ಎ.ಆರ್.ರಹಮಾನ್ ತಾಯಿ ನಿಧನ

ಚೆನ್ನೈ: ಗಾಯಕ, ಸಂಗೀತ ಸಂಯೋಜಕ ಎ.ಆರ್.ರಹಮಾನ್ ತಾಯಿ ಕರೀಮಾ ಬೇಗಂ ನಿಧನರಾಗಿದ್ದಾರೆ. ಎ.ಆರ್.ರಹಮಾನ್ ತಾಯಿ ಫೋಟೋವನ್ನ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡು ವಿಷಯವನ್ನ ತಿಳಿಸಿದ್ದಾರೆ.

ಅಮ್ಮ ನನ್ನಲ್ಲಿರುವ ಸಂಗೀತದ ಪ್ರತಿಭೆಯನ್ನು ಗುರುತಿಸಿದ್ದರೇ ಹೊರತು ನಾನಲ್ಲ ಎಂದು ರಹಮಾನ್ ಮಾಧ್ಯಮಗಳ ಜೊತೆ ಮಾತನಾಡುತ್ತಾ ಭಾವುಕರಾಗಿದ್ದಾರೆ. ಅಭಿಮಾನಿಗಳು ಸಹ ಕರೀಮಾ ಅವರ ನಿಧನಕ್ಕೆ ಸಂತಾಪ ಸೂಚಿಸುತ್ತಿದ್ದಾರೆ. ಕಸ್ತೂರಿಯವರು ಇಸ್ಲಾಂಗೆ ಮತಾಂತರವಾದ ಬಳಿಕ ತಮ್ಮ ಹೆಸರನ್ನ ಕರೀಮಾ ಬೇಗಂ ಆಗಿ ಬದಲಿಸಿಕೊಂಡಿದ್ದರು.

pic.twitter.com/quQXlI65g4

— A.R.Rahman (@arrahman) December 28, 2020

ಈ ಹಿಂದೆ ಕಾರ್ಯಕ್ರಮವೊಂದರಲ್ಲಿ ತಾಯಿ ಬಗ್ಗೆ ಮಾತನಾಡಿದ್ದ ರಹಮಾನ್, ನಾವು ಬಾಲ್ಯದಲ್ಲಿ ತಂದೆಯನ್ನ ಕಳೆದುಕೊಂಡಾಗ ಅಮ್ಮ ಮನೆಯನ್ನ ನಡೆಸುತ್ತಿದ್ದರು. ತಂದೆಯ ಮ್ಯೂಸಿಕಲ್ ಸಾಧನಗಳನ್ನ ಮಾರಿ ಬಂದ ಹಣವನ್ನ ಠೇವಣಿ ಇರಿಸಿ. ಠೇವಣಿಗೆ ಬರುತ್ತಿದ್ದ ಬಡ್ಡಿ ಹಣದಿಂದಲೇ ಜೀವನ ನಡೆಸಿ ಎಂದು ಆಪ್ತರು ಸಲಹೆ ನೀಡಿದ್ದರು. ಆದರೆ ನನ್ನ ಮಗನಿದ್ದಾನೆ, ಆತ ಅವುಗಳನ್ನ ಬಳಸುತ್ತಾನೆ ಎಂದು ಹೇಳಿದ್ದರು.