ಇಸ್ಲಾಮಾಬಾದ್: ಪಾಕಿಸ್ತಾನದ ಕ್ರಿಕೆಟ್ ತಂಡದ ಮಾಜಿ ನಾಯಕ ಶಾಹಿದ್ ಆಫ್ರಿದಿ ಪುತ್ರಿಯ ಮದುವೆ ಕ್ರಿಕೆಟರ್ ಜೊತೆ ನಿಶ್ಚಯ ಮಾಡಲಾಗಿದೆ. ಭಾನುವಾರ ಮಗಳ ಮದುವೆ ನಿಶ್ಚಯವಾಗಿದ್ದು, ಕೆಲವೇ ದಿನಗಳಲ್ಲಿ ನಿಶ್ಚಿತಾರ್ಥ ದಿನಾಂಕ ನಿಗದಿ ಮಾಡಲಿದ್ದೇವೆ ಎಂದು ಆಫ್ರಿದಿ ಹೇಳಿದ್ದಾರೆ.
ಸದ್ಯ ಪಾಕಿಸ್ತಾನದ ತಂಡದಲ್ಲಿ ಆಡುತ್ತಿರುವ ವೇಗಿ ಶಾಹಿನ್ ಶಾ ಜೊತೆ ಆಫ್ರಿದಿ ಪುತ್ರಿಯ ಮದುವೆ ಫಿಕ್ಸ್ ಆಗಿದೆ. ಈಗಾಗಲೇ ಎರಡೂ ಕುಟುಂಬಗಳ ಸದಸ್ಯರು ಭೇಟಿಯಾಗಿ ಮಾತುಕತೆ ನಡೆಸಿದ್ದಾರೆ. ಶಾಹಿನ್ ಕುಟುಂಬಸ್ಥರು ಮದುವೆ ವಿಷಯವಾಗಿ ನಮ್ಮನ್ನು ಸಂಪರ್ಕಿಸಿದರು. ಇದೀಗ ಮದುವೆಗೆ ಎಲ್ಲರ ಒಪ್ಪಿಗೆ ಸಿಕ್ಕಿದೆ ಎಂದು ಆಫ್ರಿದಿ ಸಂತೋಷದ ವಿಷಯವನ್ನು ಅಭಿಮಾನಿಗಳ ಜೊತೆ ಹಂಚಿಕೊಂಡರು.
- Advertisement 2
- Advertisement 3
ಈ ಕುರಿತು ಮಾತನಾಡಿರುವ ಶಾಹಿನ್ ತಂದೆ ಅಯಾಜ್ ಖಾನ್, ಮಗನ ಮದುವೆ ಕುರಿತು ಆಫ್ರಿದಿ ಕುಟುಂಬಕ್ಕೆ ಪ್ರಸ್ತಾವವನ್ನ ಕಳುಹಿಸಿದ್ದೆ. ನಮ್ಮ ಪ್ರಸ್ತಾಪವನ್ನ ಒಪ್ಪಿಕೊಂಡಿರುವ ಆಫ್ರಿದಿ ಕುಟುಂಬಕ್ಕೆ ಮದುವೆಗೆ ಒಪ್ಪಿಗೆ ನೀಡಿದೆ. ಎಂದು ಹೇಳಿದ್ದಾರೆ.
- Advertisement 4
ಕಳೆದ ಕೆಲ ತಿಂಗಳಿನಿಂದ ಎರಡೂ ಕುಟುಂಬಗಳಲ್ಲಿ ಮದುವೆ ಚರ್ಚೆ ನಡೆಯುತ್ತಿತ್ತು. ಇದೀಗ ಎರಡೂ ಕುಟುಂಬಗಳಲ್ಲಿ ಸಂಭ್ರಮ ಮನೆ ಮಾಡಿದೆ. ನಿಶ್ಚಿತಾರ್ಥ ಮತ್ತು ಮದುವೆ ದಿನಾಂಕ ಶೀಘ್ರದಲ್ಲೇ ಅಂತಿಮ ಮಾಡಲಿದ್ದೇವೆ ಎಂದು ಅಯಾಜ್ ಖಾನ್ ತಿಳಿಸಿದ್ದಾರೆ.