Connect with us

Belgaum

ವ್ಯಾಪಾರ ಮಾಡುವ ಜಾಗಕ್ಕಾಗಿ ಪರಸ್ಪರ ಮಚ್ಚುಗಳಿಂದ ಹೊಡೆದಾಡಿಕೊಂಡ ಮಹಿಳೆಯರು

Published

on

ಬೆಳಗಾವಿ: ರಸ್ತೆ ಪಕ್ಕ ಮೀನು ವ್ಯಾಪಾರ ಮಾಡುವ ಇಬ್ಬರು ಮಹಿಳೆಯ ನಡುವೆ ವ್ಯಾಪಾರ ಮಾಡುವ ಜಾಗಕ್ಕಾಗಿ ಆರಂಭವಾದ ಜಗಳ ವಿಕೋಪಕ್ಕೆ ತಿರುಗಿ ಪರಸ್ಪರ ಮಚ್ಚಿನಿಂದ ಹೊಡೆದಾಡಿ ಕೊಂಡಿರುವ ಘಟನೆ ಜಿಲ್ಲೆಯ ಚಿಕ್ಕೋಡಿ ಪಟ್ಟಣದ ಅಂಕಲಿಕೂಟದಲ್ಲಿ ನಡೆದಿದೆ.

ದಿನನಿತ್ಯ ಹೆಚ್ಚು ವ್ಯಾಪಾರ ಮಾಡುತ್ತಿದ್ದ ಸ್ಥಳದಲ್ಲಿ ಒಬ್ಬ ಮಹಿಳೆ ಕುಳಿತುಕೊಂಡಿದ್ದಾರೆ. ಇಲ್ಲಿ ದಿನನಿತ್ಯ ನಾನು ವ್ಯಾಪಾರ ನಡೆಸುವದು ಇಲ್ಲಿ ನೀನು ಕುಳಿತು ವ್ಯಾಪಾರ ಮಾಡಬೇಡ ಎಂದು ಇನ್ನೊಬ್ಬ ಮಹಿಳೆ ಹೇಳಿದ್ದಾರೆ. ಇದರಿಂದ ಮಾತಿಗೆ ಮಾತು ಬೆಳೆದು ಇಬ್ಬರೂ ವ್ಯಾಪಾರ ಬಿಟ್ಟು ಜಗಳಕ್ಕೆ ನಿಂತಿದ್ದಾರೆ. ಕೊನೆಗೆ ಇಬ್ಬರು ಮಹಿಳೆಯರು ಮೀನು ಕತ್ತರಿಸುವ ಮಚ್ಚುಗಳಿಂದ ಹೊಡೆದಾಡಿಕೊಳ್ಳಲು ಮುಂದಾಗಿದ್ದಾರೆ. ಜಗಳ ವಿಕೋಪಕ್ಕೆ ತಿರುಗುತ್ತಿದ್ದಂತೆ ಸ್ಥಳದಲ್ಲಿದ್ದ ಸಾರ್ವಜನಿಕರು ಇಬ್ಬರು ಮಹಿಳೆಯರನ್ನು ಸಮಾಧಾನಗೊಳಿಸಿದ್ದಾರೆ.

ಇನ್ನೂ ಇದ್ದ ಒಂದು ಚಿಕ್ಕ ಮೀನು ಮಾರುಕಟ್ಟೆಯನ್ನು ಪುರಸಭೆ ಅಧಿಕಾರಿಗಳು ತೆರವು ಗೊಳಿಸಿ ಶೌಚಾಲಯ ನಿರ್ಮಿಸಿದ್ದಾರೆ. ಇದರಿಂದ ಮೀನು ವ್ಯಾಪಾರಿಗಳು ರಸ್ತೆ ಪಕ್ಕದಲ್ಲಿಯೇ ಕುಳಿತು ವ್ಯಾಪಾರ ನಡೆಸುತ್ತಿದ್ದಾರೆ. ಇದರಿಂದ ದಿನನಿತ್ಯ ಬೀದಿ ಮೀನು ವ್ಯಾಪಾರಸ್ಥರು ಜಗಳವಾಡುವಂತಾಗಿದೆ ಎಂದು ಸ್ಥಳೀಯರು ಆರೋಪಿಸಿದ್ದಾರೆ.

ಈ ಸಂಬಂಧ ಚಿಕ್ಕೋಡಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.

Click to comment

Leave a Reply

Your email address will not be published. Required fields are marked *