ಬಟ್ಟೆ ಹಾಕಿಕೊಳ್ಳದೆ ನಗ್ನವಾಗಿ ಡೇಟಿಂಗ್ ಗೆ ಹೋದ್ಳು- ಎಷ್ಟೇ ಹೊತ್ತಾದ್ರೂ ಬಾಯ್‍ಫ್ರೆಂಡ್ ಗೆ ಗೊತ್ತೇ ಆಗ್ಲಿಲ್ಲ!!

ವಾಷಿಂಗ್ಟನ್: ಕೆಲವರು ಗೆಳೆಯನನ್ನು ಭೇಟಿ ಮಾಡಲು ಯಾವ ಬಟ್ಟೆ ಧರಿಸಬೇಕು ಎಂದು ಚಿಂತಿಸುತ್ತಾರೆ. ಇನ್ನು ಕೆಲವರು ತಮ್ಮ ವಾರ್ಡ್ ರೋಬ್ ತೆಗೆದು ತಮ್ಮ ಸ್ನೇಹಿತರ ಅಭಿಪ್ರಾಯವನ್ನು ಕೇಳುತ್ತಾರೆ. ಆದರೆ ಯುವತಿಯೊಬ್ಬಳು ತನ್ನ ಗೆಳೆಯನನ್ನು ಭೇಟಿ ಮಾಡಲು ಬಟ್ಟೆ ಹಾಕಿಕೊಳ್ಳದೇ ನಗ್ನವಾಗಿ ಹೋಗಿದ್ದಾಳೆ.

ಅಮೆರಿಕದ ಜಾಯ್ ತುಂಬಾ ಧೈರ್ಯದಿಂದ ಗೆಳೆಯನನ್ನ ಭೇಟಿ ಮಾಡಲು ನಗ್ನವಾಗಿ ಹೋಗಿದ್ದಾಳೆ. ಆದ್ರೆ ಆಕೆ ಉಡುಪು ಧರಿಸಿರುವಂತೆ ಕಾಣಲು ದೇಹದ ಮೇಲೆ ಪೇಂಟ್ ಮಾಡಿಸಿಕೊಂಡಿದ್ದಳು.

ಅಮೆರಿಕದ ಪ್ರಸಿದ್ಧ ಕಲಾವಿದೆ ಜೆನ್ ಸೀಡಲ್ ಹಾಗೂ ಆಕೆಯ ಮಗಳು ಕೆನ್ನೆಡಿ ಯುವತಿಗೆ ಈ ರೀತಿಯಾಗಿ ಪೇಂಟಿಂಗ್ ಮಾಡಿದ್ದಾರೆ. ಇದನ್ನ ನೋಡಿದ ಯಾರೋಬ್ಬರು ಸಹ ಯುವತಿ ನಗ್ನವಾಗಿದ್ದಾಳೆ ಎಂದು ಊಹಿಸಲು ಕೂಡ ಸಾಧ್ಯವಾಗಿಲ್ಲ. ಅಷ್ಟೇ ಅಲ್ಲದೇ ಆಕೆಯ ಬಾಯ್‍ಫ್ರೆಂಡ್‍ಗೂ ಕೂಡ ಬಟ್ಟೆ ಧರಿಸಿಲ್ಲ ಎಂದು ತಿಳಿಯಲಿಲ್ಲ. ಆ ರೀತಿ ಥೇಟ್ ಬಟ್ಟೆಯಂತೆಯೇ ಕಾಣುವ ಹಾಗೇ ಪೇಂಟಿಂಗ್ ಮಾಡಲಾಗಿತ್ತು. ಜೀನ್ಸ್ ಹಾಗೂ ಹೂವಿನ ಚಿತ್ತಾರವಿರುವ ಟಾಪ್ ಹಾಕಿಕೊಂಡಿರುವಂತೆ ಪೇಟಿಂಗ್ ಮಾಡಲಾಗಿತ್ತು.

ಜಾಯ್ ಒಂದು ಕೋಟ್ ಧರಿಸಿ ತನ್ನ ಗೆಳೆಯನನ್ನ ಭೇಟಿ ಮಾಡಿದ್ದಾಳೆ. ನಂತರ ತನ್ನ ಕೋಟ್ ತೆಗೆಯಲು ಸಹಾಯ ಮಾಡುವಂತೆ ಕೇಳಿದ್ದಾಳೆ. ಆಗ ಆತ ನಿನ್ನ ಡ್ರೆಸ್ ತುಂಬಾ ಚೆನ್ನಾಗಿದೆ. ಆದ್ರೆ ಒಂದು ಕ್ಷಣ ನೀನು ನಗ್ನವಾಗಿದ್ದೀಯ ಎಂದುಕೊಂಡೆ ಎಂದು ಹೇಳುತ್ತಾನೆ. ಆಗ ಜಾಯ್ ನಕ್ಕು ಸುಮ್ಮನಾಗಿದ್ದಾಳೆ. ನಂತರ ಮಾಲ್‍ನಲ್ಲಿ ಇಬ್ಬರು ಕೆಲ ಸಮಯ ಕಳೆದಿದ್ದಾರೆ. ಇದೆಲ್ಲವನ್ನೂ ಜಾಯ್ ಸ್ನೇಹಿತರೊಬ್ಬರು ದೂರದಿಂದಲೇ ವಿಡಿಯೋ ಮಾಡಿದ್ದಾರೆ.

ಕಾಫಿ ಕುಡಿದ ಬಳಿಕ ಇಬ್ಬರೂ ಮಾಲ್‍ನಲ್ಲಿ ಕೆಲ ಕಾಲ ತಿರುಗಾಡಿದ್ದಾರೆ. ಈ ವೇಳೆ ಕೆಲ ಹುಡುಗಿಯರು ಜಾಯ್ ದೇಹದ ಮೇಲೆ ಪೇಂಟಿಂಗ್ ಮಾಡಿಕೊಂಡಿದ್ದಾಳೆ ಎಂದು ಕಂಡುಹಿಡಿದು ಸೆಲ್ಫೀ ಕೇಳಿದ್ದಾರೆ. ಆಗ ಜಾಯ್ ಗೆಳೆಯ ಇದು ಬಾಡಿ ಪೇಂಟ್ ಅಲ್ವಾ ಎಂದು ಪ್ರಶ್ನಿಸಿದ್ದು, ಆಗಲೂ ಆಕೆ ಸತ್ಯವನ್ನ ಬಹಿರಂಗಪಡಿಸಿರಲಿಲ್ಲ.

ಕೊನೆಗೆ ಇಬ್ಬರೂ ಕಾರ್ ಪಾರ್ಕಿಂಗ್ ಬಳಿ ಬಂದಾಗ ಮಳೆ ಸುರಿಯುತ್ತಿತ್ತು. ಮಳೆ ನೀರು ಬಿದ್ದು ಮುಜುಗರವಾಗೋದು ಬೇಡ ಎಂದುಕೊಂಡು ಕೊನೆಗೂ ಜಾಯ್ ಸತ್ಯವನ್ನ ಹೇಳಿದ್ದಾಳೆ.

ಕಳೆದ ಕೆಲ ವರ್ಷಗಳ ಹಿಂದೆ ಮಾಡೆಲ್ ಒಬ್ಬಳು ಪ್ಯಾಂಟ್ ಹಾಕಿಕೊಳ್ಳದೇ ಜೀನ್ಸ್ ತೊಟ್ಟಿರುವಂತೆ ಪೇಂಟಿಂಗ್ ಮಾಡಿಸಿಕೊಂಡು ರಸ್ತೆ ಸುತ್ತಿದ್ದಳು.