2 ಸಾವಿರ ರೂ. ನೋಟಿಗಾಗಿ ಮೆಟ್ರೋ ಹಳಿಗೆ ಹಾರಿದ ಯುವತಿ

ನವದೆಹಲಿ: ಕೈಯಿಂದ ಜಾರಿ ಮೆಟ್ರೋ ರೈಲಿನ ಹಳಿ ಮೇಲೆ ಬಿದ್ದ 2 ಸಾವಿರ ರೂ. ನೋಟಿಗಾಗಿ ಯುವತಿಯೊಬ್ಬಳು ರೈಲ್ವೆ ಹಳಿಗೆ ಹಾರಿರುವ ಘಟನೆ ದೆಹಲಿ ದ್ವಾರಕಾ ಮೆಟ್ರೋ ನಿಲ್ದಾಣದಲ್ಲಿ ನಡೆದಿದೆ.

ಬೆಳಗ್ಗೆ 10:30ರ ಸುಮಾರಿಗೆ ರೈಲ್ವೆ ಫ್ಲಾಟ್ ಫಾರ್ಮ್ ಮೇಲೆ ರೈಲಿಗಾಗಿ ಯುವತಿ ಕಾದು ನಿಂತಿದ್ದಾಳೆ. ಈ ಸಮಯದಲ್ಲಿ ಆಕೆಯ ಕೈಯಲ್ಲಿದ್ದ 2 ಸಾವಿರ ರೂ. ನೋಟು ಹಾರಿ ರೈಲ್ವೆ ಹಳಿ ಮೇಲೆ ಬಿದ್ದಿದೆ. ಕೂಡಲೇ ಪಿಂಕ್ ನೋಟು ವಾಪಸ್ ತೆಗೆದುಕೊಳ್ಳಲು ಹಳಿಗೆ ಹಾರಿದ್ದಾಳೆ.

ಹಳಿಗೆ ಹಾರುತ್ತಿದಂತೆ ರೈಲು ಕೂಡ ಫ್ಲಾಟ್‍ಫಾರಂಗೆ ಬಂದಿದೆ. ಇದನ್ನ ಗಮನಿಸಿದ ಆಕೆ ರೈಲ್ವೆ ಹಳಿ ಮಧ್ಯೆ ಮಲಗಿದ್ದಾಳೆ. ಘಟನೆಯನ್ನು ಕಂಡ ಸಾರ್ವಜನಿಕರು ಕ್ಷಣ ಕಾಲ ಬೆಚ್ಚಿ ಬಿದ್ದಿದ್ದಾರೆ.

ಎಲ್ಲರೂ ಯುವತಿ ಸಾವನ್ನಪ್ಪಿದ್ದಾಳೆ ಎಂದು ತಿಳಿದಿದ್ದಾರೆ. ಕ್ಷಣ ಮಾತ್ರದಲ್ಲಿ ಎಚ್ಚೆತ್ತಾ ಮೆಟ್ರೋ ಸಿಬ್ಬಂದಿ ಅಕೆಯ ರಕ್ಷಿಸಲು ಮುಂದಾಗಿದ್ದಾರೆ. ಈ ವೇಳೆ ರೈಲಿನ ಕೆಳಗೆ ಸಿಲುಕಿದ್ದ ಯುವತಿ ಸುರಾಕ್ಷಿತವಾಗಿ ಅಧಿಕಾರಿಗಳು ರಕ್ಷಣೆ ಮಾಡಿದ್ದಾರೆ. ಘಟನೆಯಲ್ಲಿ ಯುವತಿಗೆ ಸಣ್ಣ ಪುಟ್ಟ ಗಾಯಗಳಿದ್ದು, ಪ್ರಾಣಪಾಯದಿಂದ ಪಾರಾಗಿದ್ದಾಳೆ.

ಮೊದಲು ಯುವತಿ ಆಕಸ್ಮಾತ್ ಆಗಿ ಹಳಿಗೆ ಬಿದ್ದಿದ್ದಾಳೆ ಎಂದು ತಿಳಿದಿದ್ದ ಅಧಿಕಾರಿಗಳಿಗೆ ಯುವತಿ ವಿಚಾರಣೆ ವೇಳೆ ನೀಡಿದ ಕಾರಣ ಕೇಳಿ ದಂಗಾಗಿದ್ದಾರೆ. ಅಲ್ಲದೇ ಆಕೆಯ ಬಳಿ ತಪ್ಪೊಪ್ಪಿಗೆ ಹೇಳಿಕೆ ಬರೆಸಿಕೊಂಡು ಕಳುಹಿಸಿದ್ದಾರೆ ಎಂಬ ಮಾಹಿತಿ ಲಭಿಸಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv