ವಾಷಿಂಗ್ಟನ್: ಎಲೆಕ್ಟ್ರಿಕಲ್ ಕಾರು ತಯಾರಕಾ ಕಂಪನಿಯ ಸ್ಥಾಪಕ ಎಲೋನ್ ಮಸ್ಕ್ ಒಡೆತನದ ಸ್ಪೇಸ್ ಎಕ್ಸ್ ಸಂಸ್ಥೆ ಏಕಕಾಲಕ್ಕೆ 143 ಉಪಗ್ರಹಗಳನ್ನು ಉಡಾವಣೆ ಮಾಡಿ ವಿಶ್ವದಾಖಲೆ ಮಾಡಿದೆ.
- Advertisement 2
2017ರಲ್ಲಿ ಭಾರತದ ಇಸ್ರೋ ಏಕಕಾಲಕ್ಕೆ 104 ಉಪಗ್ರಹಗಳನ್ನು ಉಡಾವಣೆ ಮಾಡಿ ದಾಖಲೆ ನಿರ್ಮಿಸಿತ್ತು. ಇದೀಗ ಸ್ಪೇಸ್ ಎಕ್ಸ್ ಸಂಸ್ಥೆ 143 ಉಪಗ್ರಹಗಳನ್ನು ಉಡಾಯಿಸುವ ಮೂಲಕ ವಿಶ್ವದಾಖಲೆ ನಿರ್ಮಿಸಿದೆ.
- Advertisement 3
ಟ್ರಾನ್ಸ್ಪೋರ್ಟರ್ 1 ಹಸರಿನ ಯೋಜನೆಯ ಮೂಲಕ ಭಾರತದ ಕಾಲಮಾನ ರಾತ್ರಿ 8.31 ಸುಮಾರಿಗೆ ಅಮೆರಿಕದ ಫ್ಲೋರಿಡಾ ಕೇಪ್ ಕಾನಾವರೆಲ್ನಿಂದ ಬಾಹ್ಯಾಕಾಶ ಉಡಾವಣಾ ಕೇಂದ್ರದಿಂದ ಫಾಲ್ಕನ್ 9 ರಾಕೆಟ್ ಉಪಗ್ರಹಗಳನ್ನು ಹೊತ್ತುಕೊಂಡು ನಭಕ್ಕೆ ಹಾರಿತು.
- Advertisement 4
ವಾಣಿಜ್ಯ ಹಾಗೂ ಸರ್ಕಾರದ ಕ್ಯೂಬ್ಸ್ಯಾಟ್ಲೈಟ್, 10 ಸ್ಟಾರ್ಲಿಂಕ್ ಸ್ಯಾಟಲೈಟ್ಗಳನ್ನು ಸ್ಪೇಸ್ ಎಕ್ಸ್ ಹಾರಿಸಿದೆ. ಈ ಮೂಲಕ ಪ್ರತಿ ಕೆಜಿಗೆ 15,000 ಡಾಲರ್(ಅಂದಾಜು 10.93 ಲಕ್ಷ ರೂ.) ವಿಧಿಸುವ ಮೂಲಕ ಅತೀ ಕಡಿಮೆ ವೆಚ್ಚದಲ್ಲಿ ನಡೆದ ಉಪಗ್ರಹಗಳ ಉಡಾವಣೆ ಎಂಬ ಹೆಸರು ಗಳಿಸಿತು.
Liftoff! pic.twitter.com/js3zVM77rH
— SpaceX (@SpaceX) January 24, 2021
2021ರ ವೇಳೆಗೆ ವಿಶ್ವಕ್ಕೆ ಬ್ರಾಡ್ಬ್ಯಾಂಡ್ ಇಂಟರ್ನೆಟ್ ನೀಡುವ ಯೋಜನೆಯನ್ನು ಸ್ಪೇಸ್ ಎಕ್ಸ್ ಹಾಕಿಕೊಂಡಿದೆ. ಈ ಯೋಜನೆಗೆ ಪೂರಕವಾಗಿ ಉಪಗ್ರಹವನ್ನು ಹಾರಿಸಿದೆ.