ಮೈಸೂರು: ಪೇಸ್ಟ್ರಿ ಪ್ರಿಯರೇ ಎಚ್ಚರ. ಕೇಕ್ ತಿನ್ನೋ ಮುನ್ನ ಎಚ್ಚರ ವಹಿಸಬೇಕು. ಕೆಲವೊಮ್ಮೆ ನೀವು ತಿನ್ನೋ ಕೇಕ್ ನಲ್ಲಿ ಸಿಹಿ ಜೊತೆ ಹುಳು ಕೂಡ ಇರುತ್ತೆ. ಮೈಸೂರಿನ ಸಿದ್ದಪ್ಪ ವೃತ್ತದಲ್ಲಿನ ಪೇಸ್ಟ್ರಿ ವರ್ಲ್ಡ್ ಬೇಕರಿಯಲ್ಲಿ ಇಂತಹ ಹುಳುವಿನ ಕೇಕ್ ಸಿಕ್ಕಿದೆ.
ಹುಳಗಳು ಅಲ್ಲದೇ ಬೇಕರಿಯಲ್ಲಿರುವ ಕೇಕ್‍ನಲ್ಲೇ ನೊಣಗಳು ಮುತ್ತಿಕೊಂಡಿವೆ. ಮೈಸೂರಿನ ಯುವಕನೊಬ್ಬ ತಮ್ಮನ ಹುಟ್ಟುಹಬ್ಬಕ್ಕಾಗಿ ಇಲ್ಲಿಂದ ಕೇಕ್ ತೆಗೆದುಕೊಂಡು ಹೋಗಿದ್ದರು. ಕೇಕ್ ಕತ್ತರಿಸಿದ್ದಾಗ ಕೇಕ್ ಒಳಗಡೆ ಹುಳ ಇರುವುದು ಪತ್ತೆಯಾಗಿದೆ.
ನನ್ನ ತಮ್ಮನ ಹುಟ್ಟುಹಬ್ಬಕ್ಕೆಂದು ರಾತ್ರಿ 12 ಗಂಟೆಗೆ ಕೇಕ್ ಕಟ್ ಮಾಡಿಸಬೇಕು ಅಂತ ಕೇಕ್ ತೆಗೆದುಕೊಂಡು ಹೋಗಿದ್ದೆವು. ಕೇಕ್ ತಿಂದ ನಂತರ ಹೊಟ್ಟೆನೋವು ಕಾಣಿಸಿಕೊಳ್ತು. ನಂತರ ಕೇಕ್ ನೋಡಿದಾಗ ಅದರಲ್ಲಿ ಬೂಸ್ಟ್ ಬಂದಿತ್ತು ಎಂದು ಯುವಕ ಹೇಳಿದ್ದಾರೆ.
ತಕ್ಷಣ ಯುವಕ ಆ ಕೇಕನ್ನು ಬೇಕರಿಗೆ ತಂದು ಈ ಬಗ್ಗೆ ಪ್ರಶ್ನಿಸಿದ್ದಾರೆ. ಆರಂಭದಲ್ಲಿ ಇದು ನಮ್ಮ ಬೇಕರಿ ಕೇಕ್ ಅಲ್ಲ ಎಂದಿದ್ದ ಅಂಗಡಿಯವರು ನಂತರ ತಪ್ಪು ಒಪ್ಪಿಕೊಂಡಿದ್ದಾರೆ.
