ವಿಡಿಯೋ: ಮಳೆಗಾಲ ಬರ್ತಿದೆ ಜಾರಿ ಬಿದ್ದೀರಿ ಜೋಪಾನ- ಕಾಲು ಜಾರಿ ಮೋರಿಗೆ ಬಿದ್ದ ಯುವಕ

ಮೈಸೂರು: ಮಳೆಗಾಲ ಆರಂಭವಾಗಿದ್ದು, ಇನ್ನ್ಮುಂದೆ ಹಜ್ಜೆಯಿಡುವಾಗ ಎಚ್ಚರದಿಂದ ಇರಬೇಕು. ಇಲ್ಲವಾದ್ರೆ ಜಾರಿ ಬೀಳುವುದು ಖಂಡಿತ.

ಹೌದು. ಮೈಸೂರಿನಲ್ಲಿ ಯುವಕರೊಬ್ಬರು ಕಾಲು ಜಾರಿ ಮೋರಿ ಒಳಗಡೆ ಬಿದ್ದಿದ್ದು ಕೂಡಲೇ ಅವರನ್ನು ಸ್ಥಳೀಯರು ರಕ್ಷಿಸಿದ್ದಾರೆ. ಮೋರಿಗೆ ಬೀಳುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ನಗರದ ಮಂಡಿಮೋಹಲ್ಲಾದಲ್ಲಿ ಸಿದ್ದರಾಜು ಎಂಬವರು ಕಾಲುಜಾರಿದ್ದರಿಂದ ಪಕ್ಕದಲ್ಲಿದ್ದ ಮೋರಿಗೆ ಬಿದ್ದಿದ್ದಾರೆ. ಸಿದ್ದರಾಜು ಅವರ ಪರದಾಟದ ದೃಶ್ಯಗಳು ಮನೆಯ ಮುಂಭಾಗದ ಸಿಸಿಟಿವಿಯಲ್ಲಿ ಸರೆಯಾಗಿವೆ. ಸಿದ್ದರಾಜು ಮೋರಿಗೆ ಬೀಳುತ್ತಿದ್ದಂತೆ ಮನೆಯ ಸದಸ್ಯರು ಹಾಗು ಸ್ಥಳೀಯರು ಅವರನ್ನು ಮೇಲಕ್ಕೆತ್ತಿದ್ದಾರೆ.

ಮಳೆಗಾಲ ಆರಂಭವಾಗಿದ್ದು, ಮಳೆಯಿಂದಾಗಿ ಮೆನಯ ಮುಂಭಾಗ ಮತ್ತು ರಸ್ತೆಗಳು ಪಾಚಿಗಟ್ಟಿರುತ್ತವೆ. ಇದ್ರಿಂದ ಕಾಲುಗಳು ಜಾರಿ ಬೀಳಬೇಕಾಗುತ್ತದೆ. ಇನ್ನು ಮನೆಗಳ ಮುಂದೆ ಕಾಮಾಗಾರಿ ನಡೆಯುತ್ತಿದ್ದರೆ ಮಕ್ಕಳು ಸೇರಿದಂತೆ ಎಲ್ಲರೂ ನಿಧಾನವಾಗಿ ನಡೆಯುವುದು ಉತ್ತಮ.

https://youtu.be/pBTCUGTcgrM