Connect with us

Districts

ವೀಡಿಯೋ: ಕಾರಿನಲ್ಲಿ ಬಂದು 1 ಲಕ್ಷ ರೂ. ಮೌಲ್ಯದ 15 ಸೀರೆ ಕದ್ದು ಪರಾರಿಯಾದ ಖತರ್ನಾಕ್ ಕಳ್ಳಿಯರು

Published

on

ಮಂಡ್ಯ: ಗ್ರಾಹಕರ ವೇಷದಲ್ಲಿ ಬಂದ ನಾಲ್ವರು ಖತರ್ನಾಕ್ ಮಹಿಳೆಯರು ಸುಮಾರು 1 ಲಕ್ಷ ರೂ. ಮೌಲ್ಯದ 15 ಸೀರೆಗಳನ್ನು ಕಳ್ಳತನ ಮಾಡಿ ಪರಾರಿಯಾಗಿರುವ ಘಟನೆ ಮಂಡ್ಯದಲ್ಲಿ ನಡೆದಿದ್ದು, ಇದರ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಮಂಡ್ಯ ಜಿಲ್ಲೆಯ ಮದ್ದೂರು ತಾಲೂಕಿನ ಕೆಎಂ ದೊಡ್ಡಿಯಲ್ಲಿರುವ ರಂಗೋಲಿ ಸಿಲ್ಕ್ಸ್ ಬಟ್ಟೆ ಅಂಗಡಿಗೆ ಶುಕ್ರವಾರ ಮಧ್ಯಾಹ್ನ ಎರಡು ಗಂಟೆ ಸುಮಾರಿಗೆ ನಾಲ್ವರು ಮಹಿಳೆಯರು ಬಂದಿದ್ದಾರೆ. ಕಾರಿನಲ್ಲಿ ಬಂದಿದ್ದ ತಮಿಳು ಮಾತನಾಡುತ್ತಿದ್ದ ಮಹಿಳೆಯರು ಸೀರೆ ತೆಗೆದುಕೊಳ್ಳಲು ಬಂದಿರುವುದಾಗಿ ಹೇಳಿ ಹಲವಾರು ಸೀರೆಗಳನ್ನ ತೆಗೆಸಿ ನೋಡುವ ನಾಟಕವಾಡಿದ್ದಾರೆ. ನಂತರ ತಮ್ಮ ಸುತ್ತ ಸೀರೆಯನ್ನು ಅಡ್ಡ ಹಿಡಿದು ಸೀರೆ ನೋಡುತ್ತಿರುವಂತೆ ನಟಿಸಿ ಅಂಗಡಿಯವನಿಗೆ ತಿಳಿಯದಂತೆ ತಾವು ಉಟ್ಟಿದ್ದ ಸೀರೆಯೊಳಗೆ ಹೊಸ ಸೀರೆಗಳನ್ನ ಬಚ್ಚಿಟ್ಟುಕೊಂಡಿದ್ದಾರೆ.

ನಾಲ್ವರು ಮಹಿಳೆಯರು ಅಂಗಡಿಯ ಕೆಲಸಗಾರನ ಎದುರೇ ಸೀರೆಯನ್ನ ಅಡ್ಡ ಹಿಡಿದು 15 ಸೀರೆ ಎಗರಿಸಿ ತಾವು ಬಂದ ಕಾರಿನಲ್ಲೇ ಪರಾರಿಯಾಗಿದ್ದಾರೆ. ಮಹಿಳೆಯರು ಹೋದ ನಂತರ ಸೀರೆ ಕಳ್ಳತನ ಆಗಿರುವುದು ಗೊತ್ತಾಗಿದ್ದು ಅಂಗಡಿ ಮಾಲೀಕ ರವೀಂದ್ರ ಈ ಬಗ್ಗೆ ಕೆ.ಎಂ.ದೊಡ್ಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

https://www.youtube.com/watch?v=xRJvXG2noGo

 

Click to comment

Leave a Reply

Your email address will not be published. Required fields are marked *

www.publictv.in