ಬಿಗ್ಬಾಸ್ ಮನೆಯಲ್ಲಿ ಇದೀಗ ಸ್ಪರ್ಧಿಗಳ ನಡುವೆ ಗುಂಪುಗಾರಿಕೆ ಶುರುವಾಗಿದೆ. ಒಂದಾಗಿದ್ದ ಮನೆಮಂದಿ ಇದೀಗ ಒಬ್ಬರನ್ನು ಕಂಡರೆ ಒಬ್ಬರಿಗೆ ಆಗದಷ್ಟರ ಮಟ್ಟಿಗೆ ಮನಸ್ತಾಪ ಬೆಳೆದುನಿಂತಿದೆ. ಇದನ್ನು ಗಮನಿಸುತ್ತಿರುವ ಶಮಂತ್ ಮತ್ತು ರಘು ತಮ್ಮ ಭಾವನೆಗಳನ್ನು ಒಬ್ಬರಿಗೊಬ್ಬರು ಹಂಚಿಕೊಂಡಿದ್ದಾರೆ.
- Advertisement 2
ಈ ಮನೆಯಲ್ಲಿ 40 ವರ್ಷಕ್ಕಿಂತ ಮೇಲ್ಪಟ್ಟವರು ಒಂದಿಷ್ಟು ಜನ ಇದ್ದಾರೆ. ಅದಕ್ಕಿಂತ ಕಡಿಮೆ ವಯಸ್ಸಿನವರು ಒಂದಿಷ್ಟು ಜನ ಇದ್ದೇವೆ. ನಾವು ಈ ಮನೆಯಲ್ಲಿರುವವರನ್ನು ಒಟ್ಟಾಗಿ ಕರೆದುಕೊಂಡು ಹೋಗಿ ಒಳ್ಳೆಯ ಭಾವನೆ ಬರುವಂತೆ ನೋಡಿಕೊಳ್ಳಬೇಕೆಂದು ಅನಿಸುತ್ತಿದೆ ಎಂದು ಶಮಂತ್ ಅವರು ರಘು ಬಳಿ ಹೇಳಿಕೊಂಡಿದ್ದಾರೆ. ಇದನ್ನೂ ಓದಿ: ನಾನು ಮನೆಗೆ ಹೋಗ್ತೀನಿ – ಬಿಗ್ ಮನೆಯಲ್ಲಿ ಕಣ್ಣೀರಿಟ್ಟ ದಿವ್ಯಾ
- Advertisement 3
- Advertisement 4
ಈ ವೇದಿಕೆ ನಮಗೆ ತುಂಬಾ ದೊಡ್ಡದು. ನಾವು ಮೊದಲು ಇದ್ದಂತೆ ಈ ಮನೆಯಲ್ಲಿ ಇಲ್ಲ ತುಂಬಾ ಬದಲಾವಣೆಗಳು ಕಂಡು ಬರುತ್ತಿದೆ. ನಾವೆನಾ ಇಲ್ಲಿ ಇರೋದು ಎನ್ನುವಷ್ಟರ ಮಟ್ಟಿಗೆ ಬದಲಾವಣೆ ಕಾಣಿಸುತ್ತಿದೆ. ಮನೆ ತುಂಬಾ ಖಾಲಿ, ಖಾಲಿ ಅನಿಸುತ್ತಿದೆ. ಅವರು ಇವರನ್ನು ಮಾತನಾಡಿಸುತ್ತಿಲ್ಲ. ಇವರು ಅವರನ್ನು ಮಾತನಾಡಿಸುತ್ತಿಲ್ಲ ಏನಿದು ಎಂದು ಶಮಂತ್ ಬೇಸರ ವ್ಯಕ್ತಪಡಿಸಿದ್ದಾರೆ.
ಇದಕ್ಕೆ ರಘು ನಾನು ಯಾವ ಟೀಂ ಜೊತೆಗೂ ಗುರುತಿಸಿಕೊಂಡಿಲ್ಲ. ಟಾಸ್ಕ್ ಬಂದಾಗ ಟೀಂ ಓಕೆ ಅದನ್ನು ಹೊರತು ಪಡಿಸಿ ಗುಂಪುಗಾರಿಕೆ ಸರಿ ಅನಿಸಲಿಲ್ಲ. ನನಗೆ ಅರವಿಂದ್ ಅವರು ಮಾತನಾಡಿದ್ದು ಸರಿ ಅನಿಸಲಿಲ್ಲ ಅವರು ವೈಯಕ್ತಿಕ ವಿಚಾರವಾಗಿ ಮಾತನಾಡಬಾರದು ಎಂದರು. ಇದನ್ನು ಕೇಳಿಸಿಕೊಂಡ ಶಮಂತ್ ನಮ್ಮಲ್ಲಿ ವೈಯಕ್ತಿಕವಾಗಿ ಒಬ್ಬರಿಗೊಬ್ಬರು ಜಗಳವಾಡುತ್ತಿದ್ದಾರೆ ಎಂದು ಬಿಗ್ ಬಾಸ್ ಮನೆಯ ಮಾತಿನ ಕಲಹದ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ.