ಮತ್ತೆ ಒಂದಾದ ಮಂಜು-ಪ್ರಶಾಂತ್!

ಬಿಗ್‍ಬಾಸ್ ಮನೆಯಲ್ಲಿ ಎರಡು ದಿನಗಳ ಹಿಂದೆಯಷ್ಟೇ ಕಿತ್ತಾಡಿಕೊಂಡಿದ್ದ ಮಂಜು ಹಾಗೂ ಪ್ರಶಾಂತ್ ನಿನ್ನೆ ಮತ್ತೆ ಒಂದಾಗಿದ್ದಾರೆ.

ಮೊದಮೊದಲಿಗೆ ಬಿಗ್‍ಬಾಸ್ ಕಾರ್ಯಕ್ರಮ ಆರಂಭವಾದಾಗ ಪ್ರಶಾಂತ್ ಸಂಬರ್ಗಿಯನ್ನು ಮಂಜು ಪವಾಗಡ ಮಾವ ಎಂದು ಕರೆಯಲು ಆರಂಭಿಸಿದರು. ಅಂದಿನಿಂದ ದೊಡ್ಮನೆಯಲ್ಲಿ ಪ್ರಶಾಂತ್ ಸಂಬರ್ಗಿ ಮಾವ ಎಂದೇ ಫೇಮಸ್ ಆದರು.

ಆದರೆ ಎರಡು ದಿನಗಳ ಹಿಂದೆ ಪ್ರಶಾಂತ್ ಸಂಬರ್ಗಿ, ನನ್ನನ್ನು ಮಾವ ಎಂದು ಕರೆಯಬೇಡ ಅಂತಾ ಸ್ವಿಮಿಂಗ್ ಪೂಲ್ ಬಳಿ ಮಂಜು ಮೇಲೆ ರೇಗಾಡಿ ಜಗಳ ಮಾಡಿದ್ದರು. ಈ ಮಧ್ಯೆ ಪ್ರಶಾಂತ್ ದಿವ್ಯಾ ಸುರೇಶ್ ಹೆಸರು ಎತ್ತಿದ್ದಕ್ಕೆ ಮಂಜು ಹಾಗೂ ಪ್ರಶಾಂತ್ ಮಧ್ಯೆ ಮಾತಿನ ಚಕಮಕಿ ನಡೆದಿತ್ತು ಇವರಿಬ್ಬರ ಜಗಳಕ್ಕೆ ಬಿಗ್‍ಮನೆ ಕಾವೇರಿತ್ತು.

ಇದೀಗ ನಿನ್ನೆ ಮಂಜು ಪ್ರಶಾಂತ್ ಬಳಿ ಹೋಗಿ ಸಾರಿ ಎಂದು ಕೇಳಿದ್ದಾರೆ. ಈ ವೇಳೆ ಪ್ರಶಾಂತ್ ನಾನು ನಿನಗೆ ಮೊದಲಿನಿಂದಲೂ ನಾಲ್ಕು ಬಾರಿ ಮಾವ ಎಂದು ಕರೆಯಬೇಡ ಅಂತ ಹೆಳಿದ್ದೆ. ಅಲ್ಲದೇ ಕೈ ಮುಗಿದು ಕೇಳಿಕೊಳ್ಳುತ್ತೇನೆ ಎಂದು ರಿಕ್ವೆಸ್ಟ್ ಕೂಡ ಮಾಡಿಕೊಂಡಿದ್ದೆ, ಆದರೂ ನೀನು ಹಾಗೆಯೇ ಕರೆಯುತ್ತಿದೆ ಎಂದು ಹೇಳುತ್ತಾರೆ.

ಈ ವೇಳೆ ಮಂಜು ನಾನು ಮೊದಲಿನಿಂದಲೂ ನಿಮಗೆ ಮಾವ ಎಂದು ಕರೆದು ಅಭ್ಯಾಸ ಆಗಿ ಹೋಯಿತು. ಹಾಗಾಗಿ ನಿಮ್ಮನ್ನು ಹಾಗೇ ಕರೆಯುತ್ತಿದ್ದೆ ಎಂದು ಹೇಳಿದಾಗ ಹೋಗಲಿ ಬಿಡು ಇಬ್ಬರು ಮಾತನಾಡಿದ್ದು, ತಪ್ಪಾಗಿದೆ ಎಂದು ಹೇಳಿ ಹೆಗಲ ಮೇಲೆ ಕೈ ಹಾಕಿಕೊಂಡು ಒಟ್ಟಿಗೆ ಹೋಗುತ್ತಾರೆ.