ಪ್ರತಿ ವಾರ 20 ಗಂಟೆ ಟಿವಿ ನೋಡಿದ್ರೆ 65 ಸಾವಿರ ರೂ. ವೇತನ!

ನವದೆಹಲಿ: ನೀವು ಟಿವಿ ನೋಡುವುದನ್ನು ಇಷ್ಟಪಡುತ್ತೀರಾ? ಹಾಗಿದ್ದರೆ ಟಿವಿ ನೋಡುವುದನ್ನೇ ಉದ್ಯೋಗ ಮಾಡಿಕೊಳ್ಳಬಹುದು. ಹೌದು, ಕಂಪನಿಯೊಂದು ಪ್ರತಿ ವಾರ 20 ಗಂಟೆ ಟಿವಿ ನೋಡುವುದಕ್ಕಾಗಿಯೇ 65 ಸಾವಿರ ರೂ. ವೇತನ ನೀಡುತ್ತಿದೆ.

ಟಿವಿ ನೋಡುವ ಪಾರ್ಟ್ ಟೈಮ್ ಕೆಲಸಕ್ಕೆ ಉತ್ತಮ ಬರವಣಿಗೆಯ ಕೌಶಲ್ಯ, ಇಂಗ್ಲಿಷ್‍ನಲ್ಲಿ ಮಾತನಾಡುವವರೇ ಆಗಿರಬೇಕು. ಜೊತೆಗೆ ವಯಸ್ಸು 18 ವರ್ಷ ಮೀರಬೇಕು. ಹೀಗೆ ಕೆಲವು ನಿಯಮಗಳನ್ನು ಕಂಪನಿ ವಿಧಿಸಿದೆ. ಇದಕ್ಕೆ ಒಪ್ಪಿದರೆ ನೀವು ಪಾರ್ಟ್ ಟೈಮ್ ಜಾಬ್ ಮಾಡಬಹುದಾಗಿದೆ. ಇದನ್ನೂ ಓದಿ: ಹಾಸಿಗೆಯಲ್ಲಿ ನಿದ್ದೆ ಮಾಡಲಿರುವ 23 ಮಂದಿಗೆ ಸಿಗಲಿದೆ 1 ಲಕ್ಷ

ಆನ್‍ಬೈ ಎಂಬ ಕಂಪನಿ ಇಂತಹ ಪಾರ್ಟ್ ಟೈಮ್ ಜಾಬ್ ಕಲ್ಪಿಸಿದೆ. ಆದರೆ ಕೆಲಸ ಮಾಡಲು ಬಯಸುವವರು ಟಿವಿ, ಕ್ಯಾಮೆರಾ, ಸ್ಮಾರ್ಟ್ ಸಾಧನ, ಹೆಡ್‍ಫೋನ್ ಮತ್ತು ಹೋಮ್ ಸಿನಿಮಾ ವ್ಯವಸ್ಥೆಗಳು ಸೇರಿದಂತೆ ಹಲವಾರು ಎಲೆಕ್ಟ್ರಾನಿಕ್ ಉತ್ಪನ್ನಗಳ ಬಗ್ಗೆ ಮಾಹಿತಿ ಹೊಂದಿಬೇಕು.

ಒಂದು ವೇಳೆ ನೀವು ಕೆಲಸಕ್ಕೆ ಆಯ್ಕೆಯಾದರೆ ಉತ್ಪನ್ನ ಪುಟವನ್ನು ಆನ್‍ಸೈಟ್‍ನಲ್ಲಿ ಸುಧಾರಿಸಲು ಪರೀಕ್ಷಿಸಲು ಪ್ರತಿ ತಿಂಗಳು ಉತ್ಪನ್ನಗಳ ಆಯ್ಕೆಯನ್ನು ಪಡೆಯುತ್ತೀರಿ. ಉತ್ಪನ್ನಗಳ ವಿನ್ಯಾಸ, ಕಾರ್ಯಕ್ಷಮತೆ, ಬಾಳಿಕೆ, ಧ್ವನಿ, ಪ್ರದರ್ಶನ, ಕಾರ್ಯಕ್ಷಮತೆ ಮತ್ತು ಹಣದ ಮೌಲ್ಯವನ್ನು ಪರೀಕ್ಷಿಸಬೇಕು. ಬಳಿಕ ನೀವು ಪರೀಕ್ಷಿಸಿದ ಉತ್ಪನ್ನದ ಬಗ್ಗೆ 200 ಪದಗಳ ವಿಮರ್ಶೆಯನ್ನು ಬರೆಯಬೇಕು.

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಆನ್‍ಬೈ ಸಂಸ್ಥಾಪಕ ಕ್ಯಾಸ್ ಪ್ಯಾಟನ್, “ನಾವು ಗ್ರಾಹಕರಿಗೆ ನಿಖರವಾದ ಮಾಹಿತಿ ಮತ್ತು ಉತ್ತಮ ವಸ್ತುಗಳನ್ನು ಒದಗಿಸುವ ಗುರಿಯನ್ನು ಹೊಂದಿದ್ದೇವೆ. ಆದ್ದರಿಂದ ತಾಂತ್ರಿಕ ತಜ್ಞರಿಂದ ಪ್ರತಿಕ್ರಿಯೆಯನ್ನು ಸಂಗ್ರಹಿಸುವ ಮೂಲಕ, ಉತ್ಪನ್ನಗಳ ಬಗ್ಗೆ ಸಂಪೂರ್ಣ ಮಾಹಿತಿ ಕಲೆ ಹಾಕಲಾಗುತ್ತದೆ. ಗ್ರಾಹಕರ ವಿಶ್ವಾಸ ಗಳಿಸಲು ಇದು ಉತ್ತಮ ವಿಧಾನವಾಗಿದೆ” ಎಂದು ತಿಳಿಸಿದ್ದಾರೆ.