–ಎರಡೇ ಟಾಸ್ಕ್ ನಲ್ಲಿ ಮನೆ ಮಂದಿಯ ಆಲೋಚನೆ ಬದಲಿಸಿದ ವೈಷ್ಣವಿ ಗೌಡ?!
ಬೆಂಗಳೂರು: ಬಿಗ್ ಬಾಸ್ ಸೀಸನ್ 8 ಶುರುವಾಗಿ ಹತ್ತತ್ತಿರ ಐದನೇ ವಾರ ಕಂಪ್ಲೀಟ್ ಆಗ್ತಾ ಬರ್ತಾ ಇದೆ. ಈ ಐದು ವಾರದಲ್ಲಿ ಯಾವ ಕಂಟೆಸ್ಟೆಂಟ್ ಹೇಗೆ..? ಅವರು ಸ್ಟ್ರಾಂಗಾ..? ವೀಕಾ ಅನ್ನೋದು ಒಂದು ರೌಂಡ್ ಪಿಚ್ಚರ್ ಸಿಕ್ಕಿದೆ. ಆರಂಭದಿಂದಲೂ ಬಿಗ್ ಮನೆಯಲ್ಲಿ ವೀಕ್ ಎನಿಸಿಕೊಂಡವರು ಈ ವಾರ ಅತ್ಯುತ್ತಮ ಪ್ರದರ್ಶನ ನೀಡಿ ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾರೆ. ಅವರೇ ವೈಷ್ಣವಿ ಗೌಡ.. ವೈಷ್ಣವಿ ಗೌಡ ನಿನ್ನೆ ಮೊನ್ನೆ ನಡೆದ ಎರಡು ಟಾಸ್ಕ್ ನಲ್ಲಿ ಯಾರೂ ನಿರೀಕ್ಷಿಸಿರದ ಪರ್ಫಾರ್ಮೆನ್ಸ್ ಕೊಟ್ಟಿದ್ದಾರೆ.
ಬಿಗ್ ಬಾಸ್ ಕ್ಯಾಪ್ಟನ್ಸಿ ಅಂಗವಾಗಿ ನೀರಿಗೆ ಎಲ್ಲೆ ಎಲ್ಲಿದೆ ಹಾಗೂ ಸುತ್ತಮುತ್ತಲು ಹಗ್ಗಸುತ್ತಲು ಟಾಸ್ಕ್ ನೀಡಿದ್ದರು. ಈ ಎರಡು ಟಾಸ್ಕ್ ನಲ್ಲಿ ವೈಷ್ಣವಿ ಗೌಡ ಉತ್ತಮ ಪ್ರದರ್ಶನ ನೀಡಿ ಶುಭಾ ನೇತೃತ್ವದ ಜಾತ್ರೆ ಟೀಂ ಗೆಲುವಿಗೆ ಕಾರಣರಾಗಿದ್ದಾರೆ. ರಾತ್ರಿ, ಹಗಲು, ಊಟ ತಿಂಡಿ ಎಲ್ಲವನ್ನೂ ಬಿಟ್ಟು ನೀರಿಗೆ ಎಲ್ಲೆ ಎಲ್ಲಿದೆ ಟಾಸ್ಕ್ ಕಂಪ್ಲೀಟ್ ಮಾಡಿದ್ದರು. ಅದೇ ರೀತಿ ಸುತ್ತಮುತ್ತಲು ಹಗ್ಗಸುತ್ತಲು ಟಾಸ್ಕ್ ನಲ್ಲಿ ದೇಹಕ್ಕೆ ಹಗ್ಗ ಸುತ್ತಿಕೊಂಡು ಕಂಬಕ್ಕೆ ವರ್ಗಾವಣೆ ಮಾಡುವಲ್ಲಿ ಮೊದಲು ಯಶಸ್ಸು ಗಳಿಸಿದರು. ವೈಷ್ಣವಿ ಈ ಉತ್ಸಾಹ, ಆಟದ ಪರ್ಫಾರ್ಮೆನ್ಸ್ ಕಂಡು ಎದುರಾಳಿ ಟೀಂನ ಕ್ಯಾಪ್ಟನ್ ದಿವ್ಯಾ ಉರುಡುಗ ಮೆಚ್ಚುಗೆ ವ್ಯಕ್ತಪಡಿಸಿದ್ದರು.
ಅದೇ ರೀತಿ ವೈಷ್ಣವಿ ಆಟಕ್ಕೆ ಮನೆ ಮಂದಿಯೆಲ್ಲಾ ಶಾಬ್ಬಾಸ್ ಗಿರಿ ಕೊಟ್ಟಿದ್ದಾರೆ. ಅದ್ರಲ್ಲೂ ಮಂಜು ವೈಷ್ಣವಿ ವೀಕ್.. ಅವರು ಇನ್ನೂ ಆಟವಾಡ್ತಿಲ್ಲ.. ಮನೆಯಲ್ಲಿ ಎಲ್ಲರೊಂದಿಗೆ ಓಪನ್ ಅಪ್ ಆಗ್ತಿಲ್ಲ ಅಂತಾ ಮೊದಲಿನಿಂದಲೂ ಹೇಳಿಕೊಂಡು ಬಂದಿದ್ದರು. ಬಿಗ್ ಬಾಸ್ ನೀಡಿದ್ದ ಚಟುವಟಿಕೆಯೊಂದರಲ್ಲಿ ತಮ್ಮ ಸ್ಪರ್ಧಿಯಲ್ಲ ಎಂದು ಲ್ಯಾಗ್ ಮಂಜು ವೈಷ್ಣವಿ ಫೋಟೋವನ್ನು ಕಸದ ಬುಟ್ಟಿಗೆ ಹಾಕುತ್ತಿದ್ದರು. ನಾಮಿನೇಟ್ ಸಂದರ್ಭದಲ್ಲಿಯೂ ವೈಷ್ಣವಿ ವೀಕ್ ಎಂದು ನಾಮಿನೇಟ್ ಮಾಡುತ್ತಿದ್ದರು. ಆದ್ರೆ ಈ ವಾರದ ಟಾಸ್ಕ್ ನಲ್ಲಿ ವೈಷ್ಣವಿ ಗೌಡ ಆಟ ಕಂಡು ಲ್ಯಾಗ್ ಮಂಜು ಸಖತ್ ಖುಷಿಪಟ್ಟಿದ್ದಾರೆ.
ಈ ಬಗ್ಗೆ ನಿನ್ನೆ ವೈಷ್ಣವಿಯೊಂದಿಗೆ ಲ್ಯಾಗ್ ಮಂಜು ಚರ್ಚೆ ನಡೆಸಿದ್ದಾರೆ. ಗಾರ್ಡನ್ ಏರಿಯಾದಲ್ಲಿದ್ದ ವೈಷ್ಣವಿ ತಬ್ಬಿಕೊಂಡು ಮಂಜು, ನಾನು ಅಂದುಕೊಂಡಿರಲಿಲ್ಲ ಅದ್ಭುತವಾಗಿ ಆಡವಾಡಿದೆ. ನಿನ್ನ ಆಟ ನೋಡಿ ಸಿಕ್ಕಾಪಟ್ಟೆ ಖುಷಿಯಾಯ್ತು. ನಿನ್ನ ಬಗ್ಗೆ ಇದ್ದ ಗೌರವ ಎರಡು ಟಾಸ್ಕ್ ನಿಂದ ಡಬ್ಬಲ್ ಆಗಿದೆ ಎಂದು ಮೆಚ್ಚುಗೆ ಮಾತುಗಳನ್ನಾಡಿದ್ದಾರೆ. ವೈಷ್ಣವಿ ಮಂಜು ಮಾತುಗಳನ್ನು ಕೇಳಿ ಖುಷಿಯಾಗಿ ಧನ್ಯವಾದ ತಿಳಿಸಿದ್ದಾರೆ.
ಒಟ್ನಲ್ಲಿ ವೈಷ್ಣವಿ ತಮ್ಮನ್ನು ವೀಕ್ ಎಂದು ಹೇಳಿದವರಿಗೆ ತಮ್ಮದೇ ಧಾಟಿಯಲ್ಲಿ ತಕ್ಕ ಉತ್ತರ ನೀಡಿದ್ದಾರೆ. ವೈಷ್ಣವಿಯ ಪರ್ಫಾರ್ಮೆನ್ಸ್ ಕಂಡು ಇತರೆ ಸ್ಪರ್ಧಿಗಳಲ್ಲಿ ಇದೇ ರೀತಿ ಆಟವಾಡುವ ಉತ್ಸಾಹ, ಹಂಬಲ ಹೆಚ್ಚುತ್ತಾ..? ಯಾವುದಕ್ಕೂ ಕಾದು ನೋಡಬೇಕು.
