ಬಿಗ್ಬಾಸ್ ಮನೆಯಲ್ಲಿ ಅರವಿಂದ್, ದಿವ್ಯಾ ಲವ್ ಸ್ಟೋರಿ ನಡೆಯುತ್ತಿದೆ ಎಂಬುವುದಕ್ಕೆ ಶಮಂತ್ ಸಾಕ್ಷಿ ಸಮೇತವಾಗಿ ಕಿಚ್ಚ ಸುದೀಪ್ ಎದುರಿಗೆ ಸಾಬೀತು ಪಡಿಸಿದ್ದಾರೆ.
ಪ್ರತಿವಾರದಂತೆ ಸೂಪರ್ ಸಂಡೇ ವಿತ್ ಕಿಚ್ಚ ಸುದೀಪ್ ಸಂಚಿಕೆಯಲ್ಲಿ ನಿನ್ನೆ ಯೆಸ್ ಆರ್ ನೋ ರೌಂಡ್ಸ್ ನಡೆಯಿತು ಈ ವೇಳೆ ಕಿಚ್ಚ ಸುದೀಪ್ ದಿವ್ಯಾ ಯು ಅವರಿಗೆ ಇತ್ತೀಚೆಗೆ ರಾತ್ರಿ ಹೊತ್ತು ನಿದ್ದೆಯೇ ಬರುತ್ತಿಲ್ಲ ಎಂದು ಪ್ರಶ್ನೆ ಕೇಳುತ್ತಾರೆ.
ಆಗ ಮನೆಮಂದಿಯೆಲ್ಲಾ ಯೆಸ್ ಎಂದು ಬೋರ್ಡ್ ತೋರಿಸುತ್ತಾರೆ. ಈ ವೇಳೆ ಶಮಂತ್ ಅರವಿಂದ್ ಮಲಗುವವರೆಗೂ ದಿವ್ಯಾ ಮಲಗುವುದಿಲ್ಲ. ಎಂಬುದಕ್ಕೆ ನನ್ನ ಕತ್ತು ಹಿಡಿದುಕೊಂಡಿರುವುದೇ ಸಾಕ್ಷಿ. ನಿನ್ನೆ ಸರಿಯಾಗಿರುವ ಬಟ್ಟೆಗಳನ್ನು ಮತ್ತೆ ಮತ್ತೆ ಮಡಚಿಡುತ್ತಿದ್ದರು. ಅರವಿಂದ್ ಅವರು ಎಲ್ಲಿಯವರೆಗೂ ಮಲಗಲ್ಲವೋ ಅಲ್ಲಿಯವರೆಗೂ ಬಟ್ಟೆ ಮಡಚುತ್ತಲೇ ಇರುತ್ತಿದ್ದರು. ನಾನು ನೋಡುವವರೆಗೂ ನೋಡಿದೆ. ಕೊನೆಗೆ ಕತ್ತು ನೋವು ಬಂತು. ಹಾಗಾಗಿ ಈ ಕಡೆ ತಿರುಗಿಕೊಂಡು ಮಲಗಿಕೊಂಡೆ. ಆದರೆ ಬೆಳಗ್ಗೆ ನೋಡಿದರೆ ಕತ್ತು ಹಿಡಿದುಕೊಂಡಿದೆ ಎಂದು ಹೇಳಿದ್ದಾರೆ.
ಇನ್ನೂ ಈ ವೇಳೆ ನಿಧಿ ಸುಬ್ಬಯ್ಯ, ಅವನು ನಿದ್ದೆ ಮಾಡಿಕೊಂಡು ಗೊರಕೆ ಹೊಡೆಯುವಾಗ, ದಿವ್ಯಾ ಕೈನಲ್ಲಿ ಹಾರ್ಟ್ ಚಿಹ್ನೆ ಮಾಡಿ ತೋರಿಸುತ್ತಿರುತ್ತಾರೆ. ಆದಾದ ಮೇಲೆ ಬೆಳಗ್ಗೆ ಎದ್ದಿದ ಕೂಡಲೇ ಇಬ್ಬರು ಎಂದು ಒಬ್ಬರಿಗೊಬ್ಬರು ತಬ್ಬಿಕೊಳ್ಳುತ್ತಾರೆ. ಆಗ ದಿವ್ಯಾ ಅರವಿಂದ್ನನ್ನು ಫುಲ್ ತಬ್ಬಿಕೊಂಡಿದ್ದರೆ, ಅರವಿಂದ್ ಒಂದು ಕೈನಲ್ಲಿ ತಬ್ಬಿಕೊಂಡು ಮತ್ತೊಂದು ಕೈನಲ್ಲಿ ಮೂಗಿಗೆ ಕೈ ಹಾಕಿಕೊಂಡು ಗೊಣ್ಣೆ ತೆಗೆಯುತ್ತಿರುತ್ತಾನೆ ಎಂದು ಹೇಳುತ್ತಾರೆ.
ಒಟ್ಟಾರೆ ನಿಧಿ ಶಮಂತ್ ಹಾಗೂ ನಿಧಿ ಸುಬ್ಬಯ್ಯ ಮಾತು ಕೇಳಿ ಮನೆ ಮಂದಿ ಜೊತೆ ಕಿಚ್ಚ ಕೂಡ ಜೋರಾಗಿ ಹೊಟ್ಟೆ ಹುಣ್ಣಾಗುವಷ್ಟು ನಗುತ್ತಾರೆ.