ಎಸಿಬಿ ಬಲೆಗೆ ಬಿದ್ದ ಬಿಬಿಎಂಪಿ ಎಇಇ ಆಂಜಿನಪ್ಪ- ಅಧಿಕಾರಿಗಳಿಗೆ ಸಿಕ್ಕಿದ್ದೇನು..?

ಬೆಂಗಳೂರು: ಭ್ರಷ್ಟಾಚಾರ ನಿಗ್ರಹ ದಳ (ಎಸಿಬಿ) ನಡೆಸಿರೋ ದಾಳಿಯಲ್ಲಿ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯ ಭ್ರಷ್ಟ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ಆಂಜನಪ್ಪ ಬಲೆಗೆ ಬಿದ್ದಿದ್ದಾನೆ.

ದಾಳಿ ವೇಳೆ ಅಪಾರ ಪ್ರಮಾಣದ ಚಿನ್ನ, ಬೆಳ್ಳಿ ಹಾಗೂ ನಗದು ಪತ್ತೆಯಾಗಿದೆ. ಬರೋಬ್ಬರಿ 1.2 ಕೆ.ಜಿ ಚಿನ್ನ, 9 ಕೆ.ಜಿ ಬೆಳ್ಳಿ, 5.80 ಲಕ್ಷ ಮೌಲ್ಯದ ಗೃಹ ಉಪಯೋಗಿ ವಸ್ತುಗಳು ಹಾಗೂ ಭಾರೀ ಮೌಲ್ಯದ ವಾಹನಗಳನ್ನು ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ.

ಬೆಂಗಳೂರಿನ ಮನೆಯಲ್ಲಿ 42 ಲಕ್ಷ ಮೌಲ್ಯದ ವಸ್ತುಗಳು ಪತ್ತೆ ಆಗಿವೆ. ಲೋಕಿಕೆರೆ ಗ್ರಾಮದ ಮನೆಯಲ್ಲಿ 2 ಕೋಟಿ 26 ಲಕ್ಷದ 39 ಸಾವಿರ ಮೌಲ್ಯದ ಆಸ್ತಿ ಪತ್ರ, 8 ಕೆ.ಜಿ ಬೆಳ್ಳಿ 5 ಗ್ರಾಂ ಚಿನ್ನ, ಚನ್ನಗಿರಿಯಲ್ಲಿ ಆಸ್ತಿ ಪಾತ್ರಗಳು ಪತ್ತೆ ಆಗಿವೆ.