ಮಹಿಳಾ ಪೊಲೀಸರಿಂದ ಬುಲೆಟ್ ರ‍್ಯಾಲಿ

ಬೆಂಗಳೂರು: ಮಹಿಳೆಯರ ಸುರಕ್ಷತೆ ಮತ್ತು ಜಾಗೃತಿ ಮೂಡಿಸಲು ಬೆಂಗಳೂರು ಪೊಲೀಸರು ಬುಲೆಟ್ ರ‍್ಯಾಲಿ ಹಮ್ಮಿಕೊಂಡಿದ್ರು. ಮೈಸೂರು ರೋಡ್ ನ ಸಿಎಆರ್ ಆವರಣದಲ್ಲಿ ರ‍್ಯಾಲಿಗೆ ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ ಚಾಲನೆ ನೀಡಿದ್ರು.

ಬೆಂಗಳೂರು ಸೇರಿದಂತೆ ರಾಜ್ಯಾದ್ಯಂತ ಮಹಿಳೆಯರ ಸುರಕ್ಷತೆಯ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ಈ ರ‍್ಯಾಲಿ ಆಯೋಜನೆಗೊಂಡಿದ್ದು, 20 ಮಹಿಳಾ ಪಿಎಸ್ ಐ ಗಳು ರ‍್ಯಾಲಿಯಲ್ಲಿ ಭಾಗವಹಿಸಿದ್ದರು. ಬೆಂಗಳೂರಿನಿಂದ ಹೊರಟು ಚಿಕ್ಕಬಳ್ಳಾಪುರದ ನಂದಿಬೆಟ್ಟದ ಬಳಿಯಿರುವ ಬೋಗನಂದಿಶ್ವರ ದೇವಸ್ಥಾನದ ತನಕ ಈ ರ‍್ಯಾಲಿ ಹೋಗಿ ವಾಪಸ್ಸಾಗಲಿದೆ.

ಮಹಿಳೆಯರು ಸುರಕ್ಷಿತ ಎಂಬ ಭಾವನೆ ಮೂಡಿಸಲು ರ‍್ಯಾಲಿ ಹಮ್ಮಿಕೊಳ್ಳಲಾಗಿದ್ದು, ನಗರ ಪೊಲೀಸ್ ಆಯುಕ್ತ ರು ಸೇರಿದಂತೆ ಎಲ್ಲಾ ಹಿರಿಯ ಅಧಿಕಾರಿಗಳು ರ‍್ಯಾಲಿಯಲ್ಲಿ ಭಾಗವಹಿಸಿ ಮಹಿಳಾ ಪಿಎಸ್ ಐ ಗಳ ಬೈಕ್ ರ‍್ಯಾಲಿಗೆ ಚಾಲನೆ ನೀಡಿ ಅಲ್ ದ ಬೆಸ್ಟ್ ಹೇಳಿದರು.