Thursday, 21st June 2018

Recent News

17 ವರ್ಷದ ನಂತ್ರ ಹುಚ್ಚ ಸಿನಿಮಾದ ನೆನಪು ಬಿಚ್ಚಿಟ್ಟ ಸುದೀಪ್

ಬೆಂಗಳೂರು: ಸ್ಯಾಂಡಲ್ ವುಡ್ ಕಿಚ್ಚ ಸುದೀಪ್ ಅಭಿನಯದ ಹುಚ್ಚ ಸಿನಿಮಾ ರಿಲೀಸ್ ಆಗಿ 17 ವರ್ಷ ಕಳೆದಿದೆ. ಈಗ ಅದರ ಮುಂದುವರಿದ ಭಾಗ ಹುಚ್ಚ 2 ನಿಮ್ಮನ್ನ ರಂಜಿಸುವುದಕ್ಕೆ ಸಿದ್ಧವಾಗುತ್ತಿದೆ.

ಡಾರ್ಲಿಂಗ್ ಕೃಷ್ಣ ಹುಚ್ಚ 2 ನಲ್ಲಿ ಹೀರೋ ಆಗಿ ನಟಿಸಿದ್ದಾರೆ. ಈ ಹುಚ್ಚ 2 ಸಿನಿಮಾದ ಹಾಡುಗಳನ್ನ ಕಿಚ್ಚ ರಿಲೀಸ್ ಮಾಡಿದ್ದಾರೆ. ಅನೂಪ್ ಸೀಳಿನ್ ಚಿತ್ರದ ಹಾಡುಗಳಿಗೆ ಟ್ಯೂನ್ ಕಂಪೋಸ್ ಮಾಡಿದ್ದಾರೆ.

ಈ ಬಗ್ಗೆ ಮಾತನಾಡಿದ ಸುದೀಪ್, ಹುಚ್ಚ 2 ಆಡಿಯೋ ರಿಲೀಸ್ ಮಾಡಿದ್ದೇವೆ. ನನ್ನ ಸಿನಿಮಾ ರಿಲೀಸ್ ಮಾಡಿ 17 ವರ್ಷ ಆಗಿದೆ. ಆದರೆ ನನಗೆ 17 ಆಗಿದೆ ಎಂದು ಅನ್ನಿಸುತ್ತಿಲ್ಲ. ಅದರ ನೆನಪುಗಳು ಯಾವಾಗಲೂ ಅಳಿಸುವುದಿಲ್ಲ. ನಾನು ಓಂ ಪ್ರಕಾಶ್ ತುಂಬಾ ಸಿನಿಮಾ ಮಾಡಿದ್ದೇವೆ. ಆದರೆ ಈ ರೀತಿ ಮ್ಯಾಜಿಕ್ ಕ್ರಿಯೇಟ್ ಮಾಡಿಲ್ಲ. ಕೆಲವು ಸಿನಿಮಾ ಮಾತ್ರ ಈ ರೀತಿಯ ಮ್ಯಾಜಿಕ್ ಕ್ರಿಯೇಟ್ ಮಾಡುತ್ತವೆ. ಈ ಸಿನಿಮಾದಿಂದಲೇ ನಾನು ಇಲ್ಲಿವರೆಗೂ ಬಂದಿರುವುದು ಎಂದರು. ಇವತ್ತಿಗೂ ಈ ಸಿನಿಮಾವನನ್ನು ಕೈಯಲ್ಲಿ ಹಿಡಿದಿದ್ದರೆ ಇದು ನನ್ನ ಎನ್ನಿಸುತ್ತದೆ ಎಂದರು.

ಈ ಸಿನಿಮಾ ಬಗ್ಗೆ ಹೇಳ ಬೇಕೆಂದರೆ ಟ್ರೈಲರ್ ತುಂಬಾ ಚನ್ನಾಗಿದೆ. ಈ ಸಿನಿಮಾ ನೋಡಿದರೆ ಹಳೇ ಓಂ ಪ್ರಕಾಶ್ ಕಾಣಿಸುತ್ತಾರೆ. ತುಂಬಾ ಖುಷಿಯಾಯಿತು. ಇದಕ್ಕೆ ಅನೂಪ್ ಸೀಳಿನ್ ಅವರು ಸಂಗೀತ ಕಂಪೋಸ್ ಮಾಡಿದ್ದಾರೆ. ಈ ಸಿನಿಮಾ ನನಗೆ ಹತ್ತಿರವಾದ ಸಿನಿಮಾವಾಗಿದೆ ಎಂದು ಹೇಳಿ ಚಿತ್ರತಂಡಕ್ಕೆ ಶುಭಾ ಹಾರೈಸಿ ಸಿನಿಮಾ ಯಶಸ್ವಿಯಾಗಲಿ ಎಂದು ಹೇಳಿದ್ದಾರೆ.

ಹುಚ್ಚ – 2 ಸಿನಿಮಾದಲ್ಲಿ ದೊಡ್ಡ ತಾರಾ ಬಳಗವಿದ್ದು, ಅವಿನಾಶ್, ಸಾಯಿಕುಮಾರ್, ಸಾಧುಕೋಕಿಲಾ, ಶ್ರಾವ್ಯ, ಮಾಳವಿಕಾ ಅವಿನಾಶ್ ಸೇರಿದಂತೆ ಹಲವರು ಬಣ್ಣ ಹಚ್ಚಿದ್ದಾರೆ. ಹಾಡು, ಟ್ರೈಲರ್ ಗಳ ಬಗ್ಗೆ ಸುದೀಪ್ ತಮ್ಮ ಮೆಚ್ಚುಗೆಯನ್ನು ಹೇಳಿಕೊಂಡಿದ್ದಾರೆ.

Leave a Reply

Your email address will not be published. Required fields are marked *