ಸರಳ ಹಾಗೂ ತೀರಾ ಸಿಂಪಲ್ ಆಗಿರುವ ಉಡುಗೆಗಳನ್ನು ಸ್ಟೇಟ್‌ಮೆಂಟ್ ಬೆಲ್ಟ್‌ಗಳು (Belts) ಆಕರ್ಷಕವಾಗಿಸಬಲ್ಲವು. ಇದಕ್ಕೆ ಪೂರಕ ಎಂಬಂತೆ, ಮಾರುಕಟ್ಟೆಗೆ ವೈವಿಧ್ಯಮಯ ಸ್ಟೇಟ್‌ಮೆಂಟ್ ಬೆಲ್ಟ್‌ಗಳು ಎಂಟ್ರಿ ಕೊಟ್ಟಿವೆ. ಯಾವ್ಯಾವ ಬಗೆಯವು ಬಂದಿವೆ, ಆಯ್ಕೆ ಹೇಗೆ? ಅನ್ನೋದರ ಕುರಿತು ಇಲ್ಲಿದೆ ಡಿಟೇಲ್ಸ್. ಇದನ್ನೂ ಓದಿ:ಪಾರ್ಶ್ವವಾಯುವಿಗೆ ತುತ್ತಾಗಿ ‘ವಿಕ್ರಾಂತ್ ರೋಣ’ ನಟಿ ಜಾಕ್ವೆಲಿನ್ ತಾಯಿ ನಿಧನ
ಆಕರ್ಷಕ ಬೆಲ್ಟ್‌ಗಳು ಈಗ ಸಿಂಪಲ್ ಉಡುಗೆಗಳಿಗೂ ಹೈ ಫ್ಯಾಷನ್ ಟಚ್ ನೀಡುತ್ತಿದೆ. ಸರಳವಾಗಿರುವ ಉಡುಪುಗಳನ್ನು ಮತ್ತಷ್ಟು ಆಕರ್ಷಕವಾಗಿಸುತ್ತಿದೆ. ಸಿಂಪಲ್ಲಾಗಿರುವ ಒಂದು ಉಡುಪಿನ ರೂಪ ಬದಲಿಸುವ ಈ ಸ್ಟೇಟ್‌ಮೆಂಟ್ ಬೆಲ್ಟ್ ಫ್ಯಾಷನ್ ಇದೀಗ ಟೀನೇಜ್ ಹುಡುಗಿಯರನ್ನು ಮಾತ್ರವಲ್ಲ, ಎಲ್ಲಾ ವಯಸ್ಸಿನ ನಾರಿಮಣಿಯರನ್ನು ಸೆಳೆದಿದೆ. ಅಷ್ಟು ಮಾತ್ರವಲ್ಲದೇ ಸಿನಿ ತಾರೆಯರನ್ನು ಸವಾರಿ ಮಾಡತೊಡಗಿವೆ. ಸ್ಟೇಟ್‌ಮೆಂಟ್ ವೈಡ್ ಬೆಲ್ಟ್, ಟ್ರೊಶರ್ ಬೆಲ್ಟ್, ಬ್ರೈಡ್, ಹುಕ್, ಟ್ರಾವೆಲ್ ಸ್ಟಡ್ಸ್, ಗನ್ ಸ್ಟಡ್ಸ್, ಬಕ್ಕಲ್ ಬೆಲ್ಟ್‌ಗಳು ಹೊಸ ಟಚ್ ಪಡೆದು ಮತ್ತೆ ಫ್ಯಾಷನ್‌ಗೆ ಮರಳಿವೆ. ಈ ಸೀಸನ್‌ನಲ್ಲಿ ಕೇವಲ ನಾರಿಮಣಿಯರಿಗೆ ಮಾತ್ರವಲ್ಲ. ಪುರುಷರಿಗೂ ನಾನಾ ಶೈಲಿಯ ಸ್ಟೇಟ್‌ಮೆಂಟ್ ಬೆಲ್ಟ್‌ಗಳು ಆಗಮಿಸಿವೆ. ಇದನ್ನೂ ಓದಿ:ಗಣೇಶ್‌, ಅಮೃತಾ ಅಯ್ಯರ್‌ ಸಿನಿಮಾಗೆ ಸಿಕ್ತು ಅದ್ಧೂರಿ ಚಾಲನೆ
ಕಲರ್‌ಫುಲ್ ಜೂಟ್ ಬೆಲ್ಟ್, ಹೂ-ಬಳ್ಳಿಗಳ ಬೆಲ್ಟ್, ಕಾಟನ್, ಪ್ಲಾಸ್ಟಿಕ್, ಲೆದರ್ ಬೆಲ್ಟ್, ಕಾಂಟ್ರಾಸ್ಟ್ ಶೇಡ್‌ನ ಪೇಟೆಂಟ್ ಬೆಲ್ಟ್ ಇಂದು ಕ್ರಿಯೇಟಿವ್ ಬೆಲ್ಟ್ ಲಿಸ್ಟ್‌ಗಳು ಸೇರಿವೆ. ಹಿಪ್ ಬೆಲ್ಟ್, ಬಕ್ಕಲ್ ಬೆಲ್ಟ್, ಟೈ ಬೆಲ್ಟ್, ವೈಡ್ ಎಲಾಸ್ಟಿಕ್, ಸ್ಕಿನ್ಸಿ ಬೆಲ್ಟ್, ಬ್ರಾಸ್ ಟ್ವಿಸ್ಟ್, ವ್ರಾಪ್ ಬೆಲ್ಟ್, ಸ್ಟಡ್ ಬೆಲ್ಟ್‌ಗಳು ಟೀನೇಜ್ ಹುಡುಗಿಯರನ್ನು ಸೆಳೆದಿವೆ. ಇವನ್ನು ಗೌನ್, ಫ್ರಾಕ್, ಮಿಡಿ, ಸ್ಕರ್ಟ್ ಹಾಗೂ ಜೀನ್ಸ್, ಫಾರ್ಮಲ್, ಬಿಲೊ ವೇಸ್ಟ್ ಪ್ಯಾಂಟ್‌ಗಳಿಗೆ ಧರಿಸಲಾಗುತ್ತಿದೆ.
ಇನ್ನು ಕಾಂಟ್ರಸ್ಟ್ ಶೇಡ್ಸ್ ಬೆಲ್ಟ್, ಬೂಟ್ ಕಟ್ ಜೀನ್ಸ್‌ಗೆ ಹೊಂದುವ ಬಕ್ಕಲ್ಸ್ ಬೆಲ್ಟ್, ಹವರ್ ಗ್ಲಾಸ್ ಶೇಪ್ ನೀಡುವ ಡಬ್ಬಲ್ ಬಕ್ಕಲ್, ಸ್ಲಿಮ್ ಇರುವವರಿಗೆ ಮ್ಯಾಚ್ ಆಗುವ ಸ್ಕಿನ್ನಿ ಬೆಲ್ಟ್, ಬ್ಲೇಝರ್ ಹಾಗೂ ಕೋಟ್‌ಗಳಿಗೆ ಸೂಟ್ ಆಗುವ ಇಕ್ವೆಟೇರಿಯನ್ ಬೆಲ್ಟ್, ಸೊಂಟದ ಕೆಳಗೆ ನೇತಾಡುವಂತೆ ಕೂರುವ ಡಬ್ಬಲ್ ವ್ರಾಪ್ ಬೆಲ್ಟ್, ಕ್ಲೋಶರ್, ಲೂಪ್ ಲೆಯರ್, ಕೆವ್ ಬಕ್ಕಲ್ ಬೆಲ್ಟ್‌ಗಳು ಸ್ಟೇಟ್‌ಮೆಂಟ್ ವಿನ್ಯಾಸದಲ್ಲಿ ನಾನಾ ರೂಪದಲ್ಲಿ ದೊರೆಯುತ್ತಿವೆ.
ನಿಮ್ಮ ಬೆಲ್ಟ್ ಬೋಲ್ಡ್ ಪ್ಯಾಟರ್ನ್ ಆಗಿದ್ದರೆ, ಅದು ನಿಮ್ಮ ಔಟ್ ಫಿಟ್ ಜೊತೆ ಸರಿ ಹೊಂದುವುದೇ ಎನ್ನುವುದನ್ನು ನೋಡಿಕೊಳ್ಳಬೇಕಾಗುತ್ತದೆ. ಗಾಢ ಬಣ್ಣಗಳಿಗೆ ಬೂದಿ ಬಣ್ಣದ ಟ್ರೌಸರ್‌ಗಳನ್ನು ಅದಕ್ಕೆ ಮ್ಯಾಚಿಂಗ್ ಆದ ಲೂಫರ್‌ಗಳನ್ನು ಧರಿಸುವುದು ಅಗತ್ಯ. ಹೀಗೆ ನಿಮ್ಮ ಬೆಲ್ಟ್ ಅನ್ನು ಎಚ್ಚರಿಕೆಯಿಂದ ನಿಮ್ಮ ಡ್ರೆಸ್‌ಗಳಿಗೆ ಅನುಗುಣವಾಗಿ ಆರಿಸಿ. ತಪ್ಪಾದ ಆಯ್ಕೆ ನಿಮ್ಮ ಇಮೇಜಿಗೆ ಧಕ್ಕೆ ತರಬಹುದು.
ಅದಲ್ಲದೇ ಪುರುಷರಿಗೆ ಸ್ಲಿಮ್ ಹಾಗೂ ಸರಳವಾದ ಬೆಲ್ಟ್‌ಗಳಲ್ಲೂ ಇದೀಗ ಗೋಲ್ಡನ್ ಹಾಗೂ ಸಿಲ್ವರ್ ಬೆಲ್ಟ್‌ಗಳು ದೊರೆಯುತ್ತವೆ. ಇವು ಫಾರ್ಮಲ್ ಸೂಟ್ ಹಾಗೂ ಟೈ ಜೊತೆಗೆ ಸರಿ ಹೊಂದುತ್ತವೆ. ಬಕಲ್ ತೀರಾ ಫ್ಯಾನ್ಸಿ ಇರದಂತವನ್ನು ಸೆಲೆಕ್ಟ್ ಮಾಡಿ. ಕ್ಯಾಶುವಲ್ ಸ್ಟೇಟ್‌ಮೆಂಟ್ ಬೆಲ್ಟ್ ಬೇಕಾದಲ್ಲಿ, ಅನೇಕ ಆಯ್ಕೆಗಳಿವೆ. ಮಹಿಳೆಯರಿಗೆ ಹಾಗೂ ಪುರುಷರಿಗೆ ಕಾಲಕ್ಕೆ ತಕ್ಕಂತೆ ಸ್ಟೈಲೀಶ್ ಆಗಿ ಕಾಣಿಸಿಕೊಳ್ಳಲು ಬಗೆ ಬಗೆಯ ಟ್ರೆಂಡಿ ಬೆಲ್ಟ್‌ಗಳು ಸದ್ದು ಮಾಡುತ್ತಿವೆ.
