ಸರ್ಕಾರಿ ಆಸ್ಪತ್ರೆಯಲ್ಲಿ ವೈದ್ಯರಿಲ್ಲದೇ ಕೊರೊನಾದಿಂದ ಮಹಿಳೆ ಸಾವು

ಚೆನ್ನೈ: ಆಸ್ಪತ್ರೆಯಲ್ಲಿ ವೈದ್ಯರಿಲ್ಲದ ಕಾರಣ ಕೋವಿಡ್-19 ರೋಗಿ ಮೃತಪಟ್ಟಿರುವ ಘಟನೆ ತಮಿಳುನಾಡಿನ ಕಡಲೂರು ಜಿಲ್ಲೆಯಲ್ಲಿ ನಡೆದಿದೆ.

ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ವೀಡಿಯೋದಲ್ಲಿ, ಚಿದಂಬರಂ ಸರ್ಕಾರಿ ಆಸ್ಪತ್ರೆಯ ನರ್ಸ್‍ಗಳು ಮತ್ತು ಮಹಿಳೆಯ ಸಂಬಂಧಿ ಸೇರಿದಂತೆ ಇಬ್ಬರು ಮಹಿಳೆಯರು, ಮೃತಪಟ್ಟಿರುವ ಮಹಿಳೆಗೆ ಸಿಪಿಆರ್ ನೀಡುತ್ತಿರುವುದನ್ನು ಕಾಣಬಹುದಾಗಿದೆ. ಇನ್ನೂ ಈ ವೀಡಿಯೋವನ್ನು ಮಗ ಸೆರೆಹಿಡಿದಿದ್ದು, ಉಸಿರಾಟ ತೊಂದರೆಯಿಂದ ಬಳಲುತ್ತಿರುವುದನ್ನು ತನ್ನ ತಾಯಿಯನ್ನು ನೋಡಲು ವೈದ್ಯರಿಲ್ಲ ಎಂದು ಹೇಳುತ್ತಿರುವುದನ್ನು ಕಾಣಬಹುದಾಗಿದೆ. ಇದನ್ನೂ ಓದಿ:  ಏಷ್ಯಾದ ಹಳೆಯ ರಾಷ್ಟ್ರೀಯ ಉದ್ಯಾನವನಕ್ಕೆ ರಾಮಗಂಗಾ ಹೆಸರಿಡುವಂತೆ ಒತ್ತಾಯ

ಮೃತಪಟ್ಟ ಮಹಿಳೆಯನ್ನು ಸೆಂಥಾಮರೈ ಎಂದು ಗುರುತಿಸಲಾಗಿದೆ. ನರ್ಸ್‍ಗಳು ವೈದ್ಯರಿಗಾಗಿ ಆಸ್ಪತ್ರೆ ಪೂರ್ತಿ 20 ನಿಮಿಷಗಳ ಕಾಲ ಹುಡುಕಾಟ ನಡೆಸಿದ್ದಾರೆ. ಆದರೆ ಅವರಿಗೆ ವೈದ್ಯರು ಎಲ್ಲಿದ್ದಾರೆ ಎಂಬ ಅರಿವು ಕೂಡ ಇಲ್ಲ. ಈ ವೇಳೆ ನರ್ಸ್‍ಗಳಿಗೆ ಏನು ಮಾಡಬೇಕೆಂದು ಎಂದು ಕೂಡ ತಿಳಿದಿಲ್ಲ. ಸರ್ಕಾರಿ ಆಸ್ಪತ್ರೆಗಳಲ್ಲಿ ಈ ರೀತಿ ಪರಿಸ್ಥಿತಿ ಇದೆ ಎಂದು ಯುವಕ ತನ್ನ ಅಳಲನ್ನು ತೊಡಿಕೊಂಡಿದ್ದಾರೆ. ಇದನ್ನೂ ಓದಿ: 2023ರಲ್ಲೂ ಬೊಮ್ಮಾಯಿ ಸಿಎಂ ಆಗಿ ದಸರಾ ಉದ್ಘಾಟಿಸಲಿದ್ದಾರೆ: ಪ್ರತಾಪ್ ಸಿಂಹ

ಸೆಂಥಾಮರೈ ಅಕ್ಟೋಬರ್ 5ರಂದು ನಿಧನರಾದರೆ, ಅವರ ಪತಿ ಗೋತಂಡರಾಮನ್ ಕೂಡ ಕೋವಿಡ್ ಸೋಂಕಿನಿಂದ ಅಕ್ಟೋಬರ್ 1 ರಂದು ಸಾವನ್ನಪ್ಪಿದ್ದರು. ಸದ್ಯ ಈ ಘಟನೆ ಕುರಿತಂತೆ ತನಿಖೆ ನಡೆಸಲು ಜಿಲ್ಲಾಧಿಕಾರಿ ಆದೇಶಿಸಿದ್ದಾರೆ.