ಭೋಪಾಲ್: ತನ್ನ ಬಳಿ ನಿಂತಿದ್ದ ಶ್ವಾನವನ್ನು ವ್ಯಕ್ತಿಯೊಬ್ಬ ಏಕಾಏಕಿ ಎತ್ತಿ ಸರೋವರಕ್ಕೆ ಎಸೆದ ಅಮಾನವೀಯ ಘಟನೆಯೊಂದು ಮಧ್ಯಪ್ರದೇಶದಲ್ಲಿ ನಡೆದಿದೆ. ಈ ಘಟನೆ ಪ್ರಾಣಿಪ್ರಿಯರ ಆಕ್ರೋಶ ಹೊರಹಾಕುವಂತೆ ಮಾಡಿದೆ.
ಭೋಪಾಲ್ನಲ್ಲಿರುವ ಸರೋವರವೊಂದರಲ್ಲಿ ಈ ಘಟನೆ ನಡೆದಿದೆ. ವ್ಯಕ್ತಿ ಶ್ವಾನವನ್ನು ನೀರಿಗೆ ಬಿಸಾಕುತ್ತಿರುವುದನ್ನು ವಿಡಿಯೋ ಕೂಡ ಮಾಡಲಾಗಿದ್ದು, ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸದ್ದು ಮಾಡುತ್ತಿದೆ.
ವಿಡಿಯೋದಲ್ಲಿ ಕಪ್ಪು ಬಣ್ಣದ ಟೀ- ಶರ್ಟ್ ಧರಿಸಿದ್ದ ವ್ಯಕ್ತಿಯ ಬಳಿ ಎರಡು ಶ್ವಾನಗಳು ಬಂದು ನಿಲ್ಲುತ್ತವೆ. ಒಂದು ಶ್ವಾನ ಆತನ ಹಿಂದೆ ಬಂದು ನಿಂತರೆ, ಇನ್ನೊಂದು ಈತನ ಕಾಲ ಪಕ್ಕವೇ ಬಂದು ಬಾಲ ಅಲ್ಲಾಡಿಸಿಕೊಂಡು ನಿಲ್ಲುತ್ತದೆ. ಈ ವೇಳೆ ವ್ಯಕ್ತಿ ತನ್ನ ಪಕ್ಕ ನಿಂತಿರುವ ಶ್ವಾನವನ್ನು ಹಾಗೆಯೇ ಎತ್ತಿಕೊಂಡು ಏಕಾಏಕಿ ನೀರಿಗೆ ಬಿಸಾಕುತ್ತಾನೆ. ಇದರ ಸಂಪೂರ್ಣ ವಿಡಿಯೋ ಮಾಡಲಾಗಿದೆ. ಈ ವಿಡಿಯೋ ವೈರಲ್ ಆಗುತ್ತಿದ್ದಂತಯೇ ಪ್ರಾಣಿಪ್ರಿಯರು, ಎನ್ಜಿಓಗಳು ತಮ್ಮ ಆಕ್ರೋಶ ಹೊರಹಾಕಿದ್ದು, ವ್ಯಕ್ತಿ ವಿರುದ್ಧ ಕ್ರಮಕೈಗೊಳ್ಳುವಂತೆ ಒತ್ತಾಯಿಸಿದೆ.
ವರದಿಗಳ ಪ್ರಕಾರ, ಈ ವಿಡಿಯೋವನ್ನು ವ್ಯಾನ್ ವಿಹಾರ್ ಬಳಿಕ ಬೋಟ್ ಕ್ಲಬ್ ರಸ್ತೆಯಲ್ಲಿ ಚಿತ್ರೀಕರಿಸಲಾಗಿದೆ ಎನ್ನಲಾಗಿದೆ. ವಿಡಿಯೋದಲ್ಲಿ ವ್ಯಕ್ತಿ ಶ್ವಾನವನ್ನು ನೀರಿಗೆ ಬಿಸಾಕಿದ ಬಳಿಕ ವಿಡಿಯೋ ಮಾಡುತ್ತಿರುವವನತ್ತ ತಿರುಗಿ ನಸುನಕ್ಕಿರುವುದನ್ನು ಕೂಡ ಕಾಣಬಹುದಾಗಿದೆ.
ಆರೋಪಿಯನ್ನು ಸಲ್ಮಾನ್ ಎಂದು ಗುರುತಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿ ಗೋವಿಂದ್ ಸಿಂಗ್ ಹೇಳಿದ್ದಾರೆ. ಘಟನೆಯ ಸಂಬಂಧ ಐಪಿಸಿ ಸೆಕ್ಷನ್ 429(ಯಾವುದೇ ಪ್ರಾಣಿಯನ್ನು ಕೊಲ್ಲುವ ಅಥವಾ ದುರ್ಬಲಗೊಳಿಸುವ ಮೂಲಕ ಕಿಡಿಗೇಡಿತನ) ಅಡಿಯಲ್ಲಿ ಆರೋಪಿ ಸಲ್ಮಾನ್ ವಿರುದ್ಧ ಎಫ್ಐಆರ್ ದಾಖಲಿಸಲಾಗಿದೆ.
Hope this man named ‘Salman Khan’ is caught & is punished for his cruelty. He threw a dog in Upper Lake in Bhopal only for fun. Look at how he giggles after throwing the dog in the lake. A case is registered against him. https://t.co/wNF6CzETNQ https://t.co/j8XCuNUXu5
— Abby Raghuvanshi (@Abby_Eagle619) September 14, 2020
