ಮಂಜುನ ಮದ್ವೆ ಆಗೋಕೆ ಚಾನ್ಸೇ ಇಲ್ಲ: ದಿವ್ಯಾ ಸುರೇಶ್

ಬಿಗ್ ಬಾಸ್ ಮನೆಯಲ್ಲಿ ಮೂರು ವಾರಗಳ ಬಳಿಕ ನಿಜವಾದ ಆಟ ಶುರುವಾಗಿದೆ. ಇತ್ತ ಪ್ರಶಾಂತ್ ಸಂಬರ್ಗಿ ಕೂಡ ತಮ್ಮ ರಿಯಲ್ ಆಟ ಶುರು ಮಾಡಿದ್ದು, ಮಂಜು ವಿರುದ್ಧ ಎಲ್ಲರ ಜೊತೆ ಮಾತನಾಡಲು ಆರಂಭಿಸಿದ್ದಾರೆ. ಹಾಗೆಯೇ ಮಂಜು ಜೊತೆ ಆತ್ಮೀಯತೆಯಿಂದ ಇರುವ ದಿವ್ಯಾ ಸುರೇಶ್ ಬಳಿಯೂ ಸಂಬರ್ಗಿ ಚಾಡಿ ಹೇಳಿದ್ದಾರೆ.

ಹೌದು.. ಸಂಜೆ ವೇಳೆ ಗಾರ್ಡನ್ ಏರಿಯಾದಲ್ಲಿ ದಿವ್ಯ ಉರುಗುಡ, ಶುಭಾ ಪೂಂಜಾ, ಚಂದ್ರಕಲಾ ಕುಳಿತಿರುತ್ತಾರೆ. ಇವರ ಪಕ್ಕದಲ್ಲಿಯೇ ಪ್ರಶಾಂತ್ ಸಂಬರ್ಗಿ ಹಾಗೂ ದಿವ್ಯಾ ಸುರೇಶ್ ಕುಳಿತುಕೊಂಡು ಗಾಢವಾದ ಚರ್ಚೆ ನಡೆಸಿದ್ದಾರೆ. ಈ ವೇಳೆ ಪ್ರಶಾಂತ್ ಸಂಬರ್ಗಿ, ಮಂಜುನ ವಿರುದ್ಧ ದಿವ್ಯಾ ಸುರೇಶ್ ಬಳಿ ಮಾತನಾಡಲು ಶುರು ಮಾಡಿದ್ದು, ಸಾಕಷ್ಟು ವಿಚಾರಗಳ ಬಗ್ಗೆ ತಿಳಿ ಹೇಳಿದ್ದಾರೆ.

ಫಾದರ್ಲಿ ಅಡ್ವೈಸ್ ಟು ಯೂ.. ನಿನ್ನಿಂದ ನನಗೆ ಏನೂ ಎಕ್ಸ್ ಪೆಕ್ಟೇಷನ್ ಇಲ್ಲ. ನಾವಿಬ್ಬರು ಜಸ್ಟ್ ಫ್ರೆಂಡ್ಸ್ ಅಷ್ಟೆ. ಆದರೆ ಮನೆಯಲ್ಲಿ ನಿನ್ನನ್ನು ಎಲ್ಲರೂ ಯೂಸ್ ಮಾಡಿಕೊಳ್ತಿದ್ದಾರೆ ಅಂತ ನನಗೆ ಅನಿಸ್ತಿದೆ. ಅವರು ಫೇಮಸ್ ಆಗೋಕೆ ನಿನ್ನ ಬಳಕೆ ಮಡ್ತಿದ್ದಾರೆ ಅಂತ ಹೇಳುವ ಮೂಲಕ ಮಂಜು ವಿಚಾರನೂ ಸಂಬರ್ಗಿ ಪ್ರಸ್ತಾಪ ಮಾಡಿದ್ದಾರೆ.

ಆಗ ದಿವ್ಯಾ.. ನಾನು ವೀಕ್ ಅನಿಸುವಂತೆ ಫೀಲ್ ಆಯ್ತು. ಮಂಜುನ ಜೊತೆ ಫ್ರೆಂಡ್‍ಶಿಪ್ ಜಾಸ್ತಿ ಆಗಿ ಉಳಿದವರ ಜೊತೆ ಫ್ರೆಂಡ್‍ಶಿಪ್ ಕಡಿಮೆ ಆಗಿರುವುದಕ್ಕೆ ಹಾಗನಿಸಿತೋ ಗೊತ್ತಿಲ್ಲ ಅಂದ್ರು. ಈ ವೇಳೆ ಪ್ರಶಾಂತ್, ಮಂಜು ನಿನಗೆ ಜೀವನ ಪೂರ್ತಿ ಗೆಳೆಯನಾಗಿಯೇ ಇರುತ್ತಾನೆ ಎಂದು ಹೇಳುತ್ತಾ, ನೀನು ಅವನನ್ನು ಮದುವೆ ಆಗ್ತಿಯಾ ಎಂದು ನೇರವಾಗಿಯೇ ಕೇಳಿದ್ದಾರೆ. ನಾನು ಮಂಜುನ ಮದುವೆ ಆಗೋಕೆ ಚಾನ್ಸೇ ಇಲ್ಲ. ನನಗೆ ಆತ ಬೆಸ್ಟ್ ಫ್ರೆಂಡ್ ಅಷ್ಟೆ ಎಂದು ದಿವ್ಯಾ ಸುರೇಶ್ ಸ್ಪಷ್ಟಪಡಿಸಿದರು.

ಮನೆಯಲ್ಲಿ ಎಲ್ಲರೂ ಒಂದೊಂದು ರೀತಿಯ ಐಡೆಂಟಿಟಿ ಇಟ್ಟುಕೊಂಡಿದ್ದಾರೆ. ಶುಭಾ ಅವರು ಚೈಲ್ಡಿಶ್ ಆಗಿ ಇರುವ ಮೂಲಕ ಅವರದ್ದೇ ಆದ ಒಂದು ಐಡೆಂಟಿಟಿ ಕ್ರಿಯೆಟ್ ಮಾಡಿಕೊಂಡಿದ್ದಾರೆ. ಮಹಿಳೆಯರಲ್ಲಿ ನೀನೇ ಸ್ವಲ್ಪ ಸ್ಟ್ರಾಂಗ್ ಆಗಿ ಇರೋದು. ಆದರೆ ನೀನು ಮಂಜುನ ಬಾಲ ಆಗ್ತಿದ್ದೀಯಾ. ಇದನ್ನು ನಾನು ಓಪನ್ ಆಗಿ ಹೇಳ್ತಿದ್ದೇನೆ. ನಿನಗೆ ಬೇಜಾರು ಅನಿಸಿದರೂ ಪರವಾಗಿಲ್ಲ. ಯಾರದ್ದೇ ನೆರಳಲ್ಲಿ ಬದುಕಬೇಡ. ಅಲ್ಲದೆ ನೀನು ಯಾರ ಪ್ರಾಪರ್ಟಿ ಕೂಡ ಆಗಬಾರದು ಎಂದು ದಿವ್ಯಾ ಸುರೇಶ್ ಗೆ ಸಂಬರ್ಗಿ ಪಾಠ ಮಾಡಿದ್ದಾರೆ.

ಈ ಮೊದಲು ಸಂಬರ್ಗಿಯವರು ಶಮಂತ್ ಬಳಿಯೂ ಮಂಜು ಬಗ್ಗೆ ಮಾತನಾಡಿದ್ದರು. ಮಂಜುಗೆ ಏನೂ ಸ್ಕೋಪ್ ಇಲ್ಲ. ಅವನ ಕ್ರಿಯೆಟಿವಿಟಿ ಎಲ್ಲಾ ಮುಗಿದು ಹೋಗಿದೆ. ನೀನು ಹೀಗೆ ಮಾಡ್ತಾ ಇರು. ಸೆಂಟರ್ ಆಫ್ ಅಟ್ರಾಕ್ಷನ್ ನೀನು ಆಗಬೇಕು. ಅರ್ಥ ಆಯ್ತಾ ಅಂದಾಗ ಶಮಂತ್ ಹೌದು ಅಂತ ತಲೆ ಅಲ್ಲಾಡಿಸುತ್ತಾ ಸಂಬರ್ಗಿ ಮಾತನ್ನು ಒಪ್ಪಿಕೊಂಡಿದ್ದಾರೆ. ಒಟ್ಟಿನಲ್ಲಿ ಸಂಬರ್ಗಿಯ ಈ ಆಟ ಎಲ್ಲಿವರೆಗೆ ತಲುಪುತ್ತೆ ಎಂಬುದನ್ನು ಕಾದು ನೋಡಬೇಕಿದೆ.