– 15 ದಿನದ ನಂತರ ದೂರು ದಾಖಲಿಸಿದ ಮಾಜಿ ಶಾಸಕ
ಕಾರವಾರ: ಯಲ್ಲಾಪುರದ ಮಾಜಿ ಶಾಸಕ ವಿ.ಎಸ್ ಪಾಟೀಲ್ (V.S.Patil) ಅವರ ಡಬಲ್ ಬ್ಯಾರಲ್ ಬಂದೂಕು (Double Barrel Gun) ಕಳ್ಳತನವಾಗಿದೆ.
ಪಾಟೀಲ್ ಅವರು ತಮ್ಮ ಆತ್ಮರಕ್ಷಣೆಗಾಗಿ ಈ ಬಂದೂಕನ್ನು ಇರಿಸಿಕೊಂಡಿದ್ದರು. ಬಂದೂಕು ಕಳ್ಳತನವಾಗಿ 15 ದಿನದ ನಂತರ ಮುಂಡಗೋಡು ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಇದನ್ನೂ ಓದಿ: ತಂದೆ ಎದುರೇ ಕೊಳದಲ್ಲಿ ಮುಳುಗಿ ಪ್ರಾಣ ಬಿಟ್ಟ ಬಾಲಕರು!
ಘಟನೆ ಏನು?
ಯಲ್ಲಾಪುರ ಮಾಜಿ ಶಾಸಕ ವೀರಭದ್ರಗೌಡ ಶಿವನಗೌಡ ಪಾಟೀಲ್ (ವಿ.ಎಸ್.ಪಾಟೀಲ್) ಅವರು ತಮ್ಮ ಸ್ವರಕ್ಷಣೆಗಾಗಿ ಡಿ.ಬಿ,ಬಿ,ಎಲ್ ನಂ:-18845 ಸಂಖ್ಯೆಯ ಸುಮಾರು 40,000ರೂ. ಮೌಲ್ಯದ ಡಬಲ್ ಬ್ಯಾರಲ್ ಬಂದೂಕನ್ನು ಹೊಂದಿದ್ದರು. ಅದನ್ನು ಮುಂಡಗೋಡ ತಾಲೂಕಿನ ಅಂದಲಗಿ ಗ್ರಾಮದಲ್ಲಿನ ತಮ್ಮ ಜಮೀನಿನಲ್ಲಿರೋ ಬೋರಿನ ಮನೆಯಲ್ಲಿ ಇಟ್ಟಿದ್ದರು.
ಆದರೆ, ಈ ಬಂದೂಕನ್ನು ಕಳೆದ ವರ್ಷ ಡಿಸೆಂಬರ್ 31 ರಂದು ಕಳ್ಳತನವಾಗಿದೆ. ಬೇರೆಲ್ಲೋ ಇಟ್ಟಿರಬಹುದು ಎಂದು ಸುಮ್ಮನಿದ್ದ ಮಾಜಿ ಶಾಸಕರು ಕೊನೆಗೆ ಬೇರೆಡೆ ಹುಡಕಿದಾಗಲೂ ದೊರೆತಿಲ್ಲ. ಈ ಕಾರಣ ಕಳ್ಳರು ಯಾರೋ ತಮ್ಮ ಡಬಲ್ ಬ್ಯಾರಲ್ ಬಂದೂಕು ಕಳ್ಳತನ ಮಾಡಿದ್ದನ್ನು ಅರಿತ ಅವರು ಕೊನೆಗೆ ಮುಂಡಗೋಡು ಠಾಣೆಯಲ್ಲಿ ದೂರು ನೀಡಿದ್ದಾರೆ. ಇದನ್ನೂ ಓದಿ: ಬಳ್ಳಾರಿ ಬ್ಯಾನರ್ ಬಡಿದಾಟದ ವಿಡಿಯೋ ಇದ್ದಲ್ಲಿ ಸೆಂಡ್ ಮಾಡಿ – ಸಿಐಡಿ ಮನವಿ
