ಮಂಗಳೂರು: ಟ್ರಿನಿಟಿ ಕಾಲೇಜ್ ಲಂಡನ್ ಆಯೋಜಿಸಿದ ರಾಕ್ ಎಂಡ್ ಪೋಪ್ ಡ್ರಮ್ಸ್ ಫಸ್ಟ್ ಗ್ರೇಡ್ ಪರೀಕ್ಷೆಯಲ್ಲಿ ಉನ್ನತ ಶ್ರೇಣಿಯಲ್ಲಿ ಮಂಗಳೂರಿನ ಅನಘಾ ರಾಜೇಶ್ ತೇರ್ಗಡೆ ಹೊಂದಿದ್ದಾರೆ.
ನಗರದ ಬಿಜೈ ಕೋರಸ್ ಮ್ಯೂಸಿಕ್ ಸ್ಕೂಲ್ ನ ವಿದ್ಯಾರ್ಥಿ ಆಗಿರುವ ಅನಘಾ, ಶಿಕ್ಷಕರಾದ ರೋಷನ್ ವಿ. ಕೊರ್ಡೇರೋ ಹಾಗೂ ಜಾಕ್ಲಿನ್ ಡಿಸೋಜಾ ಅವರಿಂದ ತರಬೇತಿ ಪಡೆಯುತ್ತಿದ್ದಾರೆ. ಈ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿದ ಮಂಗಳೂರಿನ ಅತೀ ಕಿರಿಯ ಬಾಲಕಿ ಎಂಬ ಹೆಗ್ಗಳಿಕೆಗೆ ಅನಘಾ ಪಾತ್ರರಾಗಿದ್ದಾರೆ.
ಬಿಜೈ ಲೂಡ್ರ್ಸ್ ಸೆಂಟ್ರಲ್ ಸ್ಕೂಲ್ ನ 5ನೇ ತರಗತಿಯ ವಿದ್ಯಾರ್ಥಿ ಆಗಿರುವ ಅನಘಾ ಕದ್ರಿ ಹಿಲ್ಸ್ ನಿವಾಸಿ ಡಾ.ರಾಜೇಶ್ ಹುಕ್ಕೇರಿ ಹಾಗೂ ಡಾ.ಅನಿತಾ ರಾಜೇಶ್ ಅವರ ಪುತ್ರಿಯಾಗಿದ್ದಾರೆ.
