ಮದುವೆ ಮನೆಯಲ್ಲಿ ಬಲೂನ್ ಗ್ಯಾಸ್ ಸ್ಫೋಟ-ಯುವಕನ ಕಾಲು ಛಿದ್ರ!

ಶಿವಮೊಗ್ಗ: ಮದುವೆ ಮನೆಯಲ್ಲಿ ಬಲೂನ್ ಗ್ಯಾಸ್ ಸ್ಫೋಟಗೊಂಡು ಯುವಕನ ಕಾಲು ಛಿದ್ರವಾಗಿರುವ ಆಘಾತಕಾರಿ ಘಟನೆ ಶಿವಮೊಗ್ಗ ಜಿಲ್ಲೆಯ ಸಾಗರದ ನೆಹರು ನಗರದ ಚರ್ಚ್‍ನಲ್ಲಿ ನಡೆದಿದೆ.

ಇಕ್ಬಾಲ್ ಕಾಲು ಕಳೆದುಕೊಂಡ ಯುವಕ. ಮದುವೆ ಸಂಭ್ರಮಕ್ಕಾಗಿ ಬಲೂನ್ ಡೆಕೋರೇಷನ್ ಮಾಡುವಾಗ ಈ ಘಟನೆ ನಡೆದಿದ್ದು, ಬಲೂನ್ ಗ್ಯಾಸ್ ಸ್ಫೋಟಗೊಂಡು ಯುವಕನ ಕಾಲು ಛಿದ್ರವಾಗಿದೆ. ಬಲೂನ್ ಗೆ ತುಂಬಿಸಲು ತಂದಿದ್ದ ಗ್ಯಾಸ್ ನೈಟ್ರೋಜನ್ ಸಿಲಿಂಡರ್ ಹೀಟ್ ಆಗಿ ಸ್ಫೋಟಗೊಂಡಿದೆ ಎಂದು ಹೇಳಲಾಗುತ್ತಿದೆ.

ಈ ಘಟನೆಯಿಂದ ಕಾಲು ಕಳೆದುಕೊಂಡ ಇಕ್ಬಾಲ್ ನನ್ನು ಆಸ್ಪತ್ರೆ ದಾಖಲಿಸಲಾಗಿದೆ.