ಲಕ್ನೋ: ಯುಪಿ ವಾರಿಯರ್ಸ್ (UP Warriorz) ತಂಡದ ವಿರುದ್ಧ ಅಟಲ್ ಬಿಹಾರಿ ವಾಜಪೇಯಿ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ (Mumbai Indians) 6 ವಿಕೆಟ್ಗಳ ಜಯ ಸಾಧಿಸಿದೆ ಗೆದ್ದು ಬೀಗಿದೆ.
ಮೊದಲು ಬ್ಯಾಟ್ ಬೀಸಿದ ಯುಪಿ ವಾರಿಯರ್ಸ್ 20 ಓವರ್ಗಳಲ್ಲಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡು 150 ರನ್ ಕಲೆ ಹಾಕಿತು. ಈ ಗುರಿಯನ್ನು ಬೆನ್ನಟ್ಟಿದ ಮುಂಬೈ ಇಂಡಿಯನ್ಸ್ 18.3 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 153 ರನ್ ಕಲೆ ಹಾಕಿ ಜಯ ಮುಡಿಗೇರಿಸಿಕೊಂಡಿತು.
4 ಜಯ ಸಾಧಿಸುವುದರೊಂದಿಗೆ ಮುಂಬೈ ಇಂಡಿಯನ್ಸ್ 8 ಅಂಕ ಪಡೆಯುವುದರ ಮೂಲಕ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನಲ್ಲಿದ್ದರೆ ಯುಪಿ ವಾರಿಯರ್ಸ್ 5 ಪಂದ್ಯ ಸೋಲುವ ಮೂಲಕ 4 ಅಂಕ ಸಂಪಾದಿಸಿ 5ನೇ ಸ್ಥಾನದಲ್ಲಿದೆ.
ಮುಂಬೈ ಇಂಡಿಯನ್ಸ್ ಪರ ಹೇಲಿ ಮ್ಯಾಥ್ಯೂಸ್ 46 ಎಸೆತಗಳಲ್ಲಿ 2 ಸಿಕ್ಸರ್, 8 ಬೌಂಡರಿ ನೆರವಿನಿಂದ 68 ರನ್, ನ್ಯಾಟ್ ಸಿವರ್ ಬ್ರಂಟ್ 23 ಎಸೆತಗಳಲ್ಲಿ 7 ಬೌಂಡರಿಗಳ ನೆರವಿನಿಂದ 37 ರನ್ ಕಲೆ ಹಾಕಿದರು.
ಯುಪಿ ಪರ ಗ್ರೇಸ್ ಹ್ಯಾರಿಸ್ 2 ವಿಕೆಟ್, ಕ್ರಾಂತಿ ಗೌಡ್ 1 ವಿಕೆಟ್, ಚಿನೆಲ್ಲೆ ಹೆನ್ರಿ 1 ವಿಕೆಟ್ ಪಡೆದರು.
ಯುಪಿ ಪರ ಜಾರ್ಜಿಯಾ ವೋಲ್ 33 ಎಸೆತಗಳಲ್ಲಿ 12 ಬೌಂಡರಿಗಳ ನೆರವಿನಿಂದ 55 ರನ್, ಗ್ರೇಸ್ ಹ್ಯಾರಿಸ್ 25 ಎಸೆತಗಳಲ್ಲಿ 1 ಸಿಕ್ಸರ್, 3 ಬೌಂಡರಿ ನೆರವಿನಿಂದ 28 ರನ್, ತಂಡದ ನಾಯಕಿ ದೀಪ್ತಿ ಶರ್ಮಾ 25 ಎಸೆತಗಳಲ್ಲಿ ಒಂದು ಬೌಂಡರಿ ನೆರವಿನಿಂದ 27 ರನ್ ಕಲೆ ಹಾಕಿದರು.
ಮುಂಬೈ ಇಂಡಿಯನ್ಸ್ ಪರ ಅಮೆಲಿಯಾ ಕೆರ್ 5 ವಿಕೆಟ್, ಹೇಲಿ ಮ್ಯಾಥ್ಯೂಸ್ 2 ವಿಕೆಟ್ , ನ್ಯಾಟ್ ಸಿವರ್ ಬ್ರಂಟ್ 1 ವಿಕೆಟ್, ಪರುಣಿಕಾ ಸಿಸೋಡಿಯಾ 1 ವಿಕೆಟ್ ಕಬಳಿಸಿದರು.
