ಚಾಮರಾಜನಗರ: ಅಳಿನಿನಂಚಿಗೆ ತಲುಪಿದ ಹುಲಿ ಸಂತತಿ ರಾಜ್ಯದಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಚೇತರಿಕೆ ಕಂಡು ಬಂದಿದೆ. ರಾಜ್ಯದ ಅರಣ್ಯ ಇಲಾಖೆಗಳು ಹಮ್ಮಿಕೊಂಡ ಯೋಜನೆಗಳ ಫಲವಾಗಿ ಹುಲಿ ಸಂರಕ್ಷಣೆಯಲ್ಲಿ ವಿಶ್ವದಲ್ಲೇ ಭಾರತ ಮುಂಚೂಣಿಯಲ್ಲಿದ್ದು, ಕರ್ನಾಟಕ ದೇಶದಲ್ಲೇ 2ನೇ ಸ್ಥಾನ ಪಡೆದಿದೆ. ಹಳೆ ಮೈಸೂರು ಭಾಗದಲ್ಲಿ 400ಕ್ಕೂ ಹೆಚ್ಚು ಹುಲಿಗಳು ನೆಲೆ ಕಂಡು ಕೊಂಡಿವೆ. ಅದರಲ್ಲೂ ಗಡಿ ಜಿಲ್ಲೆ ಚಾಮರಾಜನಗರದಲ್ಲಿ 250ಕ್ಕೂ ಹೆಚ್ಚು ಹುಲಿ ಇವೆ ಅನ್ನೋದೆ ದೊಡ್ಡ ಹೆಮ್ಮೆಯಾಗಿದೆ.
Advertisement
ರಾಜ್ಯದ ದಕ್ಷಿಣ ಭಾಗದಲ್ಲಿ ಹುಲಿಗಳಿಗೆ ಹಿತಕರ ಹವಾಗುಣವಿದ್ದು, ಸದ್ಯ ಹಳೆ ಮೈಸೂರು ಭಾಗದಲ್ಲಿ 400ಕ್ಕೂ ಹೆಚ್ಚು ಹುಲಿಗಳು ನೆಲೆ ಕಂಡಿದೆ. ಹಳೆ ಮೈಸೂರು ಪ್ರಾಂತ್ಯದಲ್ಲಿ ಒಟ್ಟು 3 ಹುಲಿ ಸಂರಕ್ಷಿತ ಪ್ರದೇಶಗಳಿವೆ. ಅದರಲ್ಲೂ ಚಾಮರಾಜ ಜಿಲ್ಲೆಯೊಂದರಲ್ಲೇ 2 ಹುಲಿ ಸಂರಕ್ಷಿತ ಪ್ರದೇಶಗಳಿವೆ. ಹುಲಿಗಳ ಸುರಕ್ಷಿತ ನೆಲೆ, ಸಂತಾನವೃದ್ಧಿಗೆ ಸೂಕ್ತ ವಾತಾವರಣವಿರುವ ಹಿನ್ನೆಲೆಯಲ್ಲಿ ಹೆಚ್ಚಿನ ಹುಲಿಗಳು ಹಳೆ ಮೈಸೂರು ಪ್ರಾಂತ್ಯದಲ್ಲಿ ಸುರಕ್ಷಿತ ನೆಲೆ ಕಂಡುಕೊಂಡಿವೆ. 2018ರ ಹುಲಿ ಗಣತಿಯಲ್ಲಿ ವಿಶ್ವದಲ್ಲಿ 3,900 ಹುಲಿಗಳಿರುವುದನ್ನು ಖಾತರಿಪಡಿಸಿದೆ. ಅದರಲ್ಲಿ ಭಾರತದಲ್ಲೇ 2,967 ಹುಲಿಗಳಿವೆ. ಭಾರತದ 20 ರಾಜ್ಯಗಳಲ್ಲಿ ಹುಲಿಗಳ ನೆಲೆಗಳಿವೆ. 2018ರಲ್ಲಿ ದೇಶದಲ್ಲಿದ್ದ 2,967 ಹುಳಿಗಳಲ್ಲಿ ಮಧ್ಯಪ್ರದೇಶದಲ್ಲಿ ಅಂದಾಜು 526ಕ್ಕೂ ಹುಲಿಗಳಿದ್ದು, ಮೊದಲ ಸ್ಥಾನದಲ್ಲಿದೆ. ಕರ್ನಾಟಕದಲ್ಲಿ 524 ಕ್ಕೂ ಹೆಚ್ಚು ಹುಲಿಗಳೊಂದಿಗೆ 2ನೇ ಹಾಗೂ 442 ಕ್ಕೂ ಹೆಚ್ಚು ಹುಲಿಗಳಿರುವ ಉತ್ತರಾಖಂಡ್ 3ನೇ ಸ್ಥಾನದಲ್ಲಿದೆ.
Advertisement
Advertisement
ಗಂಧದ ಗುಡಿ ಎಂದೇ ಕರೆಯಲ್ಪಡುವ ರಾಜ್ಯ, ಅರಣ್ಯ ಸಂಪತ್ತಿನ ನೆಲೆಬೀಡಾಗಿದೆ. ಬೆಟ್ಟ-ಗುಟ್ಟ, ನದಿ ತೊರೆ, ಕಾಡನ್ನು ಮಡಿಲಲ್ಲಿಟ್ಟುಕೊಂಡಿದೆ. ಆನೆ, ಹುಲು ಸೇರಿದಂತೆ ನಾನಾ ಬಗೆಯ ವನ್ಯಜೀವಿಗಳ ಆವಾಸ ಸ್ಥಾನವೂ ಆಗಿದೆ. ಅದರಲ್ಲೂ ಕೂಡ ಬಂಡೀಪುರ, ಬಿಳಿಗಿರಿರಂಗನ ಬೆಟ್ಟ, ಮಲೆ ಮಹದೇಶ್ವರ ಬೆಟ್ಟ ಒಳಗೊಂಡ ರಾಜ್ಯದ ಗಡಿ ಜಿಲ್ಲೆ ಚಾಮರಾಜನಗರದಲ್ಲಿ 250ಕ್ಕೂ ಹೆಚ್ಚು ಹುಲಿಗಳು ಇರೋದು ವಿಶೇಷವಾಗಿದೆ.
Advertisement
ಜಿಲ್ಲೆಯ ಗುಂಡ್ಲುಪೇಟೆ ತಾಲೂಕಿನಲ್ಲಿ ಬರುವ ರಾಷ್ಟ್ರೀಯ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ 2018ರ ಹುಲಿ ಗಣತಿ ಪ್ರಕಾರ 127 ಹುಲಿಗಳಿವೆ. 1020 ಚ.ಕಿ.ಮೀ ವಿಸ್ತಾರದ ಮೂಲ ಅರಣ್ಯ ಪ್ರದೇಶದಲ್ಲಿ 380 ಕ್ಯಾಮರಾಗಳಲ್ಲಿ 3 ಹಂತಗಳಲ್ಲಿ ಬಳಸಿ ಗಣತಿ ಮಾಡಲಾಗಿತ್ತು. ಅದರೆ ಸದ್ಯ ಬಂಡೀಪುರದಲ್ಲಿ 150ಕ್ಕೂ ಹೆಚ್ಚು ಹುಲಿಗಳಿವೆ. ಮರಿಗಳು ಇದ್ದು ಇದರ ಸಂಖ್ಯೆ ಇನ್ನೂ ಹೆಚ್ಚಾಗಲಿದೆ ಎನ್ನಲಾಗುತ್ತಿದೆ.
ಬಿಳಿಗಿರಿರಂಗನಬೆಟ್ಟದ ಹುಲಿ ಸಂರಕ್ಷಿತ ಪ್ರದೇಶ 572 ಚದರ ಕಿ.ಮೀ ವಿಸ್ತಾರವಿದೆ. 6 ವಲಯ, 2 ಉಪವಿಭಾಗಗಳಿವೆ. ಗಣತಿಯಲ್ಲಿ 70 ಕ್ಕೂ ಹೆಚ್ಚು ಹುಲಿಗಳು ಪತ್ತೆಯಾಗಿದೆ. 1,200 ಪಾಯಿಂಟ್ ಗುರುತಿಸಿ ಕ್ಯಾಮರಾ ಟ್ರ್ಯಾಪ್ ಮೂಲಕ ಗಣತಿ ಮಾಡಲಾಗಿತ್ತು. ಮಲೆ ಮಹದೇಶ್ವರ ಬೆಟ್ಟ ರಾಜ್ಯದ ನೂತನ ಹುಲಿ ಸಂರಕ್ಷಿತ ಪ್ರದೇಶವೆನಿಸಿದೆ. 920 ಚ.ಕಿ.ಮೀ ವಿಸ್ತಾರದಲ್ಲಿ ಬೆಟ್ಟ ಗುಡ್ಡಗಳಿಂದ ಕೂಡಿದ ಅರಣ್ಯ ಪ್ರದೇಶವಿದೆ. 7 ರೇಂಜ್, 3 ಉಪವಿಭಾಗಗಳಲ್ಲಿ ಅಂದಾಜು 30 ಹುಲಿಗಳಿವೆ. ಹುಲಿ ಗಣತಿ ವೇಳೆ 20 ಹುಲಿಗಳು ಕಂಡು ಬಂದಿವೆ. ಸತ್ಯಮಂಗಲ, ಬಿಳಿಗಿರಿರಂಗನಬೆಟ್ಟ ಹುಲಿ ಸಂರಕ್ಷಿತ ಪ್ರದೇಶಕ್ಕೆ ಹೊಂದಿಕೊಂಡಂತೆ ಮಲೆ ಮಹದೇಶ್ವರ ಬೆಟ್ಟದ ಕಾಡು ಇದೆ.
ಹುಲಿ ಸಂತತಿ ಅಭಿವೃದ್ಧಿ ಹಾಗೂ ಆಹಾರ ಸಮತೋಲನಕ್ಕಾಗಿ ಜಿಲ್ಲೆಯ ಮೂರು ಅರಣ್ಯ ಪ್ರದೇಶದಲ್ಲಿ ಹುಲ್ಲುಗಾವಲು ಹೆಚ್ಚಿಸಿದೆ. ಜಿಲ್ಲೆಯಲ್ಲಿ ಹುಲಿ ಹೆಚ್ಚಿರೋದು ನಮ್ಮ ಹೆಮ್ಮೆ. ಅರಣ್ಯ ಇಲಾಖೆಗೆ ಇನ್ನೂ ಹೆಚ್ಚಿನ ಸಿಬ್ಬಂದಿ ನೇಮಿಸಲಿ. ವನ್ಯಪ್ರಾಣಿ, ಹುಲಿಸಂತತಿಗಾಗಿ ವಿಶೇಷ ಪ್ಯಾಕೇಜ್ ಘೋಷಿಸಲಿ ಎಂಬ ಆಗ್ರಹ ಕೇಳಿಬಂದಿದೆ.
