Connect with us

Bengaluru City

ಬಾಡಿಗೆ ಮನೆಗೆ ಬಂದ ಮೂರು ದಿನದಲ್ಲೇ ಮಹಿಳೆಯ ಹತ್ಯೆ: ಸ್ನೇಹಿತೆಯಿಂದಲೇ ಕೃತ್ಯ?

Published

on

ಬೆಂಗಳೂರು: ನಗರದ ಈಜಿಪುರದ 20ನೇ ಕ್ರಾಸ್‍ನಲ್ಲಿ ಮಹಿಳೆಯೊಬ್ಬರ ಕೊಲೆಯಾಗಿದ್ದು, ಮಹಿಳೆಯ ಶವ ಮನೆಯಲ್ಲಿ ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

ಹೊನ್ನಮ್ಮ ಅಲಿಯಾಸ್ ಪ್ರಿಯಾ ಕೊಲೆಯಾದ ಮಹಿಳೆ. ಮೂರು ದಿನಗಳ ಹಿಂದೆ ಪ್ರಿಯಾ ಇಜಿಪುರದಲ್ಲಿ ಮನೆಯನ್ನು ಬಾಡಿಗೆ ಪಡೆದುಕೊಂಡು ವಾಸವಾಗಿದ್ದರು. ಮನೆಯ ಮಾಲೀಕರಿಗೆ ನಾನು ಮತ್ತು ಗೆಳತಿ ರಿಯಾ ಇಬ್ಬರೇ ವಾಸವಾಗಿರುವುದು ಎಂದು ತಿಳಿಸಿ ಬಾಡಿಗೆ ಹಣ 7,500 ರೂ. ಮತ್ತು ಮುಂಗಡವಾಗಿ 30,000 ರೂ. ನೀಡಿ ವಾಸವಾಗಿದ್ದರು.

ಮಂಗಳವಾರ ಮನೆಯಿಂದ ವಾಸನೆ ಬರುತ್ತಿರುವುದನ್ನು ಗಮನಿಸಿದ ಮನೆಯ ಮಾಲೀಕ ಕಿಟಕಿಯಲ್ಲಿ ಇಣುಕಿ ನೋಡಿದಾಗ ಪ್ರಿಯಾ ಶವ ಕಂಡಿದೆ. ಮನೆಯ ಮಾಲೀಕ ಕೂಡಲೇ ಪೊಲೀಸರಿಗೆ ಮಾಹಿತಿ ತಿಳಿಸಿದ್ದಾರೆ. ಪ್ರಿಯಾ ಮೂಲತಃ ತಮಿಳುನಾಡು ಹೊಸೂರಿನ ಬಾಗಲೂರು ಗ್ರಾಮದವರು ಎಂದು ತಿಳಿದು ಬಂದಿದೆ.

ಪ್ರಿಯಾ ಕಳೆದ ಆರು ತಿಂಗಳ ಹಿಂದೆ ಗಂಡನ ಜೊತೆ ಜಗಳ ಮಾಡಿಕೊಂಡು ಬೆಂಗಳೂರಿಗೆ ಬಂದು ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡಿಕೊಂಡಿದ್ದರು. ಇನ್ನೂ ಕೊಲೆಯಾದ ದಿನದಿಂದ ಪ್ರಿಯಾ ಗೆಳತಿ ರಿಯಾ ನಾಪತ್ತೆಯಾಗಿದ್ದಾಳೆ. ರಿಯಾ ನಾಪತ್ತೆಯಾಗಿರುವುದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ. ಈ ಸಂಬಂಧ ವಿವೇಕ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

 

Click to comment

Leave a Reply

Your email address will not be published. Required fields are marked *