಪಲ್ಲವಿಗೆ ತೆಲುಗು ಅಭಿಮಾನಿಗಳು ಹೆಚ್ಚಿದ್ದಾರೆ. ಅಲ್ಲದೆ ಅದ್ಭುತ ನೃತ್ಯಗಾರ್ತಿ ಕೂಡ ಹೀಗಾಗಿ ಅವರೇ ನಟಿಸುತ್ತಾರೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.
