ಬಿಗ್‍ಬಾಸ್ ಮನೆಯಲ್ಲಿ ಸ್ಪರ್ಧಿಗಳ ಈಜು-ಮೋಜು ಮಸ್ತಿ!

ಬೆಂಗಳೂರು: ವಾರದ ಕಥೆ ಕಿಚ್ಚನ ಜೊತೆ ಸಂಚಿಕೆಯಲ್ಲಿ ಧನುಶ್ರೀ ಗೌಡ ಮನೆಯಿಂದ ಹೊರಗೆ ಹೋದ ಬಳಿಕ ಬಿಗ್‍ಬಾಸ್ ಸ್ಪರ್ಧಿಗಳ ಮೋಜು-ಮಸ್ತಿ ಹಾಗೆಯೇ ಮುಂದುವರೆದಿದೆ.

ಸದ್ಯ ಬಿಗ್‍ಬಾಸ್ ಕಾರ್ಯಕ್ರಮ ಆರಂಭವಾಗಿ ಸೋಮವಾರಕ್ಕೆ 9ನೇ ದಿನವಾಗಿದ್ದು, ಎಲಿಮಿನೆಷನ್‍ನಿಂದ ಟೆನ್ಷನ್‍ನಿಂದ ಬಿಡುಗಡೆಗೊಂಡಿದ್ದ ದೊಡ್ಮನೆ ಮಂದಿಗೆ ನಿನ್ನೆ ಬಿಗ್‍ಬಾಸ್ ಟಾಸ್ಕ್‍ವೊಂದನ್ನು ನೀಡಿದ್ದರು. ಅದುವೇ ಈಜು ಮೋಜು. ಇದರ ಅನುಸಾರ ಚಟುವಟಿಕೆ ಆರಂಭದಲ್ಲಿ ಒಂದು ಹಾಡು ಪ್ಲೇ ಆಗುತ್ತದೆ. ಆ ಹಾಡು ಮುಗಿದ ತಕ್ಷಣವೇ ಶಮಂತ್(ಬ್ರೋ ಗೌಡ) ಸ್ವಿಮ್ಮಿಂಗ್ ಪೂಲ್‍ಗೆ ಹಾರಬೇಕು. ಮತ್ತೊಮ್ಮೆ ಹಾಡು ಶುರುವಾದಾಗ ಪೂಲ್‍ಗೆ ಬೀಳಿಸಲು ಒಬ್ಬ ಸದಸ್ಯನನ್ನು ಹಿಡಿಯಬೇಕು ಹಾಗೂ ಹಾಡು ನಿಂತ ತಕ್ಷಣ ತನ್ನೊಡನೆ ಪೂಲ್‍ಗೆ ಬೀಳಿಸಬೇಕು. ಮುಂದಿನ ಹಾಡಿಗೆ ಇಬ್ಬರು ಸೇರಿ ಮೂರನೇ ಅವರನ್ನು ಬೀಳಿಸಬೇಕು. ಹೀಗೆ ಒಂದೊಂದು ಹಾಡು ಮುಗಿಯುತ್ತಿದ್ದಂತೆ, ಒಬ್ಬೊಬ್ಬ ಸದಸ್ಯರನ್ನು ಪೂಲ್‍ಗೆ ಬೀಳಿಸುತ್ತಾ ಸಾಗಬೇಕು ಎಂದು ಸೂಚಿಸಿದರು.

ಅದರಂತೆ ಮೊದಲನೆಯದಾಗಿ ಲವ್ಲಿ ಸ್ಟಾರ್ ಪ್ರೇಮ್ ಅಭಿನಯದ ನೆನೆಪಿರಲಿ ಸಿನಿಮಾದ ಕುರಕ್ಕು ಕಳ್ಳಿಕೆರೆ ಸಾಂಗ್ ಪ್ಲೇ ಆಗುತ್ತದೆ. ಆಗ ಬ್ರೋ ಗೌಡ ಸ್ವಿಮಿಂಗ್ ಪೂಲ್‍ಗೆ ಹಾರಿದರು. ಬಳಿಕ ಬ್ರೋ ಗೌಡ ಓಡುತ್ತಾ ಬಂದು ಲ್ಯಾಗ್ ಮಂಜುರನ್ನು ಔಟ್ ಮಾಡುತ್ತಾರೆ. ನಂತರ ಇಬ್ಬರು ಪೂಲ್‍ಗೆ ಹಾರಿ ವಾಪಸ್ಸ್ ಬಂದು ಲ್ಯಾಂಗ್ ಮಂಜು, ಯಶ್ ಅಭಿನಯದ ಅಣ್ತಮ್ಮ ಸಾಂಗ್ ಪ್ಲೇ ಮಾಡಿದಾಗ ಓಡಿ ಹೋಗಿ ದಿವ್ಯಾ ಸುರೇಶ್‍ರನ್ನು ಔಟ್ ಮಾಡುತ್ತಾರೆ. ಬಳಿಕ ದಿವ್ಯಾರನ್ನು ಎತ್ತಿಕೊಂಡು ಇಬ್ಬರು ಈಜು ಕೊಳಕ್ಕೆ ಹಾರುತ್ತಾರೆ.

ನಂತರ ಔಟಾಗಿದ್ದ ರಾಜೀವ್ ಹಾಗೂ ಅರವಿಂದ್ ಕಿಚ್ಚ ಸುದೀಪ್ ಅಭಿನಯದ ರನ್ನ ಸಿನಿಮಾದ ಥಿತಲಿ ಥಿತಲಿ ಸಾಂಗ್ ಪ್ಲೇ ಆದಾಗ ದಿವ್ಯಾ ಉರುಡುಗರನ್ನು ಟಾರ್ಗೆಟ್ ಮಾಡಿ ಔಟ್ ಮಾಡಿ ಸ್ವಿಮ್ಮಿಂಗ್ ಪೂಲ್‍ಗೆ ಎಸೆಯುತ್ತಾರೆ.

ಇದೇ ವೇಳೆ ಸ್ವಿಮಿಂಗ್ ಪೂಲ್‍ನಲ್ಲಿ ಲ್ಯಾಗ್ ಮಂಜು ದಿವ್ಯಾ ಉರುಡುಗಗೊಂದು ಸಿಕ್ರೇಟ್ ಹೇಳುತ್ತೇನೆ. ಅವರಿಗೆ ಧಮ್ ಇದ್ದರೆ ಎಲ್ಲರ ಮುಂದೆ ಹೇಳಲಿ ಎಂದು ಚಾಲೆಂಜ್ ಮಾಡುತ್ತಾರೆ ಬಳಿಕ ಮಂಜು ಹೇಳಿದ ಸಿಕ್ರೆಟ್ ಕೇಳಿ ದಿವ್ಯಾ ನಾಚುತ್ತಾ ನಸುನಗೆ ಬೀರುತ್ತಾರೆ. ನನ್ನ ಮೀಟರ್ ಬಗ್ಗೆ ಮಾತನಾಡಬೇಡಿ ಐ ಲವ್ ಯು ಎಂದು ಲ್ಯಾಗ್ ಮಂಜುಗೆ ಎಲ್ಲರ ಸಮ್ಮುಖದಲ್ಲಿ ದಿವ್ಯಾ ಉರುಡುಗ ಹೇಳುತ್ತಾರೆ. ಅದಕ್ಕೆ ಮಂಜು ಥ್ಯಾಂಕ್ಯು ಐ ಲವ್ ಯು ಟೂ ಎಂದು ಹಾಸ್ಯಮಯವಾಗಿ ಅಣುಗಿಸುತ್ತಾ ಮುಗುಳು ನಗೆ ಬೀರುತ್ತಾರೆ.

ಒಟ್ಟಾರೆ ಟಾಸ್ಕ್ ಮೂಲಕ ಮನೆಮಂದಿಯೆಲ್ಲಾ ಒಬ್ಬೊಬ್ಬರಾಗಿ ಈಜು ಕೊಳಕ್ಕೆ ಹಾರುವ ಮೂಲಕ ಸಖತ್ ಎಂಜಾಯ್ ಮಾಡಿದರು.