Bellary

ವಿದ್ಯಾರ್ಥಿಗಳ ಅಧ್ಯಯನಕ್ಕೆ ಮಹಿಳೆಯ ದೇಹದಾನ!

Published

on

Share this

ಬಳ್ಳಾರಿ: ಮನುಷ್ಯ ಇದ್ದಾಗ ರಕ್ತದಾನ ಮಾಡಬೇಕು ಸತ್ತಾಗ ದೇಹದಾನ ಮಾಡಬೇಕು ಅಂತಾರೆ. ದೇಶದ ಅದೆಷ್ಟೋ ವೈದ್ಯಕೀಯ ವಿದ್ಯಾರ್ಥಿಗಳಿಗೆ ದೇಹದ ಅಂಗಾಂಗಗಳಿಗೆ ಅಧ್ಯಯನ ಮಾಡೋಕೆ ಮೃತ ದೇಹಗಳೇ ಸಿಗುವುದಿಲ್ಲ. ಆದ್ರೆ ಬೈಲಹೊಂಗಲದ ರಾಮಣ್ಣನವರ ಪ್ರತಿಷ್ಠಾನ ಈ ಕೊರತೆಯನ್ನು ನಿಗಿಸುವಲ್ಲಿ ಮುಂದಾಗಿದೆ. ರಾಮಣ್ಣನವರ ಪ್ರತಿಷ್ಠಾನದ ಪರಿಶ್ರಮದಿಂದಾಗಿ ರಾಣೆಬೆನ್ನೂರಿನ ಲೀಲಾವತಿಯವರ ಮೃತದೇಹವನ್ನು ಬಳ್ಳಾರಿಯ ಆಯುರ್ವೇದಿಕ್ ಕಾಲೇಜಿಗೆ ದೇಹದಾನ ಮಾಡಿಸುವಲ್ಲಿ ಯಶ್ವಸಿಯಾಗಿದ್ದಾರೆ.

ಹೃದಯಾಘಾತದಿಂದ ರಾಣೆಬೆನ್ನೂರಿನ 80 ವರ್ಷದ ಲೀಲಾವತಿಯವರು ಇತ್ತೀಚಿಗಷ್ಟೆ ಮೃತಪಟ್ಟಿದ್ದರು. ಅವರ ಪುತ್ರ ಸಹ ವೈದ್ಯರಾದ ಕಾರಣ ದೇಹದಾನದ ಮಹತ್ವದ ಬಗ್ಗೆ ಅರಿವಿದ್ದ ಲೀಲಾವತಿಯವರು ತಮ್ಮ ದೇಹವನ್ನು ದಾನ ಮಾಡಬೇಕೆಂದು ಜೀವಿತ ವೇಳೆಯಲ್ಲಿ ಪ್ರಮಾಣ ಮಾಡಿದ್ದರು. ಹೀಗಾಗಿ ಅವರ ಕುಟುಂಬದ ಸದಸ್ಯರು ಇದೀಗ ಲೀಲಾವತಿಯವರ ಮೃತದೇಹವನ್ನು ಸಂಸ್ಕಾರ ಮಾಡದೇ ವೈದ್ಯಕೀಯ ವಿದ್ಯಾರ್ಥಿಗಳ ಅಧ್ಯಯನಕ್ಕೆ ದಾನ ಮಾಡಿ ಎಲ್ಲರಿಗೂ ಮಾದರಿಯಾಗಿದ್ದಾರೆ.

ಹೀಗಾಗಿ ಲೀಲಾವತಿಯವರ ದೇಹದಾನವನ್ನು ಪಡೆದ ಬಳ್ಳಾರಿಯ ತಾರಾನಾಥ ಆರ್ಯುವೇದ ಕಾಲೇಜಿನ ಆಡಳಿತ ಮಂಡಳಿ ಮತ್ತು ವಿದ್ಯಾರ್ಥಿಗಳು ಇದೀಗ ಅಂಗಾಗ ರಚನೆಯ ಅಧ್ಯಯನ ಮಾಡಲು ಲೀಲಾವತಿಯವರ ಮೃತದೇಹವನ್ನು ಬಳಸಿಕೊಳ್ಳಲು ಮುಂದಾಗಿದ್ದಾರೆ. ಮೃತದೇಹಗಳು ಸಿಗದಿದ್ದರೇ ಅಧ್ಯಯನ ತುಂಬಾ ಕಷ್ಟ ಅಂತಾರೆ ಆಯುರ್ವೇದಿಕ್ ಕಾಲೇಜಿನ ಪ್ರಾಧ್ಯಾಪಕ ಡಾ. ರಾಜಶೇಖರ್ ಗಾಣಿಗೇರ್ ಮತ್ತು ವಿದ್ಯಾರ್ಥಿಗಳು.

ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಅಂಗಾಗಗಳ ಅಧ್ಯಯನ ಮಾಡೋಕೆ ಮೃತದೇಹ ಬೇಕೆ ಬೇಕು. ಆದ್ರೆ ಮೆಡಿಕಲ್ ವಿದ್ಯಾರ್ಥಿಗಳಿಗೆ ಅಧ್ಯಯನ ಮಾಡೋಕೆ ಮೃತದೇಹ ಸಿಗೋದೇ ಅಪರೂಪ. ಹೀಗಾಗಿ ರಕ್ತದಾನ ಮಾಡಿದಂತೆ ದೇಹದಾನ ಮಾಡಲು ಜಾಗೃತಿ ಕಾರ್ಯಕ್ರಮಗಳು ನಡೆಸಲಾಗುತ್ತೆ. ಆದ್ರೆ ಬಹುತೇಕರು ಮೃತದೇಹಗಳಿಗೆ ಅಂತ್ಯಸಂಸ್ಕಾರ ಮಾಡುತ್ತಾರೆ. ಹೀಗಾಗಿ ದೇಹದಾನ ಮಾಡೋರು ತುಂಬಾ ಅಪರೂಪ. ಆದ್ರೆ ಬೈಲಹೊಂಗಲದ ಡಾಕ್ಟರ್ ಮಾಲತೇಶ ರಾಮಣ್ಣನವg ತಂದೆಯ ದೇಹವನ್ನು ದಾನ ಮಾಡುವ ಮೂಲಕ ದೇಹದಾನ ಜಾಗೃತಿ ಮೂಡಿಸುತ್ತಿದ್ದಾರೆ.

ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಅಂಗಾಂಗ ರಚನೆ ಕಲಿಕೆಗೆ ವರ್ಷಕ್ಕೊಂದು ಮೃತದೇಹ ಬೇಕೇ ಬೇಕು. ಅದೆಷ್ಟೋ ಕಾಲೇಜಿನಲ್ಲಿನ ವಿದ್ಯಾರ್ಥಿಗಳು ದೇಹದ ಅಂಗಾಂಗ ರಚನೆ ಬಗ್ಗೆ ಪ್ರಾಕ್ಟಿಕಲ್ಲಾಗಿ ಅಧ್ಯಯನ ಮಾಡದೆ ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ. ಹೀಗಾಗಿ ದೇಹ ಮಣ್ಣಲ್ಲಿ ಮಣ್ಣಾಗುವ ಬದಲು ಬೇರೊಬ್ಬರಿಗೆ ಸಹಾಯವಾಗಲು ದೇಹದಾನ ಮಾಡುವ ಮೂಲಕ ಸಹಕರಿಸಬೇಕು ಎಲ್ಲರೂ ಮುಂದಾಗಬೇಕಿದೆ.

Click to comment

Leave a Reply

Your email address will not be published. Required fields are marked *

Advertisement
Advertisement
Public TV We would like to show you notifications for the latest news and updates.
Dismiss
Allow Notifications