ಮದ್ವೆಯಿಂದ ಹಿಂದಿರುಗುತ್ತಿದ್ದ ವ್ಯಾನ್ ಪಲ್ಟಿ – ವರನ ತಂದೆ ಸೇರಿದಂತೆ ನಾಲ್ವರ ಸಾವು

– ಐದು ಜನ ಗಂಭೀರ, ಮದುವೆ ಮನೆಯಲ್ಲಿ ಸಾವಿನ ಛಾಯೆ

ರಾಯ್ಪುರ: ಮದುವೆ ಮನೆಯಿಂದ ಹಿಂದಿರುಗುತ್ತಿದ್ದ ಪಿಕಪ್ ವ್ಯಾನ್ ಪಲ್ಟಿಯಾದ ಪರಿಣಾಮ ವರನ ತಂದೆ ಸೇರಿದಂತೆ ನಾಲ್ವರು ಮೃತಪಟ್ಟಿದ್ದಾರೆ. ಸೋಮವಾರ ರಾತ್ರಿ ಅಂಬಿಕಾಪುರದಲ್ಲಿ ನಡೆದಿದೆ.

ಸುರ್ಗುಜಾದಲ್ಲಿ ಮದುವೆ ಮುಗಿಸಿಕೊಂಡು ವರನ ಕುಟುಂಬಸ್ಥರು ಸೋಮವಾರ ಹಿಂದಿರುಗುತ್ತಿದ್ದರು. ಅಂಬಿಕಾಪುರದ ರಸ್ತೆಯಲ್ಲಿ ವಾಹನದಲ್ಲಿ 15 ರಿಂದ 20 ಜನ ಪ್ರಯಾಣಿಸುತ್ತಿದ್ದರು. ರಾತ್ರಿ ಸುಮಾರು 8.30ಕ್ಕೆ ಅಪಘಾತ ಸಂಭವಿಸಿದ್ದು, ಸ್ಥಳದಲ್ಲಿ ಇಬ್ಬರು ಸಾವನ್ನಪ್ಪಿದ್ದರೆ, ಇನ್ನಿಬ್ಬರು ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ. ಕಾಮಗಾರಿ ನಡೆತಯುತ್ತಿದ್ದರಿಂದ ಅಪಘಾತ ಸಂಭವಿಸಿದ್ದು, ವಾಹನ ಪಲ್ಟಿಯಾಗುತ್ತಿದ್ದಂತೆ ಚಾಲಕ ಪರಾರಿಯಾಗಿದ್ದಾನೆ. ಇದನ್ನೂ ಓದಿ: ಸೇತುವೆ ಮೇಲೆ ಪಲ್ಟಿಯಾದ ಮದ್ವೆ ದಿಬ್ಬಣ ಹೊತ್ತ ಟ್ರ್ಯಾಕ್ಟರ್ – ವರ ಸೇರಿ 6 ಜನ ಸಾವು

5ಕ್ಕೂ ಹೆಚ್ಚು ಜನರಿಗೆ ಗಂಭೀರವಾಗಿ ಗಾಯಗೊಂಡಿದ್ದು, ಎಲ್ಲರನ್ನು ಅಂಬಿಕಾಪುರದ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. ಇನ್ನುಳಿದ ಗಾಯಾಗಳುಗಳಿಗೆ ಧೋರಾಪುರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ವರನ ತಂದೆ, ಸೋದರಿ, 12 ವರ್ಷದ ಮಗು, ಓರ್ವ ಸಂಬಂಧಿ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ. ಇದನ್ನೂ ಓದಿ: ಮದುವೆಯಾಗಿ ಮರುದಿನಕ್ಕೆ ವರ ಅಪಘಾತದಲ್ಲಿ ಸಾವು, ವಧು ಸ್ಥಿತಿ ಚಿಂತಾಜನಕ