ಮೊಬೈಲ್ ಕದ್ದನೆಂದು ತಲೆ ಬೋಳಿಸಿ, ಕ್ರೈನ್ ಮೂಲಕ ತಲೆಕೆಳಗಾಗಿಸಿ ಹಲ್ಲೆಗೈದ್ರು

ಪಾಟ್ನಾ: ಯುವಕನೋರ್ವ ಮೊಬೈಲ್ ಕಳ್ಳತನ ಮಾಡಿದ್ದಾನೆಂದು ಆರೋಪಿಸಿ ಹಲ್ಲೆ ನಡೆಸಿರುವ ಅಮಾನವೀಯ ಘಟನೆ ಬಿಹಾರ ರಾಜ್ಯದ ದರ್ಬಾಂಗ್ ಜಿಲ್ಲೆಯ ಹಿನ್‍ಗೊಲಿ ಗ್ರಾಮದಲ್ಲಿ ನಡೆದಿದೆ.

ಅಮರೇಶ್ ಕುಮಾರ್ ಹಲ್ಲೆಗೊಳಗಾದ ಯುವಕ. ಅಮರೇಶ್ ವಿದ್ಯುತ್ ಇಲಾಖೆಯಲ್ಲಿ ಕೆಲಸ ಮಾಡಿಕೊಂಡಿದ್ದು, ವಿಕಾಸ್ ಮಿಶ್ರಾ ಎಂಬವರ ಮೊಬೈಲ್ ಕಳ್ಳತನ ಮಾಡಿದ್ದಾನೆ ಅಂತಾ ಆರೋಪಿಸಲಾಗಿತ್ತು. ಮೊಬೈಲ್ ಮಾಲೀಕ ವಿಕಾಸ್ ಯುವಕನ ತಲೆ ಬೋಳಿಸಿ ಕ್ರೈನ್ ಮೂಲಕ ತಲೆಕೆಳಗಾಗಿಸಿ ಹಲ್ಲೆ ನಡೆಸಿದ್ದಾನೆ.

ಅಮರೇಶ್ ಮೇಲೆ ಹಲ್ಲೆ ನಡೆಯುವ ವೇಳೆ ಸ್ಥಳದಲ್ಲಿ ಗ್ರಾಮಸ್ಥರು ಯಾರು ಆತನ ಸಹಾಯಕ್ಕೆ ಮುಂದಾಗಿಲ್ಲ. ಈ ವೇಳೆ ಕೆಲ ಯುವಕರು ಎಲ್ಲ ದೃಶ್ಯಗಳನ್ನು ಮೊಬೈಲ್ ನಲ್ಲಿ ಚಿತ್ರಿಕರಿಸಿಕೊಂಡು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿದ್ದಾರೆ. ವಿಡಿಯೋ ನೋಡಿದ ಜನರು ವಿಕಾಸ್ ಮಿಶ್ರಾನ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.