ಕಾಫಿ ವಿತ್ ಕರಣ್ ಶೋಗೆ ಹೋಗದಂತೆ ತಡೆಯುತ್ತಿದ್ದಾರೆ ಯಶ್ ಅಭಿಮಾನಿಗಳು

Public TV
1 Min Read
yash 3

ಬಿಟೌನ್ ನಲ್ಲಿ ಇದೀಗ ಕರಣ್ ಜೋಹಾರ್ ನಡೆಸಿಕೊಡುವ ಕಾಫಿ ವಿತ್ ಕರಣ್ ಶೋ ವಿಷಯವೇ ಹಾಟ್ ಟಾಪಿಕ್. ವಿವಾದ, ಡೇಟಿಂಗ್, ಸೆಕ್ಸ್, ಖಾಸಗಿ ಸಂಗತಿಗಳನ್ನೇ ಬಂಡವಾಳ ಮಾಡಿಕೊಂಡು ಈ ಕಾರ್ಯಕ್ರಮವನ್ನು ನೆಡಿಸಿಕೊಡುತ್ತಿದ್ದಾರಂತೆ ಕರಣ್. ಹಾಗಾಗಿ ಇಂತಹ ಕಾರ್ಯಕ್ರಮಕ್ಕೆ ಯಶ್ ಹೋಗಬಾರದು ಎಂದು ಅಭಿಮಾನಿಗಳು ಒತ್ತಾಯಿಸುತ್ತಿದ್ದಾರೆ.

yash 1

ಯಶ್ ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲಿ ಈ ಕುರಿತು ಕಾಮೆಂಟ್ ಮಾಡಿದ್ದು, ಯಶ್ ಅವರಿಗೆ ಒಂದು ಘನತೆಯಿದೆ. ಅಲ್ಲದೇ, ಅವರು ಕಾರ್ಯಕ್ರಮದಲ್ಲಿ ಕೇಳುವ ಪ್ರಶ್ನೆಗಳು ಯಾರಿಗೂ ಸ್ಫೂರ್ತಿ ತುಂಬುವಂಥದ್ದು ಆಗಿರುವುದಿಲ್ಲ. ನಿಮ್ಮಿಂದ ಬೇರೆ ರೀತಿಯ ಉತ್ತರಗಳನ್ನೂ ನಾವು ಬಯಸುವುದಿಲ್ಲ. ಹೀಗಾಗಿ ಆ ಶೋಗೆ ಹೋಗಬೇಡಿ ಎಂದು ಹಲವಾರು ಅಭಿಮಾನಿಗಳು ಸೋಷಿಯಲ್ ಮೀಡಿಯಾ ಪೇಜ್ ನಲ್ಲಿ ಬರೆದುಕೊಂಡಿದ್ದಾರೆ. ಇದನ್ನೂ ಓದಿ:ತಮಿಳಿನ ನಟ ಜಿ.ಎಂ ಕುಮಾರ್ ಆಸ್ಪತ್ರೆಗೆ ದಾಖಲು

YASH 1 4

ಪತ್ನಿ ರಾಧಿಕಾ ಜೊತೆ ವಿದೇಶ ಪ್ರವಾಸದಲ್ಲಿರುವ ಯಶ್, ಇದನ್ನು ಎಷ್ಟು ಗಂಭೀರವಾಗಿ ತಗೆದುಕೊಳ್ಳುತ್ತಾರೋ ಗೊತ್ತಿಲ್ಲ. ಆದರೆ, ಅಭಿಮಾನಿಗಳಂತೂ ಇಂಥದ್ದೊಂದು ಒತ್ತಡವನ್ನಂತೂ ಹೇರುತ್ತಿದ್ದಾರೆ. ಹಾಗಾಗಿ ಯಶ್ ನಡೆ ಏನಿರಬಹುದು ಎನ್ನುವ ಸಹಜ ಕುತೂಹಲವಂತೂ ಮೂಡಿದೆ. ಈಗಾಗಲೇ ಈ ಶೋನಲ್ಲಿ ಭಾಗಿ ಆಗುವಂತೆ ಯಶ್ ಗೂ ಕೂಡ ಕರೆ ಬಂದಿದೆ ಎನ್ನಲಾಗುತ್ತಿದೆ. ಆದರೆ, ಅವರು ಇನ್ನೂ ಅದಕ್ಕೆ ಪ್ರತಿಕ್ರಿಯೆ ನೀಡಿಲ್ಲ ಎನ್ನುತ್ತಾರೆ ಆಪ್ತರು.

Live Tv
[brid partner=56869869 player=32851 video=960834 autoplay=true]

Share This Article
Leave a Comment

Leave a Reply

Your email address will not be published. Required fields are marked *